الموضوع: جريمه عفشه السيراتو !!!!!!!!!!!!!!!!

انا فعلا مستلمها ب 3 عجلات و فانوس واحد وكمان من غير دركسيون ... قالولى ابقى هاتو من شارع زكى.....

انا بفكر احط كلمة "لبس" في الــtags

lol

المشاركة الأصلية كتبت بواسطة Ahmed Samy

و الله مش عارف اقوللك ايه ..

انا اللي راكب فعلا و باخد غرزعلى 140 ...و بتسعفني الحقيقة

وانت قريت كلمتين و جاي تقولي اخد وماخودش ..

النصيحة بتكون من مجرب ..اسأل مجرب و طبيب كمان
أما حكملى على الثبات ممكن تراجع مواضيعي عن التقييمات للجولف و الأسترا و هاتلاقي فكرتي هناك



وهي دي بسعرهم اساسا ..عادي اني اقارنها بيهم وتخسر قدامهم في الثبات ....في فرق 70 الف بينهم ولا انت مس واخد بالك ؟؟؟

انا جيبت البولو لأنك بتقول ان التعليق وحش و فضيحة و بيخلي العربية مش ثابتة

فجبتلك مثال على عربية ماحدش يقدر يشكك في ثباتها ولا صانعها و كفاءته, مش بقارن فئات ..بقارن أداء مع نقطة تصميم مشتركة ..

و بخصوص المازدا ان المهندس سامح "لبس" لأنها طنايبر ورا ..أحب اضيف لمعلوماتك معلومة ان الطنابير في أول طرازين من المازدا فقط زي السيراتو كده و الباقي ديسكات ....

بقى اللي بيشتري مازدا كمان لبس؟؟؟؟

طب ايه العربية اللي انت شايفها تستحمل سواقتك العنيفة ؟؟؟؟؟

بس بلاش تقوللي Audi A6

يا سيدي ماشي خلنا نقارنها بالاسكودا اوكتافيا الاخ بيقوللك حتى لو حاولت تقلبها ما تعرفش طب اسمع ديه من اربع او خمس ايام بالضبط راجع من مصر على الطريق الزراعي اسكندريه شوية سباب راكبين عربية اوكتافيا ومعديين من جنبي طايرين وبيعمل غرزة يمين بعد ما عداني من الشمال علشان يعدي العربيه الي في الشمال قدامي والله العظيم ديل العربيه رقص قدامي وراحت لفه وداخله في عربية بيجو اجره وراحت لابسة في الجزيره الي في النص والله ده حصل قدام عيني
والاخ يقلك ما تعرفش تقلبها

وبعدين واضح من لهجة صاحب الموضوع انه بيفرض رايه ده ذا كان هو ده رايه ومش عارف ليه محسسني انه مدير مبعات شركة غبوووووووووووور

المشاركة الأصلية كتبت بواسطة ahmedcar

أرسل أصلا بواسطة akram2010
يا اخونا لو الكيا كان فيها الخير كانوا الخليجيين ركبوها ... الكورى اركبوا الهيونداى فقط سيارات تقنيه عاليه باسعار جدآ مناسبه وفى الخليج ماشاء الله انتشار والسبب تفوق جودة سيارات الهيونداى . على فكرة الكيا موجودة ولكنها منعدمه الانتشار والسبب جودة سيارتهم



حبيب قلبى انت فين يا طويل العمر واحشنى و الله

انا عاوز اقول حاجه واحده بس انا كان زيك بحب هيونداى بس بالمنظر ده ياراجل ارحم شويه انا عاوز اقولك حاجه تعالى قسم هيونداى اللى انت مش بتدخله اصلا و دافع عنها لكن ماتروحش ترمى نفسه فى بيوت الناس كده و تقولهم حاجتكوا وحشه و عاوزهم يسكتوا

يعنى مثلا خد عندك رجاله هيونداى فى المنتدى كلهم بيدخلوا يفيدوا و يستفيدوا و لو حد جيه نحيتهم بيخلوه شوربه و انا اولهم لكن زى ما انت بتعمل كده مش حلو علشانك انت بتحط نفسك فى مواقف بايخه قوى يا طويل العمر

اظاهر اني غلط وظلمت الاخ لما قلت انه مدير مبيعات غبور ده طلع هو غبور ومش ناقص الا انه يعمل موضوع استبدل عربيتك التعبانه الرديئة الي اسمها كيا سيراتو بعربية هيونداي النترا الوحش العملاق وادفع فقط 100,000 جنيه بس واحنا كده نبقى خسرانين يلا

ياخي عيب عليكو الاسلوب الرخيص ده وبدل ما ضيعو وقت في الكلام ده روحو اشتغلو حتى ان شاالله تقلدو العربيه السيراتو وتكتبو عليها هيونداي سيراتو مع اني اعتقد حتى ان كلمة هيونداي حتبوظ العربية ومش حتخلي حد يشتريها لانها حتبقى من غبور اسوء خدمة في مصر +التقفيل المصري

معلش اسمحولي الخص الحوار لحد دلوقت من واقع اصحاب السيراتو

ميزة نظام التعليق الخلفي
+ هي الثبات على السرعات العالية

+ السماح بمساحة اكبر في صالون العربية

العيوب
+ نشفان العفشة

+ زيادة الاحساس بالنقر و الحفر و المطبات = قلة الراحة نسبيا

صححولي لو غلطان

ميزة الثبات على السرعات العالية مش شايف انها حاجة جامدة بيتهيألي مش حتفرق الا مع اللي بيسافر كتير
لكن يتهيألي معظم الناس مشاورها جوة البلد و طبعا الطرق بتاعتنا معروفة و محفوظة يعني قلة راحة !!


عموما
انا حاولت اقرا الريفيوز عنها في النت و عن نظام التعليق "العفشة"

مثلا موقع car advice الاسترالي في اختباره السيارة عجبهم "نعومة" العفشة على الرغم من نظامها البسيط
بس خلوا بالكو من فرق "نعومة" الطرق بين هنا و هناك
http://www.caradvice.com.au/22741/20...iew-road-test/

Kia utilises a strut front/torsion beam rear suspension arrangement under the Cerato, and despite some competitors offering a more modern multi-link rear end, this is one car that actually manages to make the most of its more basic set-up, and it’s this smooth ride that enhances what is already a comfortable and generously proportioned cabin

نفس الكلام تتفق معاه مجلة motor trend الامريكية
بيقولو ما ملخصه ان العفشة اكتر حاجة كويسة في العربية و بتدي احساس رياضي و بتمتص الصدمات كويس و الثبات ممتاز
2010 Kia Forte Engines and Suspension - Motor Trend
.

But where the Forte really shines is in the suspension feel. Kia's engineers took great pains to tune the car's ride and handling, and it really shows.
While the Forte is fitted with fairly standard hardware -- an independent front with MacPherson struts and a stabilizer bar, plus a torsion beam rear with struts and coil springs -- it strikes a nice balance between comfort and sport feel. It sucks up bumps without crashing into them, and in the twisty section of the drive the SX felt downright sporty, exhibiting little body roll

لكن موقع drive الاستراي بقول كلام غير كدة خالص
بيقول ان العفشة مرنة على السرعات العالية لكن ادائها بيتدهور مع المطبات و الحفر و الاداء سيئ مع الاطارات من قياس 17 و اسوأ مع قياس 15 !!!
Kia Cerato SLi - www.drive.com.au

Despite the SLi's sportier 17-inch wheels, the Cerato's suspension is compliant at higher speeds. But ride quickly deteriorates over suburban bumps and potholes and is surprisingly worse on the base-model S fitted with smaller, higher-profile 15-inch tyres.

و برضه موقع edmunds بيقول ان الثبات مش اد كده في الملفات !!!

2010 Kia Forte Review and Specs

The 2010 Kia Forte isn't exactly a driver's car, even in sport-tuned SX form. There's lots of body roll during enthusiastic cornering, and the steering is rather numb. The ride is comfortable enough, however, and with the exception of intrusive road noise on some surfaces, the Forte is a confident highway cruiser

في الاخر موصلتش لحاجة !! هي هي نفس العربية و كلام مختلف !!
في كلمة متكررة كتير في كل الريفيوز هي ان العربية فئة SX
sport tuned و في الغالب الكلمة متاخدة من بروشور العربية

انا شخصيا مقتنع بالعربية جدا و ناوي عليها ان شاء الله بس مستني الوضع يستقر شوية

ايه دا كولوووووووووووووووووووووو وووووو , الرجاله داخله تتخانف مش تشارك , انا بقول وجه نظري , و اذا مان على التجربه يا جمعان انا مجرب عربيات من E320 لغايه الفيرنا !!!!!!!!!!!!!!!!!!!!!! انتو لي محسسني اني بتخانق مش بقول رأي للناس!!!!!!!!!!!!!!!!!!!!!!!!!!!!!!!!!!!! دا كلامي و مش حغيرو , الهدف من موضوعي ان الناس تعرف ان العافشه دي تلبيسه , و بعدين في ناس فاكرة اني بقارن بالهينداي , انا مش بقارن , انا وضحت مثال بس , يعني من الاخر كدا خالصصصصصصصصصصصصص العافشه متعددة الازرع multilink suspension system افضل بكتير من ال بار , بس هو دا نهايه الكلام و بم ان السيراتو نازله بار مش عافشه متعددة الازرع , و معظم فئتها نازله بنظام تعليق متعدد الازرع , يبقا دي حاجه تعيب السيراتو , يمكن بقا العيب دا ميفرقش مع ناس , و يفرق مع ناس تانيا , المهم ان الناس تفهم الفرق دا الهدف , اي اراء شخصيه مش مظبوطه تتقال ,مش حتغير حقيقه الموضوع , كل واحد يقول رأيو برحتو , بس الحقيقه مش حتتعير!!!! انا لما فلت رأي الشخصي كل الي عندو سيراتو زعل مني !!!! انا مش قصدي ازعل حد , انا فعلا العربيه نزلت من نظري خلاص!!! بس انا حبيت اوضح ليه و افهم الناس , و طبعا كل واحد ليه تجربو , و شكرا