الموضوع: جريمه عفشه السيراتو !!!!!!!!!!!!!!!!

المشاركة الأصلية كتبت بواسطة hobiko

ده ملخص الكلام torsion beam suspension مش نظام سئ للدرجة لكنه مناسب جدا لعربية من الفئة دى بالسعر ده

صحيح multi link suspension أكثر تطورا لكن أكثر تكلفة و بالتالى من الطبيعى وجوده فى سيارات من فئات اعلى خاصة سعريا

و لكل حد اشترى العربية متقلقش انت ولا لبست ولا حاجة عربييتك امكانيتها كويسة جدا فى حدود فئتها و سعرها

المشاركة الأصلية كتبت بواسطة M7amD_7amDy

هيا الحرب قامت ولا ايه؟
مهو الناس اللى راكبين العربيه بيقولوا كويسه وثباتها ممتاز
انتوا مبتصدقوش مسلمين ولا ايه

المشاركة الأصلية كتبت بواسطة ENG\AHMED

دة طبيعى بس بص على شكل العجلة الناحية التانية عاملة ازاى!!


بالنسبة للموضوع الاصلى
صحيح ان نظام التعليق متعدد الوصلات احسن ولة مميزات عن نظام التعليق على قضيب واحد ( زى السيراتو )
بس دة ديزاين يعنى انت بتحاول توفق مجموعة وحدات مع بعضها لهدف معين او نتيجة معينة .. بمعنى الراجل الديزاينر لما بيعمل ديزاين مش داخل سوبر ماركت بيشيل احسن حاجة على الرف ويمشى لأ هو بيشوف اية المناسب اكتر علشان يحقق النتيجة اللى عايزها
بمعنى لو حط نظام تعليق متعدد الوصلات هيبقى احسن بس هياخد من مساحة الصالون وعلشان يكبر الصالون هيكبر العربية وسعرها يغلى دة غير سعر نظام التعليق نفسة وبالتالى كدة ممكن يخرج بالعربية برة فئتها او الهدف المرجو منها
يبقة اية الحل يحط النظام دو ولا يدور على بديل وان كان اقل فى المميزات من ناحية بس ككل هو الانسب لية دة غير انة يقدر يعدل فية علشان يحسن منة
يعنى العربية فى الاخر ديزاين مش راكب فيها تعليق بقضيب واحد ورا يبقى مش ثابتة طيب مالفكترا a بقضيب واحد وثابتة جدا واللانوس قضيب واحد ومش ثابتة!! والاسبيرانزا a516 متعدد ورا وركبتها حسيت انها مراجيح وان كل قطعة ملهاش علاقى باللى جنبها !!!
ومش معنى انها طنابير ورا مش ديسكات يبقى لبس العربية ومفهاش فرامل !!
لما تجرب العربية وتبقى مش ثابتة ومفهاش فرامل تبقى معيوبة انما من غير تجربة يبقى مش كارثة ولا تلبيسة لمجرد انها طنابير ورا او التعليق الخلفى بقضيب واحد!!!

المشاركة الأصلية كتبت بواسطة yoko

بصراحة مفيش بعد كده وكمان الفوكس طلعت نفس التعليق وأعتقد الي بيشوف topgear قالوا عاليها إيه في الثبات وعملوا بيها إيه
وكمان عندي سؤال ليك هيا من قدام مكفرسون ولا الكتلوج بيدحك عليا ولا إية بالظبط

يا جماعه الموضوع مش موضوع حرب و كدا , الي اشترا العربيه مش هاين عليه يقول الحقيقه ليه مش عارف, او يمكن خبرة ضعيفه , المهم انا كل الي عايز اوصلو, مع احترامي ,ان العافشه فعلا وحشه , انا فاهم بقول ايه , و يا ريت يا جماعه لو سمحتو يعني كلمت الحق تتقال , العفشه وحشه و الجنت ال 17 اكبر غلطة عملتها كيا علشان الجنوت الكبيرة بتبوظ الكوتشات بسرعه في المطبات الجامدة و بتقصر عمر المسعدين جدا , يعني بدل ما المساعدين تعد معاك 100 الف كيلو مثلا حتعد النص , و بالنسبه لعريات التانيه يا جدعان دا الفيرنا منزلا نظام تعليق متعدد الازرع , و الشيري و التيجو و الانترا , و الاوبترا و الاسبرانزات كلها , و البرليانس جالينا و اسبلندر و الماذدات و الوكتافيا و الجيتا , اكيد ورا كل دول سر انهم يختار نظام تعليق متعدد الازرع , تيجو انتو بقا تقولولي لا دا نظام تعليق تمام و بتاع , الكلام دا مع احترامي مش كلام حقيقي خالص , انا استغربت ازاي سيراتو نزلا كدا , قولت اوضح ليكو علشان الناس تفهم ...

المشاركة الأصلية كتبت بواسطة BASKOTA

ممكن طلب صغير
ياريت الاعضاء الذين يمتلكون النيو سيراتو هم بس اللى يجاوبوا ويقولولنا تجربتهم مع النيو سيراتو

هل عفشة النيو سيراتو سيئة ام جيدة

اتمنى تكون الاجابة عن تجربة وليس بالمعلومات العامة والقراءات المتنوعة

عشان مانظلمش النيوسيراتو ولا ملاكها ولا نشتت اللى لسة بيفكر يشتريها

انا و الله مش بنتقد حد , انا بتكلم جد جدا , الي بقول دا واقع , بس يمكن هما مش متخيلين او الوضوع صعب , بس فعلا الموضوع مهم للي عايز يشتري العربيه دي , انا خلاص قررت اني مش اشتريها , الحمد لله اني طلعت فاهم و اخدت بالي , و يا رب اكون افدت الناس الي ناويا تشتري النيو سيراتو , انا عملت الي عليا ووضحت للي مش فاهم , علشان ميندمش بعد كدا ,,.... و شكرا

المشاركة الأصلية كتبت بواسطة DODY

Mr_momo نقدك ممكن يكون فيه شيئ من المصداقية ولكنه استفزازى ويعنى كل الناس اللى راكبين غير الجيتا والاوكتافيا لبسوا .. طيب ممكن توضح لبسوا ايه وفين بالضبط .. يارب ما يكونش قصدك وحش علشان ما حدش يزعل ويرد عليك رد ناشف زى عفشة السيراتو او عفشة المياه

lمع احترامي لرأيك دا رأيك الشخصي و انا بحترمو على قد خبرتك , بس دا مش نوع من المصداقيه انا بتكلم كلام واقعي جدا , الحمد لله بقول رأي مبيهمنيش حد , بالنسبه ل{ايك انا بحترمو جدا طبعا , بس يا ريت تفهمني كويس , علشان تديني رأي ايجابي مش نقد و خلاص .... شكرا جدا لمشاركتك ..

المشاركة الأصلية كتبت بواسطة justs

يعني سيادتك لما لقيت أن عفشة المازدا3 مفيهاش كلمة ( وده واقع ) ، دورت على اي حاجة عشان تقولي لبست ، عموما وتأكيدا على كلام صديقي د.أحمد ، دخ جزء من مواصفات المازدا3 ويشمل كل ما يخص نظام الفرامل فيها والحمد لله كل المواصفات المذكورة موجودة في عربيتي لأنها أعلى فئة بتنزل الخليج ،

Unchanged - but still class-leading - are four‑wheel disc brakes with ventilated discs in the front and solid discs in the rear form the basis for a comprehensive active safety system. Four-wheel ABS and electronic brakeforce distribution (EBD) with brake assist are standard on s models and are optional on i models. Dynamic stability control (DSC) and traction-control are standard on Touring and Grand Touring s models. Passive safety systems feature a rigid body ....l that provides exceptional collision safety.

يعني الحمد لله ملبستش ولا حاجة ، ويا ريت تتأكد من الكلام الأول قبل ما تقوله وكمان تقولي لبست ؟؟؟ ، صعب قوي موضوع لبست ده في مازدا3 ، والحمد لله بسم الله ما شاء الله أنا سعيد جداً بكل حاجة في عربيتي وأقسم بالله أجمل وأمتع عربية ركبتها في حياتي رغم أني ركبت عربيات كتير ، بأختصار تقدر تحس بنفس متعة القيادة بتاعة بي ام وانت سايق المازدا3 مع أختلاف أن عفشة المازدا3 رغم قوتها ولكنها بردو ناعمة جدا ، وعلى فكرة العربية دي رغم ان الجميع بيشكر فيها ، بس ميعرفش متعتها الا اللي امتلكها مش بس جربها ، وعشان كده قليل جدا لما تلاقيها معروضة في المستعمل ،

معلش يا باشا فلتت منك دي ، شوفلك حاجة تانية غير نظام الفرامل عشان تقولي بردو لبست ، ماهو مش معقول تلبس كل الناس وتسبني من غير لبس كده ، عموما لو انت شايف اني لبست في مازدا3 فأنا عجبني قوي اللبسة دي ، وواضح ان فيه عامل نفسي عندك لأستخدام لفظ لبست ده ، والله اعلم مرجعه ايه !!!!!

يا باشا الماذدا 3 عمرها منزلت مصر بديسكات ورا !!!!!!!!!!!!!!!!!!!!!!!!!!!!!!!!!! مع احترامي يعني, بس هيا نظام تعلقها بجد جامد اخر حاجة رياضي رقم واحد , شكرا (على قكرة اداء الفرامل لما يكون ديسكات ورا و قدام مختلف تماما عن الديسكات امامي بس!!!! يعني انا مش فاهم انت ازاي بتحاول تثبتلي ان الاتنين زي بعض!!!) شكرا لمشركتك ...

المشاركة الأصلية كتبت بواسطة gasserissa

ممكن اقول حاجه كمان لصاحب الموضع
الاول مشكور جدا و بحد انك قول الموضوع ده عشان اللي بيقكر قي العربيه ديه تكون كل المعلومات تحد ايده و يقدر يخد قراره وهو مطمن
بس ليا عتاب صغير عليك لو تسمحلي يعني
انت استخدمت اسلوب في شرح الموضع يضيع علي اللي معاه العربيه ديه فرحته بالعربيه الجديده و وخلتني انا شحصيااحس اني حاجز حتة خرده انا مقدر انك مخنوق و مصدوم عشان زي ما انت قولت كانت عجباك اوي بس قدر شعور اللي معاه العربيه ديه وكان فرحان بيه معلش اعزورني انت طفيت فرحته و اعتقد كل و احد فينا او يمكن انا قرحتي بعربيه الجديده مش عارف اوصفلكم بتيقه عمله ازي تخيله مده الاحباط اللي انا فيه رغم اني مش بسوق بسرع اصلا
و كمان ديه و وجهات نظر مش كل الناس بمشي في الشارع علي سرعات عليه و مشيه تاخد غرز و درفتات
و ارجو ان تتقبل عتابي و ان اكون اوضحت و جهة نظري في تقدري الشديد انك بتحاول توعي الناس و تفهمهم بس بهدواء من غير ما نطفي فرحت حد

و اللله انا زعلان اكتر منك , لانك اشتريت خلاص !!!!!!!!!1 بس الموضوع مفهوش عاطفه , كلام جيش يعني , انا بس بحب اتكلم من الاخر , مش القصد خالص اني اضيع قرحت حد بالعربيه , العربيه يا جماعه تحفه فنيه , العربيه تصميمها بجد احسن عربيه في الفئه دي شوفت تصميمها , تصميم جامد اوي , يعني انا حموت عليها بس قلبي بتثطع قطع انهم نزلوها كدا , انا الضغط عندي علي يمها , كنت عايز اضرب اي حد في المصنع بتاع كيا اقولهم ليييييييييييييييييييييييي ييييييييييييييييييييييييي ييييييييييييه ازعقلهم , اضربهم اكسرلهم المصنع , مخنوق سبوني اطلع الي جوايا ....

المشاركة الأصلية كتبت بواسطة Ghost2

بلاش بس نتكلم عن دول الخليج عشان معنى كلامكو بقه ان الالماني وحش لانهم طبعا مش بيحبو الالماني ... فعلا كل سوق ليه حساباته ... بس انا عايز اقول حاجه ... نظام تعليق النيو سيراتو مش حلو ودي وجهة نظري ... الكلام اللي بتقولوه عن السيراتو ده يخلي سعر العربية فوق ال 170 الف ... هي اللي فيها على قد فلوسها وربنا يبارك للي اشتراها وخلاص وهيركبها على قد ما دفع فيها ... بس بردة عن تاكيد ثبات الالنترا عن 180 اعلى من النيو سيراتو على 160 ... وده رايي وهي وجهات نظر

لا الموضوع مش موضوع فلوس انا سبق و قولت لحضرتك البروتون و الفرنا نزلين بعافشه متعددة الازرع !!!! تخيل , بس الي مضايقني اوي بقا انا مش فاهم ليه سيراتو عملت العمله دي !!! العافشه مش غاليه يا جدعان !!!!!! و الله ما غاليه لو غاليه متنزلش في الانترا او البروتون او اي عربيه رخيصه !!!!!!! و شكرا ...

المشاركة الأصلية كتبت بواسطة AHMEDCAR

طيب ما الاوكتفا و الانوس نفس نظام السيرايراتو محدش اشتكى يه انا بتكلم على الايه فور

يا باشا الاوكتافيا اي 4 عربيه مش تمام و كانت حتودي واحد صحبي في ستين داهيا , اعدت تلف بيه على سرعه , علشان خد غرزة !!!!!!! اعدت تلف تخيل !!!!! لما جبنا الاوكتافيا اي 5 فرق شاسع في التزان عربية مش ممكن , قفشه في الاسفلت , حتقارن بالانوس مش ينفه عايز تقارن قارن بالنوبيرا ( و للاسف حتى النوبيرا و الاوبترا نزلين بعافشه احسن من السيراتو و نظام تعليق متعدد الازرع تخيلو!!!!!!!!!!!!!!!1) المهم بعد كل التدخلات دي احب اقولكم على الي نطلع منو من المدخلات دي , كل العربيات الي في فئه السيراتو و زي النوبيرا , الاوبترا , الانترا , الاوكتافيا , الجيتا , البروتون , الفورد , الهوندا, الاسبرانزا , الماذدا , كل العربيات دي فيها ارخص من السيراتو و اغلى كلهم كدا بيستخدم انظمه تعليق بتكنولوجيا اهلى من السيراتو و انا ذكر الفرق كتير قبل كدا , فا انا بكرر و بقول اني مصدوم و مش مرتاح للي حصل في السيراتو دا , و كمان بقول للي عندهم الجنت ال 17 في السيراتو دي مش ميزة هما حطين الجنت دا علشان يدارو عيوب العافشه بس في الموقابل زي مقولت الجنوط الكبيرة بتجيب كوتش مع النقر و المطبات , و بقصر من عمر المسعدين و المقصات و خصوصا قي الطرق المصريه الي كلينا عارفنها ... اشكركم جميعا , و يا رب بجد اكون وصلت المغلومه تمام , و عذرا للي معاة سيراتو ان مش بنتقد العربيه نفسها العربيه شكلها جامد , بس زي ما قولت انت لبست ... في انظار مشركات اكتر منكم و حوار اكبر و شكرا ...