الموضوع: يابانى ولا فرنسى؟

المشاركة الأصلية كتبت بواسطة nour_peugeot

بصراحه تامه هقولكم الفرق

الفرق ان الشعب المصري كله عيز لما يجي يبيع العربيه ميخسرش فيها بس كده

مش اكتر و اي ميكانيكي خارج التوكيل يشتغل فيها

خلص الكلام بقي ههههههههههه

و بخصوص الكامري والأكورد والألتيما والأوريون مش ال 407 التنفسهم

ال 607 هي الفي الفئه بتاعتهم و تتغلب عليهم كلهم في كل حاجه ده بس توضيح مش اكتر

وحضرتك مضايق مثلا عشان المفروض ان الشعب يخسر لما يجي يبيع ولا ايه انا مش فاهم ؟!!!

خليني اشرحلك اهو برضو لوجه الله:

ازاي سعر اعادة بيع العربية بيبقى عالي ؟
أولا العربية لازم تكون انتشرت جداً وتم تجربة اجيال سابقة منها وثبت من خلالها اعتمادية العربية وورضا سائقيها عن العربية بشكل عام من كل النواحي, ويجب ان تكون أسعار قطع الغيار من بلد المنشأ رخيصة مش زي ما ناس كتير معتقدة ان كل ما العربية انتشرت كل ما قطع غيارها رخصت على كده بقى كان البي ام اكس فايف في الخليج سعر قطع غيارها بقى زي ال128 مع كامل احترامي ليها.
ثانياً تبدأ شريحة صغيرة بشراء العربية مستعملة ومن ثم تثبت السياراة نجاحها مرة اخرى ورضا اصحابها عنها لتنتشر السمعة الطيبة عن السيارة وبالتالي يتسابق الناس لشرائها وهنا عندما يجد البائع اكثر من مشتري يقوم برفع سعر البيع (نظرية العرض والطلب), وهكذا.

يبقى النتيجة العربية سعر اعادة بيعها اعلى = انها سيارة افضل اذا قارنتها مع اي سيارة اخرى من فئتها.


نيجي بقى للأمورة الغندورة 607 حضرتك تقريبا متعرفش حاجة عن العربية غير اسمها ويمكن شكلها لانك لو تعرفها هتكون عارف انها 3000 سي سي و 211 حصان في أقل فئة منها يعني فئة اعلى بكتير من الكامري والأكورد والألتيما الي هما 2400 سي سي في أقل فئة منهم.

فا لو عايز تقارن بعربية ياباني 3000 سي سي هديك ليكزس 3000 سي سي وكفاية عليك موديل is300 الي هو اقل فئة على الإطلاق في عائلة اللكزس وطبعا تضرب ال 607 بال...., وشوف رغم ان دي اعلى فئة في بيجو التانية اقل فئة في لكزس يعني اليابانيين متقدمين بمراحل رهيبة جدا عن الفرنسيين في صناعة السيارات.

المشاركة الأصلية كتبت بواسطة sharky

ابو عبدالله إحنا كلامنا على السيارات الـ 1600 سى سى اللى هى الأكثر انتشارا فى مصر و مابنتكلمش على سيارات مش موجودة فى مصر علشان نحكم عليها

ابو عبدالله هو الصيانة الشاملة للسيربون عند كام كيلو ؟

حضرتك ممكن تقولى الكرولا الجيل السابق ليه ما نزلتش بنفس الأوبشنز و التكنولوجى اللى نولت بيها السيارات الفرنساوى فى نفس فئتها ؟

عموما من الأخر من حكم إمتلاكى للصناعتين لعدة سنوات
إللى عايز سيارة شكلها عادي و صيانتها سهلة لقلة الأوبشنز و التكنولوجى و مش فارق معاه الثبات يجيب يابانى
و اللى عايز سيارة فخمة و شكلها شيك و مليانه أوبشنز و تكنولوجى أكتر و ثباتها أحسن يبقى يركب فرنساوى

معلش يا استاذ شاركي تكنولوجية ايه الي موجودة دلوقتي في الفرنسي ومش موجودة في الياباني عشان انا مش واخد بالي؟؟؟

وبعدين الكورولا الجديدة اثبت من الميجان على السرعات العالية فا ماينفعش تقول الي مش فارق معاه التكنولوجيا والثبات لانهم الاتنين موجودين في الياباني في الموديلات الجديدة زيو زي الاوروبي كلو.

المشاركة الأصلية كتبت بواسطة ahmed a.maksoud

أنا عاوز أسألكم سؤال غريب شوية ملهوش علاقة مباشرة بالموضوع

لو عاوز تشترى تليفون و قدامك بنفس السعر تليفونين أتنين بس
1- نوكيا ( تعمله صيانه عند أى حد بس منتشر جداً و قطع غيارة رخيصة لو برة التوكيل و كمان مش بتعيش قوى )
2- أيفون ( تعمله صيانة عند حد بيفهم بس أو عند التوكيل و قطع غياره فى نفس حدود أسعار قطع غيار النوكيل الأصلى و بتعيش )

هتشترى أيه ؟؟؟؟

بالمناسبة الميجان 1 مسمعتش عن أعطال كهرباء متكررة فيها......يعنى لو عربية واحدة ظهر فيها عيب مع الأستخدام و التشخيص طلع غلط معتقدش أنها تبقى مشكلة موديل بالكامل.
دا أنا عربية مراتى أكسنت 2006 يعنى ولا تكنولوجيا ولا بطيخ و بقالى شهر بروح بيها لكذا ميكانيكى ( منهم واحد بتاع هيونداى بس ) و محدش عارف يظبط كهربة العربية.......يبقى كده نقدر نقول أن كل الأكسنت الموديل ده ( من 99 الى 2006 ) فيه مشاكل كهرباء؟؟؟

متنسوش تجاوبو على السؤال بتاع التليفون...........

حضرتك لما تقارن بين آيفون ونوكيا يبقى بتقارن بين بي ام دبليو ام 6 ورينو ميجان!!!!!!!!!

انما المقارنة الصح تبقى بين نوكيا وسوني اريكسون والنوكيا الكورولا والسوني اريكسون ممكن يبقى ستروين سي 4 مثلا.

شوفت انت قولت ايه مافيش تكنولوجيا وبرضو بتعطل يبقى حضرتك رديت على نفسك الموضوع مش بس ان فيه تكنولوجيا لان عربية زي الكامري فيها تكنولوجيا من زمان جدا بس برضو مبتعطلش مع كامل اعتذاري لسمو الكامري على ادخالها وسط الصغار

[QUOTE=Ahmed Anwer;994010]أنا رايي الشخصي ان الفرنسين مالهمشي في الصناعة

ملهاش في الصناعه يا جماعه اقراو التاريخ كويس ولا بلاش التاريخ نشوف دلوقتي
1- فرنسا احسن دوله في العالم بتصنع قطارات ومؤخرا عملت القطار السريع اللي عدى سرعه القطار الطائر الياباني
2- فرنسا وامريكا هما الدولتين فقط في العالم كله اللي بيعملوا طيارات مدنيه
3- اخر استطلاع حربي امريكي قال ان الطياره الحربيه لورابان الفرنسيه فاقت الطياره اف 22 الامريكيه في كل الاختبارات
4-نشوف ابتكار واختراع الفرنسين في الفورميلا وان وازاي سبقوا اليابانين والالمان
بجد دي نكته جامده جدا حكايه فرنسا ملهاش في الصناعه دي