يابانى ولا فرنسى؟

**delpo** · 02-08-2009 10:57 AM

الزملاء الأعزاء ياريت مندخلش عربيات الفورميلا والراليات في الموضوع احنا بنتكلم على عربيات على قد فلوسنا وتمشي فشوارعنا احنا مش في حلبة سباق بتتكلف 80 مليون دولار.
ماينفعش اولا نقارن على الإطلاق كده فا هحاول ابسط واختصر على قد ما اقدر:
في أقل فئة في الياباني زي الياريس والهوندا سيتي قارنها بأقل فئة في الفرنسي زي البيجو 206 والستروين سي 3 ورينو لوجان .. بيتهيقلي من نحية الخامات الستريون والسيتي يتنافسوا وصعب نحسم والشكل برضو, لكن من الناحية الإقتصادية بكل ما تحمله من نقاط طويلة زي اعادة البيع وقطع الغيار والإعتمادية والنعومة والصيانة الياريس تكسبهم جميعا.
في أعلى فئة (مقدور عليها) في الياباني هناك الكامري والأكورد والألتيما والأوريون لو سمعتو عنها وفي الفرنسي في البيجو 407 بيتهيقلي المقارنة محسومة للياباني في 90% من الاوجه المقارنة.

في المجمل الفرنسي يتمتع بطابع وزوق وشكل خاص بيه بعكس الياباني الي بيتشابه مع بعضو, وكمان الفرنسي بيكون اشيك نوعا ما من بره, لكن في النهاية وبما يناسب المشتري المصري أرشح الياباني كعربيات أفضل وانسب لشوارعنا.

ملاحظة الفرنسي كان ممكن يكون افضل من الياباني لولا مشاكل الكهربا الي فيه والي عشتها عن تجربه مع صديق ليا بجد شيء غريب انهم يعملو عربيات بالجمال ده وفيه مشاكل كهرباء ؟!!!

في النهاية لو فئة متوسطة زي سيفيك او كورولا او مازدا 3 او شارك بتقارنها ب307 او سي 4 اوميجان بيتهيقلي ان الياباني افضل بالفوارق الإقتصادية فقط.

**Sharky** · 02-08-2009 11:23 AM

المشاركة الأصلية كتبت بواسطة delpo

في أعلى فئة (مقدور عليها) في الياباني هناك الكامري والأكورد والألتيما والأوريون لو سمعتو عنها وفي الفرنسي في البيجو 407 بيتهيقلي المقارنة محسومة للياباني في 90% من الاوجه المقارنة.

حضرتك بلاش الأوريون فى الموضوع دا لإنهم فى الخليج بيشتكوا منها
رغم انها من شركة تويوتا أكثر السيارات إعتماديه كما يعتقد المصريين :)

**محمد عز** · 02-08-2009 01:10 PM

مناقشة ازلية لم ولن تنتهى

كل واحد ينام على الجنب اللى يريحه

لكن مش معنى انا املك سيارة من فئة او ماركة معينة انى اذم فى السيارات الاخرى او اعيب فيها بانها اقل تكنولوجيا او اقل اعتمادية

من الاخر

اليابانى للى عاوز راحة البال

والفرنساوى للى عاوز شياكة وبرستيج

end of story

**K3A** · 02-08-2009 01:49 PM

بكل بساطة وبدون وجع دماغ سوق الاتنين test drive يعني وشوف وكيل الاتنين انهي احسن ولو سعر قطع الغيار واحد شوف نسبة توافرها وسهولة الحصول عليها ... ولا تنسى ...طلب الخيرة بالاستخارة

**أبو عبدالله** · 02-08-2009 02:52 PM

المشاركة الأصلية كتبت بواسطة ahmed hassan

أحمد... يعني ايه صيانه شامله؟؟ انا عربيتي ياباني و أكبر صيانه عملتها غيرت فيها زيت فتيس و كورونا و ميه ريداتير و زيت فرامل و فلتر بنزين و الصيانه دي كانت على 40000 كم. أكيد مش دي الصيانه الشامله اللي قصدك عليها. لو قصدك على الصيانه اللي فيها تغيير سير كتينه فدي التوكيل بيعملها على 80000 (الكتالوج بيقول 100000 أو 120000 مش فاكر بالضبط).

ممكن يكون العربيات الياباني في الفئه الصغيره اللي احنا بنتكلم عنها تعمل بتكنولوجي ابسط من الفرنسي (وبصراحه انا لا اعتبر ده عيب أو ضعف قدرات من الصانع الياباني). اليابانيين لما بيعملو عربيه فخمه بيعرفو يحطو فيها تكنولوجي حديثه جدا و بيظلوا يحتفظو بالعتماديه العاليه لسياراتهم (إأيي الشخصي ان اليابانيين اقدر على توظيف التكنولوجي المعقده من الفرنسيين)

كلام مظبوط فعلا
المشكلة فعلا ان الناس في مصر خصوصا فعلا مركبوش عربيات ياباني من الفئات العالية علشان يحكموا بيحكموا على العربيات اللي بتنزل هنا مفيهاش حاجه علشان تنافس في السعر وغالبا كلها 1300 سي سي

وايضا بيفتكروا ان عدم وجود تكنولوجيا في العربيه اللي هيا ايه برضه مش عارف ولكن بيفتكروا ان دي علشان اليابانيين مش قادرين يعملوا شوية اوبشن اللي هما بيصنعوا روبوتات مش عربيات

**Nour_Peugeot** · 02-08-2009 04:29 PM

بصراحه تامه هقولكم الفرق

الفرق ان الشعب المصري كله عيز لما يجي يبيع العربيه ميخسرش فيها بس كده

مش اكتر و اي ميكانيكي خارج التوكيل يشتغل فيها

خلص الكلام بقي ههههههههههه

و بخصوص الكامري والأكورد والألتيما والأوريون مش ال 407 التنفسهم

ال 607 هي الفي الفئه بتاعتهم و تتغلب عليهم كلهم في كل حاجه ده بس توضيح مش اكتر

**محمد ابراهيم 1** · 02-08-2009 05:45 PM

فعلا 407 هى الفئة المتوسطه
فئة سكودا أوكتافيا أوبل فيكترا مازدا 6

**Eslam.Elrefaey** · 02-08-2009 06:09 PM

انا بحب الفرنساوى (رينو-بيجو-ستريوين)

**Sharky** · 02-08-2009 06:14 PM

المشاركة الأصلية كتبت بواسطة أبو عبدالله

كلام مظبوط فعلا
المشكلة فعلا ان الناس في مصر خصوصا فعلا مركبوش عربيات ياباني من الفئات العالية علشان يحكموا بيحكموا على العربيات اللي بتنزل هنا مفيهاش حاجه علشان تنافس في السعر وغالبا كلها 1300 سي سي

وايضا بيفتكروا ان عدم وجود تكنولوجيا في العربيه اللي هيا ايه برضه مش عارف ولكن بيفتكروا ان دي علشان اليابانيين مش قادرين يعملوا شوية اوبشن اللي هما بيصنعوا روبوتات مش عربيات

ابو عبدالله إحنا كلامنا على السيارات الـ 1600 سى سى اللى هى الأكثر انتشارا فى مصر و مابنتكلمش على سيارات مش موجودة فى مصر علشان نحكم عليها

ابو عبدالله هو الصيانة الشاملة للسيربون عند كام كيلو ؟

حضرتك ممكن تقولى الكرولا الجيل السابق ليه ما نزلتش بنفس الأوبشنز و التكنولوجى اللى نولت بيها السيارات الفرنساوى فى نفس فئتها ؟

عموما من الأخر من حكم إمتلاكى للصناعتين لعدة سنوات
إللى عايز سيارة شكلها عادي و صيانتها سهلة لقلة الأوبشنز و التكنولوجى و مش فارق معاه الثبات يجيب يابانى
و اللى عايز سيارة فخمة و شكلها شيك و مليانه أوبشنز و تكنولوجى أكتر و ثباتها أحسن يبقى يركب فرنساوى

**Ahmed Selim** · 02-08-2009 06:54 PM

أنا عاوز أسألكم سؤال غريب شوية ملهوش علاقة مباشرة بالموضوع

لو عاوز تشترى تليفون و قدامك بنفس السعر تليفونين أتنين بس
1- نوكيا ( تعمله صيانه عند أى حد بس منتشر جداً و قطع غيارة رخيصة لو برة التوكيل و كمان مش بتعيش قوى )
2- أيفون ( تعمله صيانة عند حد بيفهم بس أو عند التوكيل و قطع غياره فى نفس حدود أسعار قطع غيار النوكيل الأصلى و بتعيش )

هتشترى أيه ؟؟؟؟

بالمناسبة الميجان 1 مسمعتش عن أعطال كهرباء متكررة فيها......يعنى لو عربية واحدة ظهر فيها عيب مع الأستخدام و التشخيص طلع غلط معتقدش أنها تبقى مشكلة موديل بالكامل.
دا أنا عربية مراتى أكسنت 2006 يعنى ولا تكنولوجيا ولا بطيخ و بقالى شهر بروح بيها لكذا ميكانيكى ( منهم واحد بتاع هيونداى بس ) و محدش عارف يظبط كهربة العربية.......يبقى كده نقدر نقول أن كل الأكسنت الموديل ده ( من 99 الى 2006 ) فيه مشاكل كهرباء؟؟؟

متنسوش تجاوبو على السؤال بتاع التليفون...........

مشاهدة نتائج الإستطلاع: يابانى ولا فرنسى؟

الموضوع: يابانى ولا فرنسى؟

LinkBack

أدوات الموضوع

عرض

-

-

-

-

المواضيع المتشابهه

للبيع نظارة نظر Cartier صنع فرنسى بسعر وهمى

للبيع نظارة نظر Cartier صنع فرنسى بسعر وهمى

405 فرنسى

مطلوب تسعير بيجو 405 مو96 فرنسى

صراع يابانى يابانى كورى

الكلمات الدلالية لهذا الموضوع

المفضلات

المفضلات

ضوابط المشاركة