خبراء الدايو أفيدونى العربية بتبطل

**mahmoudbadr** · 18-08-2009 10:02 PM

المشاركة الأصلية كتبت بواسطة samirayad

عن نفسى دايما بأفضل البوجيه الشمعه الواحده
مثل الngk اليابانى
وفيه نوع ألمانى برضه تقريبا أسمه شامبيون (ألمانى ) بس الأسم مش متأكد منه أوى
كنت بأستعمله مع سياراتى الأولى
ولو أحتجت لبوجيهات مع النوبيرا
حركب برضه شمعه واحده .....لسهولة التعامل معاه والأطمئنان على الجاب بصفه دوريه
وأنا جربت التلاته شمعه قبل كده مع عربيتى الأولى
وكان آداؤه أى كلام ....وكان مبرجللى المكنه

أيه الكلام دة يا ريس ممكن يكون السبب انى ركبت 3 شمعة (دنسو يابانى)

**samirayad** · 18-08-2009 10:19 PM

المشاركة الأصلية كتبت بواسطة mahmoudbadr

على فكرة يا باشمهندس قال لى معرقة بنزين وهو معندهوش سكانر فقال لى لو تشوف واحد عنده سكانر علشان يضبط الرشاشات عليه (هل كلامه صح ولا يكون بيهرب من مطب )

يفضل تسمع كلامه فى الجزئيه بتاعة الأسكانر
فى دى أاقدر أقولك ....هو صح
وأعمل أسكانر ....وهات أكواد الأعطال بالضبط
علشان برضه نعرف السبب تحديدا الخاص بالتبطيل
لأن أنا كده شاكك برضه فى عملية التحكم (سواء بلف الأيدل - حساس البوابه - الوحده نفسها )
فأكواد الأسكانر ...........فيها الدواء أن شاء الله
وخللى أى حاجه تانيه (زى الرشاشات والبوجيهات بعدين )
والأسكانر حيبين برضه وضع الرشاشات من ناحية جودة الحريق
بس مش حيبين جزئية التسييل للأسف
فشوف الأسكانر حيقول أيه الأول .....وبعد كده نكمل
علشان تكون الأهداف محدده

**samirayad** · 18-08-2009 10:22 PM

المشاركة الأصلية كتبت بواسطة mahmoudbadr

أيه الكلام دة يا ريس ممكن يكون السبب انى ركبت 3 شمعة (دنسو يابانى)

لا هو موضوع تغيير البوجيهات من نوع لنوع
مش حيخللى العربيه تبطل منك
بس ممكن يؤثر على جودة الحريق وبالتالى الأستهلاك والسحب
وأنت ممكن تعرف برضه .....
هل عيب التبطيل ده كان موجود قبل تغييرك للبوجيهات
لو الأجابه ....نعم .....يبقى البوجيهات بريئه
طيب لو كانت مبتبطلش مع البوجيهات القديمه .....يبقى البوجيهات ليها دور فى عملية التبطيل برضه
ودلوقتى الكوره معاك

**mahmoudbadr** · 18-08-2009 10:41 PM

المشاركة الأصلية كتبت بواسطة samirayad

لا هو موضوع تغيير البوجيهات من نوع لنوع
مش حيخللى العربيه تبطل منك
بس ممكن يؤثر على جودة الحريق وبالتالى الأستهلاك والسحب
وأنت ممكن تعرف برضه .....
هل عيب التبطيل ده كان موجود قبل تغييرك للبوجيهات
لو الأجابه ....نعم .....يبقى البوجيهات بريئه
طيب لو كانت مبتبطلش مع البوجيهات القديمه .....يبقى البوجيهات ليها دور فى عملية التبطيل برضه
ودلوقتى الكوره معاك

الحقيقة مكنتش بتبطل ولا الماكينة تترج مع البوجيهات القديم ( هى بيرو فرنساوى شمعة واحدة من أصحاب العربيو السابقين و غيرتها بدنسو يابانى 3 شمعة)

وعلى فكرة لمبة الموتور مش بتنور فهل الاسكانر هيبين حاجة غير حريق الرشاشات؟

إن شاء الله مسافر بيها بكرة القاهرة و هنشوف بعد المشوار الطويل ده هيكون الحال ازاى

شكرا ألف مرة على سرعة استجابتك و كل سنة وحضرتك طيب بالمناسبة

**samirayad** · 18-08-2009 10:54 PM

الحقيقة مكنتش بتبطل ولا الماكينة تترج مع البوجيهات القديم ( هى بيرو فرنساوى شمعة واحدة من أصحاب العربيو السابقين و غيرتها بدنسو يابانى 3 شمعة)

يبقى للأسف البوجيهات حتحتاج تغيرها لشمعه واحده
وشوف كلامى عن عربيتى الأولى
لما غيرت لتلاته شمعه وكانت كربوراتير ....وكانت البوجيهات مبرجله المكنه معايا

وعلى فكرة لمبة الموتور مش بتنور فهل الاسكانر هيبين حاجة غير حريق الرشاشات؟

لو فيه أى عطل مخزن حيبان طبعا زى حساس ال tps مثلا
دا غير حريق الرشاشات
وياريت برضه تقوللى على السبب الرئيسى لتغييرك للبوجيهات
هل بسبب السحب والزياده فى البنزين وطبعا عمرها الأفتراضى

إن شاء الله مسافر بيها بكرة القاهرة و هنشوف بعد المشوار الطويل ده هيكون الحال ازاى

شكرا ألف مرة على سرعة استجابتك و كل سنة وحضرتك طيب بالمناسبة

ربنا ييسر لك الحال ....وكل سنه وأنت طيب
وأعتقد قربنا نصل للعيب
وهو البوجيهات الغير مناسبه للمكنه عندك

**mahmoudbadr** · 18-08-2009 11:03 PM

المشاركة الأصلية كتبت بواسطة samirayad

السبب الرئيسى لتغييرك للبوجيهات
هل بسبب السحب والزياده فى البنزين وطبعا عمرها الأفتراضى

هو ده السبب أنا قلت يمكن الأداء يتحسن كتير لما أغيرهم و على فكرة الميكانيكى شيك على طلمبة البنزيز لقاها مرشحة و مع الاسف الفلتر برضه المهم ظبتهم و ياريت يكون ده سبب استهلاك البنزين العالى

**samirayad** · 18-08-2009 11:17 PM

يبقى لو ظبطت أمورك مع طلمبة البنزين

المهم ظبتهم

يبقى حتحتاج ترجع لبوجيهات واحد شمعه.....وراجع على الثغره قبل التركيب

**mahmoudbadr** · 19-08-2009 08:58 PM

أخونا الفاضل مهندس سمير

الحمد لله رحت بيها القاهرة و انا مسافر بيها الصبح كانت 100 % وبتجيب 160 كيلو بأقل من 4000 لفة

بس و أنا جاى كنت بحس بتنتيش (زى ما يكون بتتكلبش و تسيب ) وأوقات بيكون السحب فى البداية (فى الطلعة) مش كويس و بعدين تفوق مرة واحدة بس مبطلتش

رحت دلوقت سألت ميكانيكى عنده سكانر (هوديها له بكرة ان شاء الله) قال فعلا ان العربية دى بتتبرجل مع 3

شمعة و طبعا قصائد فى 2 شمعة (ان هو الكترونى وهيظبطها و كدة بس قال لى انه غالى) هل كلامه صح ؟

أنا كدة كدة هغير لشمعة واحدة
وربنا يكرم

**samirayad** · 19-08-2009 09:09 PM

أنا كدة كدة هغير لشمعة واحدة

خليك فى النوع ده
عمر الشمعه الواحده مابيعمل برجله فى العربيه
طيب ليه
فى الحقيقه عملت أجتهاد مع نفسى بخصوص النقطه دى
1-القطب الموجب بيكون واحد والسالب بيكون واحد فى الشمعه الواحده
وبالتالى بتنتج شراره واحده فقط ....أى بؤره حريق واحده فى خليط الهواء والبنزين
2-القطب الموجب برضه بيكون واحد فى الأكثر من شمعه واحده أما السالب (أثنين أو تلاته ) مثلا ....
وبالتالى عند أختراق الشراره للثغرات الهوائيه فى هذه الحاله
بينتج أكثر من مركز أو بؤرة شراره
وبالتالى بيحدث خلل الى حد ما فى أشتعال مخلوط الهواء والبنزين فى بعض أنواع المحركات
لذا فأنا دائما مع الشمعه الواحده

**drmomoking** · 20-08-2009 10:18 AM

استاذ محمود انا مش عارف انتا من القاهرة ولا اية بس المهندس فهد من احسن الناس اللى بتشتغل فى الاسبيرو وحسب تجربتى و لكن فى اللسيارة الاوتوماتيك هو احسن واحد بيفهم فى العربية دى لو انتا من القاهرة قولى وانا اوصفلك عنوانة لانة بجد فاهم العربية دى اوى عشان كان شغال فى التوكيل بتاعها