عاوز اظبط جسمي oo مرحبا بالرياضة oo

**MRBEBO** · 16-08-2009 01:09 AM

يا جماعة انا وزني زاد بطريقة بشعة

انا طولي 186 ووزني تقريبا 115 كيلو

انا فكرت اجيب جهاز رياضي للتخسيس زي الاوربت راك مثلا

او المشاية ... الخ الحاجات اللي بيعلنوا عليها على النايل سات دي

بس خفت احسن متبقاش عملية وازهق منها بسرعة

فالمهم ياريت اقتراحتكم في جيم يكون كويس يعني ياريت عن تجربة

بحيث ان الواحد يظبط وزنه ويشد عضلاته

انا زمان من يجي 10 سنين كنت بلعب كمال اجسام في صالة صادق جيم لو حد يعرفها

الصالة دي قدام محطة حمامات القبة وصاحبها الكابتن عصمت صادق مدرب المنتخب الوطني لكمال الاجسام

بس مكنتش مبسوط لان مكنش فيها اهتمام في وقتها وكان مفيش حد بيوجه في التدريب وكده

فياريت اقتراحات لصالة جيم كويسة

وياريت يبقى فيها اجهزة تخسيس زي الاوربت راك والمشيات وكده

وكمان يبقى فيها ناس خبرة وفي اهتمام يعني من ناحية التدريب

منتظر ردود كتيررررررررررررر لان اكيد الموضوع ده بيهم ناس كتير

على فكرة انا 28 سنة

ونفسي ابقى في جسم Brad Pitt

**tabeb** · 16-08-2009 01:30 AM

المشي..المشي..ثم المشي
ممكن تروح جيم يومين ولا حاجة في الاسبوع
بس خللي المشي روتين
ابدأ بربع ساعة يوميا وبعد كده زود لغاية ما توصل ساعة او اكتر
وحاول تقلل من استخدام العربية(صعبة انا عارف)
الاكل حاول تخللي البروتينات مشوية او مسلوقة
السمك جامد
الفراخ او اللحمة حاول تشيل الدهون منها قبل ما تطبخها
كتر من الخضار جامد ويكون مسلوق وشربتها تكون خفيفة
شوربة الخضار اكلة جامدة جدا
اديها خيار وخس وجزر
بلاش الطماطم كتير عشان الاملاح
اشرب ميه كتير
ممكن تجيب شاي رجيم هو بيسهل شوية عشان تنظم الهضم
السكر كفاية ملعقتين في اليوم
بلاش سكر الرجيم(الاسبارتام)
ومتكترش من البيبسي الدايت عشان فيه ابحاث بتقول انه بيعمل مشاكل كتير
العيش بقي ممكن تجيب العيش السن وفيه منه طري علي فكرة بس احفظه في التلاجة
ممكن تجيب ريتش بيك بتاع الرجيم(لونه اسمر)
ما اوصيكش بقي الجبنة القريش عليها زيت زيتون او جبنة فيتا قليلة الملح
الرياضة مهمة فعلا
بس خللي الاكل ده نظام حياة مش لفترة وخلاص

**MRBEBO** · 16-08-2009 01:38 AM

الف شكر يا دكتور

انا فعلا اكلي بايظ كله دهون ومدمن بيبسي وسفين ... الخ

والحلويات بقه مقولكش

ده غير ان الكوريسترول زيادة قوي تقريبا 250 وباخد دواء اسمه قطور وبعد كده اخدت ذكور

ربنا يستر المشكلة ان موضوع المشي في شوارعنا ده صعب

ده الواحد يا دكتور لما بيروح يعمل مشوار على رجليه بيبقى على اعصابه من العربيات والرصيف اللي كل المحلات تقريبا مستوليه عليه يعني حاجة هم

عموما الف شكر يا دكتور وفي انتظار مزيد من النصايح

**tabeb** · 16-08-2009 01:52 AM

المشاركة الأصلية كتبت بواسطة MRBEBO

الف شكر يا دكتور

انا فعلا اكلي بايظ كله دهون ومدمن بيبسي وسفين ... الخ

والحلويات بقه مقولكش

ده غير ان الكوريسترول زيادة قوي تقريبا 250 وباخد دواء اسمه قطور وبعد كده اخدت ذكور

ربنا يستر المشكلة ان موضوع المشي في شوارعنا ده صعب

ده الواحد يا دكتور لما بيروح يعمل مشوار على رجليه بيبقى على اعصابه من العربيات والرصيف اللي كل المحلات تقريبا مستوليه عليه يعني حاجة هم

عموما الف شكر يا دكتور وفي انتظار مزيد من النصايح

u are welcome

موضوع المشي صعب خصوصا للي اتعود علي العربية
بس لو اتعودت علي المشي هتدمنه
اتمشي اتفرج علي المحلات والناس هتكتشف حاجات عمرك ما شفتها وانت سايق
الموضوع ممكن يكون رخم في الاول بس هيغيرلك روتين حياتك
لما تظبط وزنك هتلاقي الكولسترول والضغط اتظبط لوحده
ربنا معاك

**SeiffoZ** · 16-08-2009 01:56 AM

هقولك ...

1- المشى يوميا لمدة ساعة خطوة سريعة جدا ... لو تعرف تروح لشغلك مشى أو إركب لحد حته على بعد 20 دقيقة منه و كملها مشى ..

2- 3 أيام تدريب فى الجيم (حرق دهون + عضلات) .. 3 أيام بس ..

3- السباحة ... شوف لو مشترك فى نادى و تعوم ... بس تعوم رياضى يعنى كرول 100 متر فى المرة ... فى الأول هتعمل فى التدريب كله 300 بالعافية ... لحد متوصل لرقم كبير ... يوم واحد فى الإسبوع كافى

4- الضغط و العقلة و المتوازى يبقى جزء أساسى فى حياتك .. بمعنى علق عقلة على باب الحمام و كل ما إنت داخل الحمام أعمل 5 عقلة ... و هكذا النظام كله ...

5- حاول تستخدم السلالم ...

6حاول اللياقة البدنية ... يعنى و إنت بتتفرج على فيلم فى التليفزيون بدل ما تقعد على الكنبة تعملك تمرين لياقة .. أو فى الإعلانات أعملك تمرين ... كده يعنى ...

أحسن حاجة تخلى الموضوع جزء من حياتك ..

مع طبعا تظبيط أكلك بحيث يبقى جزء لا يتجزء من حياتك

**Terrible_DaRsH** · 16-08-2009 02:17 AM

طب انا عايز اطخن اعمل ايه بقي !

على راى احمد مكى ( محدش عاجبه حاله ) .. :)

**SeiffoZ** · 16-08-2009 02:26 AM

المشاركة الأصلية كتبت بواسطة Terrible_DaRsH

طب انا عايز اطخن اعمل ايه بقي !

على راى احمد مكى ( محدش عاجبه حاله ) .. :)

عليك و على القشطة و العسل ... و فطير مشلتت ... تكلهم على بليل و تنام علطول ...

أو ممكن يكون دى طبيعة جسمك ... فهتفضل رفيع للأبد

**samoevil911** · 16-08-2009 02:47 AM

طبعا الكلام اللي فوق وافي ...
بس انا بقي كواحد عمل dight هقول لحضرتك حاجة ..
ان اهم حاجة في كل دول المشي .. بس المش السريع (تمد يعني)
و الجيم مفيد في انه بيحول الدهون عضلات .. بس نصيحة لو حضرتك عايز تعمل جسم زي براد بيت لازم تشيل اوزان خفيفة وتكرر كتير عشان الدهون تتحرق كلها (دا اللي هو التشريح) اما لو عايز تحول الدهون عضلات فشيل تقيل ودا هيخلي جسمك زي مهوا بس بدل مهو دهون وطري هيبقي عضلات ناشفة .. ودا انا مبفضلهوش .. التشريح افضل بكتير .. هتلاقي حضرتك وانت واقف عضلات جسمك مرسومة ..
والموضوع دا بالرجيم هياخد باذن الله 4 شهور .. وفي التشريح لو لقيت الوزن بقي خفيف معالك ابتدي زود ... هتلاقي بقي جسمك بيزيد عضلات بس عضلات مرسومة مش كلاكيع عضل ...

والله اعلى واعلم

**magyver** · 16-08-2009 03:20 AM

ياريت لو فية انظمة لنظام لتشريح

**Terrible_DaRsH** · 16-08-2009 03:34 AM

المشاركة الأصلية كتبت بواسطة relentless_mayhem

عليك و على القشطة و العسل ... و فطير مشلتت ... تكلهم على بليل و تنام علطول ...

أو ممكن يكون دى طبيعة جسمك ... فهتفضل رفيع للأبد :m_yes[1]:

و بتقولها فى وشي كده :)

انا مدمن فطير مشلتت و عسل اصلا , كل يوم خميس بروح دار المركبات اجيب الفطير و اجيب العسل و انا راجع :) و يوميا قشطة :)

بس مش لاقى حل جذررررى بصراحة .

و مش عايز انزل جيم علشان لما ببطل بتعب .

الموضوع: عاوز اظبط جسمي oo مرحبا بالرياضة oo

LinkBack

أدوات الموضوع

عرض

-

-

-

-

-

-

المواضيع المتشابهه

مرحبا شباب عاوز مساعدة

عاوز اظبط زوايا

عاوز اظبط جولف 3

عاوز اظبط النوبيرا

عاوز اظبط العربية

الكلمات الدلالية لهذا الموضوع

المفضلات

المفضلات

ضوابط المشاركة