اى حد عندى استفسار عن skoda انا موجود !

**amro_abuabdo** · 19-12-2009 01:27 AM

المشاركة الأصلية كتبت بواسطة yts17

خليك فى موديل 2007 احسن واتاكد من حالة التكييف والفتيس كويس واتاكد غير زيت فتيس ولا لأ عند 60.000 كيلو لان دى حاجة مهمة اوى . بالنسبة للكشف هوا عندنا بيتكلف 150 ودا فحص شامل على كل حاجة فى العربية من عفشة لكهرباء لدهان لكمبيوتر وطبعاً ميكانيكا . انصحك تروح بيها مكان متخصص لان بجد بيبقى فى حاجات مبتبنش الا بالجهاز . عندك مثلاً كتير اوى فى ال a5 كنترول ال abs بيبقى فيه مشكلة ومحتاج يتغير بيقوموا فاكين التابلوه و طافيين الللمبة بتاعة ال abs بمنديل صغير او ورقة سودا علشان متنورش قدامك والجميل ان العربيا لو الكنترول فيه حاجة الناس فاكره ان العربيا مش هيبقى فيها فرامل لأ بيبقى فيها فرامل بس مفهاش abs وطبعاً الفرق السما عن العما :) ! وممكن نفس الموضوع يتعمل مع كنترول ال airbag اللى عامل حادثة بيطفو اللمبة علشان ميغيروش الكنترول وبكدا حضرتك بتبقى ماشى بايرباج سليم وكل حاجة بس الكنترول بتاعه مش هيديله أمر اصلاً يضرب :) ! فريح دماغك ووديها لمكان متخصص . بالتوفيق

و الله ربنا يكرمك فعلا و ينور عليك
بس معلش ليه استفسار يعني كده حضرتك بترجح اني اروح التوكيل؟؟؟؟ و اذا كده انهي فرع من فروع التوكيل يكون احسن تنصحني بيه حضرتك؟
و لا حضرتك تقصد حد متخصص بره التوكيل؟؟؟ ولو كده ممكن حضرتك ترشح لي حد يكون مضمون و عنده أمانة و ضمير...
و هل موديل 2007 افضل من 2006 و في ايه؟
و تاني حاجة ايه الي ممكن يكون في الاوكتافيا مستخبي و يخلي العربية غير صالحة او تكون مقلب في الشرا؟؟

اسف لازعاج حضرتك و الله بس ما صدقت لقيت حد متخصص زي حضرتك ممكن يفيدني
و ربنا يعزك و يعلمك من علمه

**wael357** · 19-12-2009 10:43 PM

المشاركة الأصلية كتبت بواسطة yts17

بص هوا تكييف ال octavia a5 فعلاً فيه مشاكل كتير بس ان شاء الله اتمنى انك تكون بعيد عن المشاكل دى
الاول انت بتقول الفيوزات تمام . طيب هيا المراوح شغالة فى حالة سخونة العربية ولا لأ ولو شغالة شغالة السرعتين (البطئ والسريع ) ولا لأ . تمام كدا
بعد كدا لو دايرة التبريد مفهاش فريون التكييف مش هيشتغل ولا المراوح هتشتغل مع التكييف لو فيها مبردوا مش شغال يبقى ممكن يكون حساس ضغط الفريون فيه مشكلة .

حمد لله على السلامه
شكراً على المداخله الفعاله بس ارجو التوضيح ان السرعات عندى 7 مش سرعتين بطئ و سريع
و هما شغالين كلهم و برضه auto و econ بس المشكله ان مفيش اى بروده و لما بشغل التكييف مفيش اى تحميل على الماتور او اى تأثير لحظى على rpm

**yts17** · 20-12-2009 12:37 AM

المشاركة الأصلية كتبت بواسطة amro_abuabdo

و الله ربنا يكرمك فعلا و ينور عليك
بس معلش ليه استفسار يعني كده حضرتك بترجح اني اروح التوكيل؟؟؟؟ و اذا كده انهي فرع من فروع التوكيل يكون احسن تنصحني بيه حضرتك؟
و لا حضرتك تقصد حد متخصص بره التوكيل؟؟؟ ولو كده ممكن حضرتك ترشح لي حد يكون مضمون و عنده أمانة و ضمير...
و هل موديل 2007 افضل من 2006 و في ايه؟
و تاني حاجة ايه الي ممكن يكون في الاوكتافيا مستخبي و يخلي العربية غير صالحة او تكون مقلب في الشرا؟؟

اسف لازعاج حضرتك و الله بس ما صدقت لقيت حد متخصص زي حضرتك ممكن يفيدني
و ربنا يعزك و يعلمك من علمه

انا رايى التوكيل اغلى طبعاً بس فيه ناس خبرة اكتر روح اى توكيل معتمد هيعمللك كشف تمام ولو عايز تشرفنا فى التوكيل اللى انا شغال فيه عهمللك الفحص بنفسى وهواعتقد بيتكلف 150 جنيه. بص بيبقى فيه حاحات كتير ممكن يبقى فيه طلمبة بنزين وممكن لعب فى الكنترولات زى ما ضربتللك مثل كدا وممكن حساسات فيها مشاكل وممكن كذا حاجة علشان تطمن لازم العربية تتحط على جهاز أعطال والاهم يكون اللى شغال على الجهاز دا يبقى فاهم

**yts17** · 20-12-2009 12:41 AM

المشاركة الأصلية كتبت بواسطة wael357

حمد لله على السلامه
شكراً على المداخله الفعاله بس ارجو التوضيح ان السرعات عندى 7 مش سرعتين بطئ و سريع
و هما شغالين كلهم و برضه auto و econ بس المشكله ان مفيش اى بروده و لما بشغل التكييف مفيش اى تحميل على الماتور او اى تأثير لحظى على rpm

لا يا باشا انت فهمتنى غلط انا بتكلم على المراوح اللى بره فى الكبود اللى راكبه على الريداتير دى بتشتغل مع التكيف وبتشتغل مع حرارة العربية ولها سرعتين هل المراوح دى بتشتغل مع التكييف اصلاً ولا لأ وهل الكمبروسور بيلقط حركة اصلاً ولا لأ. بس بدال مفيش اى تحميل على الموتور يبقى بنسبة كبيرة اوى كدا الكمبروسور مبيشتغلش ودا ممكن يكون بسبب حساس ضغط الفريون وممكن تكون العربية مفهاش فريون اصلاً وممكن لاقدر الله الكمبرورسور يكون محروق .

**tot** · 20-12-2009 04:34 AM

السلام عليكم يا باشمهندس، انا عندى ايه فور 2006، المشكلة عندى صوت تزييق بيطلع م الابواب مع السرعة 60 او اعلى و طبعا بكون قافل القزاز كلهرو اى هزة للعربية تلاقيها بتزيق من عند الابواب خاصة الباب اللى ورا السواق، قالولى اجيب مادة اسمها wd 40 و رشيتها ع المفصلات بس لسه الصوت موجود، انت رايك ايه الحل

**solly1979** · 20-12-2009 12:48 PM

المشاركة الأصلية كتبت بواسطة tot

السلام عليكم يا باشمهندس، انا عندى ايه فور 2006، المشكلة عندى صوت تزييق بيطلع م الابواب مع السرعة 60 او اعلى و طبعا بكون قافل القزاز كلهرو اى هزة للعربية تلاقيها بتزيق من عند الابواب خاصة الباب اللى ورا السواق، قالولى اجيب مادة اسمها wd 40 و رشيتها ع المفصلات بس لسه الصوت موجود، انت رايك ايه الحل

عندى نفس المشكله فى a4 موديل 2003
كان عندى مشكله فى الزجاج الكهرباء الى ورا رحت اصله وبعدين قلت للراجل يزيت ال 4 ابوب والمفصالات
وبصراحه الصوت فارق معايا جدا كاد يكون انتهى

**yts17** · 21-12-2009 06:34 PM

المشاركة الأصلية كتبت بواسطة tot

السلام عليكم يا باشمهندس، انا عندى ايه فور 2006، المشكلة عندى صوت تزييق بيطلع م الابواب مع السرعة 60 او اعلى و طبعا بكون قافل القزاز كلهرو اى هزة للعربية تلاقيها بتزيق من عند الابواب خاصة الباب اللى ورا السواق، قالولى اجيب مادة اسمها wd 40 و رشيتها ع المفصلات بس لسه الصوت موجود، انت رايك ايه الحل

لازم نتاكد الصوت دا من الفرش ولا من المفصلات نفسها .
لو من المفصلات ممكن شحم مع مزيل صداً يظبط الموضوع دا
لو الفرش شوف المشكلة فين فيه عشلان تقدر تحلها

**m_morad76** · 22-12-2009 04:19 PM

عاوز أركب فلتر k&n و بوجيهات سبليت فاير و أسلاك لسيارة A5
هل يرفع من أداء السيارة أم لا و هل يؤثر على عمر الموتور

**amro_abuabdo** · 23-12-2009 12:12 AM

أولا الف شكر علي نصايح حضرتك الغالية
و كان ليه سؤال بخصوص ال a5 هل من الافضل بما اني هاجيبها مستعملة اني اجبها وكيل و لا خليجي و انا سمعت انكم بتصلحوا الاتنين عادي لكن زي ما اتقالي ان الخليجي انعم و تكييفه احسن و مميزات تانية كتير عن المصري
فحضرتك تنصح بايه؟