خبراء الدايو أفيدونى العربية بتبطل

**mahmoudbadr** · 20-08-2009 10:49 AM

المشاركة الأصلية كتبت بواسطة drmomoking

استاذ محمود انا مش عارف انتا من القاهرة ولا اية بس المهندس فهد من احسن الناس اللى بتشتغل فى الاسبيرو وحسب تجربتى و لكن فى اللسيارة الاوتوماتيك هو احسن واحد بيفهم فى العربية دى لو انتا من القاهرة قولى وانا اوصفلك عنوانة لانة بجد فاهم العربية دى اوى عشان كان شغال فى التوكيل بتاعها

أشكر حضرتك جدا على الاهتمام

بس مع الاسف أنا من اسكندرية و العربية دى مش كتير هنا زى القاهرة و عشاقها كتير فى القاهرة (لو المهندس فهد يعرف حد شغال فيها ف اسكندرية ممكن حضرتك لو ممكن تليفونه وانا أسأله)

ان شاء تتحل و تبقى تمام وأدينا بنتعلم فيها

**drmomoking** · 20-08-2009 12:43 PM

رقم المهندس فهد 0100205205 اسالة و ربنا يسهل لان العربية فعلا محتاجة اللى يفهم فيها

**mahmoudbadr** · 24-08-2009 04:26 PM

شكرا باشمهندس سمير على مجهودك معانا

تم تغيير البوجيهات الى شمعة واحدة و طلع التنتيش من انسداد فلتر البنزين تم تنظيفه و العربية بقى سحبها كويس و لكن أحيانا بتنتش (الظاهر ان الفلتر بايظ)

بس الفلتر دة قليل فى السوق جارى البحث عنه و ان شاء اللهنغيره و تنتهى المشكلة

**samirayad** · 24-08-2009 05:48 PM

ألف مبروك يا أستاذ : محمود
وأهم حاجه أنك توصلت للعيب ......وهو ده المهم
لأن كل كلامنا فى المنتدى .....مجرد توقعات
أما الواقع بيفرق طبعا

**mahmoudbadr** · 29-08-2009 01:48 PM

الحقنى يا باشمهندس سمير العربية رجعت تقطع تانى و خصوصا على السلانسيه وكان فيه صوت فرقعة بسيطة رحت للميكانيكى قال دى كهرباء فك الاسبراتير و نظفه وضبط الكهربا و مشيت بيها حوال 60 كيلو رجعت تقطع تانى رحت لميكانيكى تانى فك البوجيهات لقاها تمام و الاسلاك تمام و بعدين ضبط كهربا تانى لسة بتقطع قال لى (كلام مش عاجبنى)
غير بوجيهات تالت لو اتحلت يبقى خلاص !!!!!!!
او شوف ابراتير استعمال و ركبه لو اتحلت يبقى الاسبراتير!!!!!!
المهم هى ساعات تمشى كويس جدا و ساعات تقطع و يبقى فيه صوت غريب فى الماكينة (يعنى انا مشيت النهاردة بيها حوالى 50 كيلو تمام و بعدين ابتدت تقطع و لو على سرعة عالية تحس زى ما يكون حد بيكلبشها )

مش عارف دى تكون كهربا فعلا و لا فيه حاجة فى دورة البنزين قبل ما أروح لميكانيكى تانى يفتى فيها هو كمان

**samirayad** · 29-08-2009 03:30 PM

المهم هى ساعات تمشى كويس جدا و ساعات تقطع و يبقى فيه صوت غريب فى الماكينة (يعنى انا مشيت النهاردة بيها حوالى 50 كيلو تمام و بعدين ابتدت تقطع و لو على سرعة عالية تحس زى ما يكون حد بيكلبشها )

لا الكلام كده ....داخل فى عملية التحكم
أعمل أسكانر للتشييك على حساس ال tps وحساس الماب
وربنا يستر وميكونش عيب بوابه
بس خليك الأول فى الأسكانر....
وياترى غيرت فلتر البنزين .....أو نظفت اللى راكب عندك على الأقل

**mahmoudbadr** · 29-08-2009 03:53 PM

المشاركة الأصلية كتبت بواسطة samirayad

لا الكلام كده ....داخل فى عملية التحكم
أعمل أسكانر للتشييك على حساس ال tps وحساس الماب
وربنا يستر وميكونش عيب بوابه
بس خليك الأول فى الأسكانر....
وياترى غيرت فلتر البنزين .....أو نظفت اللى راكب عندك على الأقل

فلتز الزيت متغير مع الغيار اللى فات يعنى حوالى 5000 كم

لو سمحت يا باشمهندس الاسكانر بيشوف ايه بالضبط هل الحساسات بس ولا يدينا صورة عن الرشاشات و حالة الاسبراتير و ignition timing و حالة البوابة......

يعنى اعمل سكانر قبل ما اروح لاى حد.....

**samirayad** · 29-08-2009 04:40 PM

فلتز الزيت متغير مع الغيار اللى فات يعنى حوالى 5000 كم

يامحمود باشا ...أنا بأسألك على فلتر البنزين ...مش الزيت
هو الصيام عامل عمايله معاك ولا أيه ................ههههههههههههه

لو سمحت يا باشمهندس الاسكانر بيشوف ايه بالضبط هل الحساسات بس ولا يدينا صورة عن الرشاشات و حالة الاسبراتير و ignition timing و حالة البوابة......

فعلا الأسكانر حيديك صوره عن كل مشاكل عملية التحكم والحساسات
بس ملوش دخل بالبوابه ....أنما حيقولك على كفاءة حساسات البوابه
ولما تجيب أكواد الأعطال .....قولنا عليها ....وقول الأسكانر طلع أيه

يعنى اعمل سكانر قبل ما اروح لاى حد.....

هو ده الصح حاليا .
......على الأقل علشان نطمن على دايرة التحكم ....ونشوف نظامها

**mahmoudbadr** · 29-08-2009 10:18 PM

المشاركة الأصلية كتبت بواسطة samirayad

وياترى غيرت فلتر البنزين .....أو نظفت اللى راكب عندك على الأقل

فلتر البنزين بعد مانظفته مقتنعتش و غيرته بواحد أصلى

و معلش بقى الصيام يمكن يكون عامل عمايله أو المشكلة دى مضايقانى و يمكن عشان مضطر اشترى 4 فرد كاوتش

بس ان شاء الله هعملها سكانر على طول....