يا باشا ولا تزعل نفسك................يا خبر بفلوس؟؟!!!!!
عرض للطباعة
المصيبة الكبيرة أن أصلا
نص العربيات اللي ماشية في الشارع ....... لا تصلح لأستخراج رخص .
يعني لو فيه فحص فني حقيقي ........ نص عربيات مصر المحروسة مش هاتطلع رخص .....
زي رخص السواقين ......... بنطلع رخص من غير ما نمتحن ..............
يعني رخص سواقة ......... و رخص عربيات ................................................. في البطيخ .....
هما أصلا لو عايزين يحلوا المشكلة بجد ....
يعملوا موضوع الأحلال .................................... و اللي يتسفيد ماديا من قرض حكومي أو ما شابه لازم يشتري محلي
أمال نودي الأنتاج المحلي فين ؟؟؟؟؟؟؟؟؟ نشربه و نجشع غيرنا و نمي أقتصاد غيرنا ؟؟؟؟؟؟؟؟؟؟؟؟؟؟؟؟
ثانيا ..... يتعمل أختبار فحص فني زي اللي بيتعمل في بلاد الله الأخرى المتقدمة علشان تبقى العربية فعلا ماشية مظبوطة .
و تحيا ج ع ع ........... و البطيخ و المهلبية المصرية .
الاخوة الافاضل
في رأيي الشخصي أن هذا الموضوع و قد تم التهيئة له منذ 2006 بطريقة رمي الكلام و تهيئة الرأي العام اعقبه صدور قانون المرور الجديد عام 2008 بعد طبعا تعيين محمد منصور وزيرا للنقل و المواصلات و طبعا كل حبايبه و محاسيبه الوزراء رجال اعمال و كله بينفع كله , المهم في رأيي أن هذا القانون سيكون للسيارت قبل سنة 1980 و هي موديلات الستينات و السبعينيات و ماقبلها و غالبا سيحدث كعادة الحكومة بطريقة متدرجة يعني سيبدأ بمحافظات القاهرة الكبرى الخمسة فقط و بموديلات قبل عام 1970 .
ثم بعد فترة أنتقالية مدتها سنتان يخش على موديلات قبل عام 1980 و يعطيها مهلة سنتان او ثلاثة يعني بعد حوالي خمسة سنوات فترة انتقالية تكون فيها موديلات ماقبل عام 1980 مر عليها أكثر من 35 عاما .
بعد هذا سيدخل على باقي المحافظات شريطة أن يكون نفس نظام الحكم هو هو بعد الخمسة سنوات الفترة الانتقالية .
في رأيي أيضا أن التجديد لن يكون أجباريا بطريقة ( معلنة ) و لكنه سيكون بطريقة مستترة , يعني لن تقول الحكومة كل اللي عنده عربية قبل 1980 يرميها خردة أو يبيعها و لكن ستقول علانية : من يرغب في الانضمام لمشروع احلال و تجديد السيارت الملاكي أهلا و سهلا و من يرغب في الاحتفاظ بسيارته القديمة يبقى براحته لكن من تحت الترابيزة تبدأ الحكومة في تطليع عينين و تطفيش ملاك السيارت القديمة عن طريق عدة وسائل :
أولا : جعل الفحص الفني للسيارت القديمة كل سنة بدلا من كل ثلاثة سنوات .
ثانيا : زيادة الضرائب بشدة على موديلات ماقبل 1980 .
ثالثا : المعاكسة الشديدة لكل ضباط المرور في الشوارع للسيارت القديمة و توقيفها و سحب رخصها لاي سبب
طبعا بتعليمات من رجال المرور .
رابعا : تقليل أو حتى منع استيراد قطع غيار السيارت للموديلات القديمة .
و طبعا أمام الرأي العام تقول الدولة أن موضوع الاحلال و التجديد للملاكي ( أختياري ) و لكن في الحقيقة الغير معلنة
أجباري
يا باشا انت دماغك فريد شوقي , استيفان روستي , أو توفيق الدقن
لو حد من الحكومة قرا كلامك ده حتودينا في الكازوزة الرحمة ياعم ما هي الغلابة عايزة تركب هي و أسرها بدل بهدلة المواصلات و المكروباصات
أقولك على حاجة؟
خلاصة القصة هي صراع طبقي بين الأغنياء و الفقراء
الأغنياء عاوزين مصانعهم و توكيلاتهم تشتغل على حساب الفقراء و مش عاوزين يتنازلوا عن أي هامش ربح
بينما الفقراء يتعرضون لظلم الأغنياء و لا يقدرون على شراء حتى عجلة من العجلات الأربعة و لو كان بايديهم كانوا خلصوا من قطع الخردة التي يركبونها و لكن ما باليد حيلة
و الغني اللي بيبيع بالقسط عاوز يحط ايده في بق الفقير و يطلع مصارينه كلها عشان يبيعله عربية تصميمها من السبعينات بسعر سفينة فضاء و الحكومة كلها تجار و مجلس الشعب ايضا كله تجار و كله بيدوس على رقبة الفقير و سلملي عالدستور
يا جماعة انا مصدقت جيبت عربية حيخدوها منى طيب انا بدفع فى اقساطها حتى الان
طيب لو السبب التلوث المرور بيفحص السيارة بجهاز العادم وده ما بيفرقش بين القديم و الجديد يبقى هو الحكم فى الموضوع واما عن الاعطال انا شايف ان كل الاسيارات معرضة للاعطال برضوا لا يرق بين القديم والحديث
لو الموضوع ده خالص لوجه الله وللوطن يبقى تتقدم تسهيلات محترمة للى عايز يغير عربيته ويكون اختيارى مش اجبارى
زى خفض الجمارك وخفض اسعار الفائدة البنكية وضريبة المبيعات وهامش ربح التجار ووووو....... حاجات كتير مش هاتحصل ابدا
وبلاش نشترط تشجيع المحلى الا اذا تم الاهتمام بجودته بما يرضى الله
خد بالك من حاجة الحكومة عشان تجذب أصحاب العربيات القديمة دي إنهم يدخلوا في المشروع لازم هيعملوا تسهيلات في تمن العربيات الجديدة وطبعا في القسط ( وهنا في فرق بين الملاكي والتاكسي, التاكسي في حد ذاته مصدر دخل , لكن الملاكي غير وصاحب العربية ممكن يبقى موظف ودخله قليل وهنا لازم التسهيلات تكون أكتر والفلوس اللي هيدفعها أقل ) وده معناه إن اللي هيدخل في المشروع هياخد عربية بتمن أقل وقسط أقل , فلو صاحب العربية القديمة مش عاوز , هيبيعها واللي هيشتريها منه هيبقى عارف إنه بيشتريها مش عشان حلاوتها ولكن عشان يدخل بيها في المشروع ده وده اللي هيخلي السعر يزيد
حضرتك مش واخد بالك من حاجة ان الحكومة مش محتاجة تعمل جذب ولا حاجة لان بساطة لو عملت زي الاجرة يبقى القرار البسيط اللي حيصدر هو وقف الترخيص لموديلات قبل سنة معينة و لنقل قبل سنة 80 يبقى مالكي السيارات دي امامهم حلين لا تالت لهما اما يدخلوا في المشروع مجبرين او يركنوا العربية تحت البيت و يدعو ان الحكومة تغير رايها في يوم من الايام
حبيب قلبي ميمو , صباحك فل أنت أخترت أكثر الفنانين المحبوبين الى قلبي و قارنتني بيهم علشان كده انا مش زعلان .
صدقني هذا الكلام أنا قلته من واقع قرائتي للأحداث و من واقع خبرتي في التعامل مع الحكومة التي أصبحت حكومة رجال الاعمال تماما كما كانت حكومة الملك فاروق حكومة الباشوات و الباهوات .
كلمة السر ( سيطرة رأس المال على الحكم ) و طز في الاشتراكية و طز في الغلابة الالي انا أولهم .
من واقع خبرتنا جميعا في التعامل مع الدولة فأنها تقوم بعمل أي تغيير بقرارت متدرجة هادئة واحدة واحدة و ليس بطريقة القرارات الثورية و الانفتاح على البحري مرة واحدة .
و بعدين في دول أوروبية كثيرة بيطبقوا فعلا طريقة الفحص الفني للسيارت القديمة كل سنة مع رفع ضريبة الترخيص للموديلات القديمة لان أصحابها غاويين سيارت كلاسيك .