الموضوع: أوبتراوى جديد نفسه يفهم زرار الHold بالتفصيل وحاجات تانيه

شكرا ليكم جميعا.

إنطباعى عن السياره جيد حتى الآن

المميزات التى أراها
1) شكل وتصميم فى منتهى الأناقه
2) التقفيل أكثر من رائع.
3) ثبات عالى على الأرض (وصلت بيها حتى 160 على طريق مصر إسكندريه وكان ثباتها تحفه).
4) تبلوه شيك والنظام الصوتى رائع
5) السحب ممتاز
6) العزل كان مفاجأه بالنسبه لى (ممتاز جدا).
7) التكييف قوى ولا يؤثر على السحب.

العيوب التى أراها

1) الصاج ضعيف جدا (وخاصة الكبوت) فوجئت بحته متطبقه فيه بعد ما إستلمتها بإسبوع (نفس اللى شوفته فى عربية واحد صاحبى إستلم من شهر).
2) العفشه بتخبط (ولكن قل هذا التخبيط بعد ما ظبطت ضغط الإطارات على 30 أصله كان على 40 من ساعة ما إستلمتها ومكنتش واخد بالى).

الله يبارك فيك

أنا عامل لغاية دلوقتى 1500 كيلو

وبالنسبه للتليين أنا سألت فى التوكيل قالولى تسوق على السرعه اللى تعجبك وتشغل التكييف زى ما إنت عايز وبالفعل أنا بعمل بيها اللى على مزاجى

الله يخليك يا نادر باشا بس نخلص من خبطة الأوبترا الأول.

بالنسبه للتليين والله ممكن يكون كلامك صح. بس أنا خدت كلامهم فى التوكيل ومشيت عليه. وممكن إن الأصل فى مانيوال السياره وكلام الوكلاء إنه تمشى بالسرعه اللى إنت عايزها. بس العرف إنه لازم تلتزم بقواعد التليين. أنا لما التوكيل قاللى كده قلت يبقى دى ناش واثقه من العربيه بتاعتها (وبالذات لما قالولى إن أول صيانه بعد 5000 كم مش ألف زى كتير من العربيات) تبقى أكيد دى ثقه بالنفس بقى ولا إيه

يا جماعة معلش فى حاجة انا مش فاهمها
هوه دالوقتى ماشى على الرابع وعاوز يعدى عربية
انتوا بتقولوا يدوس على زرار الهولد علشان ينزل للتالت والعربية تجرى بسرعة طيب ليه تنزل للتالت مهو يفضل على الرابع ويجرى برحته يعنى المفروض الغيار الاعلى يناسب السرعة الاعلى انما التالت دى انا مش فاهمها خالص ازاى هيسرع وينزل غيار اقل وهل ده مش غلط على الموتور

معلش يريت حد يفهمنى اصلى معايا صنى مانيوال وعمرى ما سوقت اوتوماتيك