هى فكرة الاحلال ليها فوايد و ليها عيوب فى نفس الوقت
يعنى مثلا لما الشوارع تترحم من عربيات متفككة يبقى دى حاجة كويسة :g:
لما الشوارع تترحم من عربية تبقى ماشية على الشمال فى طريق سريع بسرعة 30 كم/س :007: يبقى دى حاجة كويسة
و اكيد لما الشوارع تترحم من عربيات مركونة على جنب الطريق او موقفة كبرى لانها عطلانة يبقى دى حاجة كويسة و محدش يعترض عليه :helpsmilie: ( الكلام فى النقطة دى مش على العربيات القديمة بس )
و لما الجمارك تتخفض/تتلغى و اسعار العربيات الجديدة و قطع الغيار ترخص دى حاجة كويسة جدا :clap:
بس فى نفس الوقت الموضوع هيبقى عيوبه انه هيجبر المواطن الغلبان سواء بطريق مباشر او غير مباشر انه يغير عربيته القديمة بواحدة جديدة و يدفع مبلغ زيادة فى اقساط و فوايد ممكن المبلغ ده يساعده فى تحسين مستوى معيشته هو و اهله :no4:
انا فى رائى الشخصى ان الموضوع ده ليه طريقة واحدة للتنفيذ
انا يبقى فى فحص سليم 100 فى 100 بعيد عن بقى البريزة الكبيرة و كل سنة و انت طيب يا باشا و الحوارات اللى كنا عارفينها :laugh6:
و يكون الفحص ده على فترات متقاربة بحيس ان يتأكده ان العربية دى سليمة و تصلح انها تمشى فى الشوارع :auto:
لان كلنا عارفين اللى بيحصل ساعة لما بيكون واحد عنده فحص تبقى عربيته طول السنة ماشية مخلعة من بعضها و دخان اسود خارج من الشكمان و قبل الفحص بشهر يروح رايح يعملها عمرة يخليها عروسة و بمجرد ما يخلص الفحص ترجع ريما لعادتها القديمة ( الكلام ده مش عام بس بنسبة كبيرة جدا )
و طبعا علشان ينفذه الكلام ده لازم يخفضه سعر قطع الغيار علشان يشجعه المواطن انه يصلح عربيته اول بأول
و بكده يبقى الاحلال اجبارى لاى عربية سواء جديدة او قديمة اللى متعديش الفحص
يبقى اختصار لكل اللى انا قولته فوق ده الحوار يطبق بالشكل التالى:-
1 - تخفيض سعر قطع الغيار
2 - تطوير نظام الفحص و الغاء الرشاوى و المحسوبيات فيه ( اشك ان ده ممكن يحصل لانها بقت ثقافة شعب )
3 - تقليل مدة الفحص يعنى يبقى كل 6 شهور او سنة
4 - احلال العربية اللى متعديش من الفحص ده بخصوص العربيات القديمة اما بالنسبة للعربيات الجديدة صاحبها ياخد انذار اول مرة بأنه يهتم بصيانة عربيته و المحافظة عليها و لو اتكرر منه الحوار ده تانى يبقى كده تتلغى رخصته لانه ميصلحش انه يسوق عربيات اصلا و الاحسن يقشر بصل فى بيتهم :crazy4:
انا عارف ان كلامة ممكن ميعجبش حد بس صدقونى زى ما قولت فى الاول ان الموضوع ده ليه فوايد و عيوب فلو هيتنفذ صح هيبقى كله فوايد و ساعتها الحال هيتحسن