حادثة-تأمين=محدش هينفعك

**مدحت منيب** · 23-10-2007 11:03 AM

يبقى كتر الف خير حضرتك .. معلش اتعب معانا شويه بليز و دمت لنا

**goodwave** · 23-10-2007 11:18 AM

المعلومات في اللينك ده و سيب أي تعليق أو أستفسار هناك و أنا هعمل الازم و أنا تحت أمرك و التقييم أكثر من ممتاز

شكرا لك

**الصاوي** · 23-10-2007 11:40 AM

شكرا لك

العفو بس ياريت الناس تبطل استهتار بالتأمين تحت أي دعوى

**أبو عبدالله** · 23-10-2007 11:54 AM

بس تهيألي لما تيجي الطوبة في المعطوبة مش هتحتاج تقرا أو تشوف

يا اخي الفاضل ده حرام وحلال
ولا تنسى ان الذي يأتي بالطوبه في المعطوبة هو الذي ستتبع شرعه واوامره ونواهيه وهو الله عزو وجل
فعيني ايه لما تيجي الكوبه في المعطوبه مش هتحتاج تقرأ او تشوف
ياريت يكون كلامنا من منطلق الحرص على انفسنا من ان نتبع اي شئ حرام والبعد عن اي شئ يتم به التسفيه من امور الدين بمثل هذا

العفو بس ياريت الناس تبطل استهتار بالتأمين تحت أي دعوى

يعني ايه تحت اي دعوى
يعني لو طلع حرام يبقى مينفعش نتكلم ولا ايه

يا أخي الحبيب الله عزو وجل قادر على ان يجعلك تدفع هذه الفلوس في اي شئ أخر غير تصليح السياره
وهذا من القضاء والقدر
فلو الله قدر لك ان تدفع هذه الفلوس ستدفعها حتى لو مش على العربيه اللي انت مأمن عليها
ولا ينال حب الله والقرب منه بمعصيته

وعلى فكره كلام حضرتك واضح

**الصاوي** · 23-10-2007 12:10 PM

يعني لو طلع حرام يبقى مينفعش نتكلم ولا ايه

لأ نتكلم و منعملوش و كل واحد عقله في راسه يعرف خلاصه
وكل واحد دماغه مريحاه
و كل و احد يعمل اللي عايزه
و اللي شايل قربة مخرومة
و أنا بشرح تجربة ليس الا و مش بضرب حد على ايده و كويس ان كلامي واضح

**أبو عبدالله** · 23-10-2007 12:19 PM

و اللي شايل قربة مخرومة

دي مش عارف ايه علاقتها بكلامنا دلوقتي وليه التلميح بكده

و أنا بشرح تجربة ليس الا و مش بضرب حد على ايده

محدش قالك انك بتضرب حد على ايده يا اخي
وزي ما انت بتقول رايك احنا كمان بنقول راينا
مش كده ولا ايه

**eng_mkhalaf** · 23-10-2007 08:14 PM

المشاركة الأصلية كتبت بواسطة الصاوي

يعني لو طلع حرام يبقى مينفعش نتكلم ولا ايه

لأ نتكلم و منعملوش و كل واحد عقله في راسه يعرف خلاصه
وكل واحد دماغه مريحاه
و كل و احد يعمل اللي عايزه
و اللي شايل قربة مخرومة
و أنا بشرح تجربة ليس الا و مش بضرب حد على ايده و كويس ان كلامي واضح

أستاذ صاوى من حق كل واحد يعبر عن رأية لكن الهجوم بالشكل العنيف دة انا مش شايف لية مبرر

**Dr Ahmed** · 23-10-2007 08:54 PM

أستاذ الصاوى...
بصراحة ومن غير زعل انا حاسس إن الموضع قصة لتأكيد أهمية التأمين من وحى وجهة نظرك ، لكن التفاصيل - مع احترامى - مش مقنعة 100%.. ودا تعليق على الجملة دى:

أنا بشرح تجربة ليس الا و مش بضرب حد على ايده و كويس ان كلامي واضح

ثانيا: أنا مع أبو عبد الله فى اعتراضاته على:

بس تهيألي لما تيجي الطوبة في المعطوبة مش هتحتاج تقرا أو تشوف

طبعا دا كلام خطير منك.. يعنى لو كان فيه حاجة حرام وتكسّب أو حرام ويمنع خسارة مادية يبقى خلاص نعمله و مش مهم نبعد عنه؟؟؟ دا كلام؟؟؟ وعموما الموضوع قتل بحثا ومن السهل انك تقرأ وتشوف وتعمل اللى تحس انك مستريح له فعلا ومقتنع بأدلة العلماء فيه وبقوة الرأى الذى ينتهون إليه..

وشكرا ..

**Karim_Monir** · 24-10-2007 01:17 AM

ردا على اسم موضوعك حادثة ناقص تامين يساوي محدش هاينفعك

النـــــــــــــــــافـــ ـــــــــــــــــــــع هــــــــــــــــــــــــ ـــــــــو الله
استاذ صاوي
شكرا ليك على فتحك الموضوع مع انه شبهة لعرض تاميني بس هانفترض حسن النية
مش هاضيف اكتر من اللي قالوة الاخوة عن مدى حرمانية التامين وانا كنت قتلت الانترنت بحثا لحد ما جبت الفايدة وكتبتها واللي مهتم فعلا بامور دينة هايدور على الكلام على المنتدي ويقراه ويستفتى قلبة ان كان حلال ولا حرام

اخيرا وليس اخرا بالنسبة للكلام عن الحلال والحرام انه من المسموح الدخول بمناقشات عن الحلال والحرام في كل ما يتعلق بالسيارت زي التقسط واحكامة والتامين والمعاملات البنكية وما الى ذلك مما يخص السيارات

شكرا لتعاونكم
وتم النقل للاجتماعى بمعرفتي

استاذ صاوي استفسار :
هو لما حضرتك نوع عربيتك لانوس كاتبها في ملفك تويوتا ليه ؟

-

الموضوع: حادثة-تأمين=محدش هينفعك

LinkBack

أدوات الموضوع

عرض

-

-

-

-

-

-

المواضيع المتشابهه

معقولة محدش عنده المعلومة دي خالص!!! محدش عملها قبل كدة؟؟

شركة مصر للتأمين ليست مجرد شركة تأمين ولكنها اكبر شركة تأمين فى مصر وشمال أفريقيا

محدش يعرف شركة تأمين موافقة للشريعة الإسلامية

تأمين اللوحات الجديدة110 جنيه . أين تأمين اللوحات القديمة ولماذا لا يرد للمواطنين ؟

الكلمات الدلالية لهذا الموضوع

المفضلات

المفضلات

ضوابط المشاركة