عاوز اظبط جسمي oo مرحبا بالرياضة oo

**ya_broker** · 17-08-2009 02:10 AM

المشاركة الأصلية كتبت بواسطة كبوس الليل

مفيش غير الجيم
انا بروح جيم اسمه
factory gym
فى عباس العقاد بتاع واحد اسمه ابو على
ابو على ده 2 متر وربنا ما يوريك الا النور
الشهر ب120 جنيه والتلت تشهر ب 230 وال نص شهر ب 90
والحصة الوحدة ب 10 جنيه
وفى مدربين هناك وبهتموا بيك اوى

ممكم تقولنا حضرتك العنوان بالضبط

**كابوس الليل** · 17-08-2009 02:15 AM

المشاركة الأصلية كتبت بواسطة ya_broker

ممكم تقولنا حضرتك العنوان بالضبط

من عينيا
حد عارف كافيه اصالة الى فى ضهر طيبة مول؟
قدامها شارع طويل اوى خش فيه بعد اول فتحة يمين حتلاقيه وحتلاقيه نازل تحت شوية بسلالم لتحت كدة وليه باب حديد اسود
الشارع ده اخره يمين يطلعك على جنينة مول "حديقة مول" هههه

**magyver** · 17-08-2009 03:41 AM

المشاركة الأصلية كتبت بواسطة samoevil911

اولا : من ناحية التمرين انت محتاج تكرر علي العضلة كتير (معظم التمارين انت بتكرر 3X10) لكن عشان تشرح كرر مثلا(4x15) مع مراعاة انك بتشيل وزن خفيف اللي تقدر عليه ملكش دعوة بحد .. يعني مش تكسف من واحد صحبك تقوم مزود لأء متجهدش جسمك .. الموضوع كمان مش بالسن . الموضوع بقدرة الجسم وكل واحد متعود علي ايه ومكمكن يكون واحد مسبقك في التمرين وعندو 10 سنين وبيشيل 100 وانت بتشيل 20 او 10 متفرقش .. هو اتمرن وانت لسه بتبتدي .. من الاخر انت مركز مع نفسك بس.... ووانت بتكرر مرة في كمرة هتلاقي الوزن بدأ يبقي خفيف معاك .. تقوم مزود بس بالعقل ..

ثانيا: لازم تنام كويس وتظبط موعيد النوم وتثبتها .. ويستحسن عدم السهر اخرك الساعة 12 .. وتنمش اكتر من 8 سعات .. مهما كنت تعبان .. لأن النوم هو اللي هيخلي العضلة تستريح ويخلي الاعصاب تهدا عشان لما تيجي تشيل متلقيش ايدك بتترعش او يحصل تشنجات

ثالثا: الاكل مهم جدا .. بعد التمرين تاكل بس بعقل بعد التمرين بساعة عشان جسمك يتغذي كويس .. قبل التمرين يستحسن تاخد عصير فرش .. مش معلبات .. ووقت التمرين ممكن تاخد معاك عصير بس متكترش .. ومتشربش ميه كتير في التمرين .. مرة واحدة بس .. والوجبات في اليوم من 3 الي 4 وتاكل بعقل متكبسش نفسك ومتكترش دهون .. بس متحرمش نفسك لأنك مش بتخسس .. وياريت مواعيد الاكل ثابتة .. واهم واجبة الفطار .. واللبن مهم جدا .. واللي مش بيحبوا ممكن يعوض في جبنات او زبادي

رابعا: وقت التمرين ميزدش عن ساعة الا ربع .. اكتر من كدا يبقي بتدلع والعضلات بتبرد .. واقل من كدا هتحمل علي العضلة جامد ..

خامسا: الجري الخفيف كل يوم حتي لو 15 دقيقة بس . والمشي مهم جدا .وومكن متجريش بس المهم انك تمشي .. بس انا بفضل الجري عشان لو عايز تبقي فعلا رياضي فلازم يبقي نفسك حلو

ملحوظة بقي.. في بداية التمارين هتلاقي جسمك بيوجعك ومش عارف تحرك اي عضلة ودا نتيجة ان الجسم مش متعودة علي المجهود والحركة ... ودا مش معناه انك تقعد في البيت وتقول انا تعبان دا بالعكس لو قعدت الوجع هزيد .. انما لازم توح تتمرن عشان الجسم يفك .. عموما دا بيبقي في اول 3 ايام او اسبوع بالكتير اوي ..

وربنا يوفقك

والله اعلى واعلم

الف شكر ياجميييل

**Terrible_DaRsH** · 17-08-2009 05:06 AM

المشاركة الأصلية كتبت بواسطة كبوس الليل

من عينيا
حد عارف كافيه اصالة الى فى ضهر طيبة مول؟
قدامها شارع طويل اوى خش فيه بعد اول فتحة يمين حتلاقيه وحتلاقيه نازل تحت شوية بسلالم لتحت كدة وليه باب حديد اسود
الشارع ده اخره يمين يطلعك على جنينة مول "حديقة مول" هههه

الشارع اللى اخره يمين الجيم اللى فيه اسمه our gym .

بعد ما تعدى البنزينة بتاعت اول عباس تدخل تانى يمين .

**MRBEBO** · 17-08-2009 07:22 AM

يا جماعة مشاركتكم بجد رائعة

انا سمعت انا في في مصر جيمات عالمية

زي world Gym

عنوانه هليوبليس امام الميرلاند

World Gym :: HELIOPOLIS :: Heliopolis Cairo

بيفتح من 7 الصبح لــ 12 بالليل

وفي كمان Golds Gym

مواعيده تقريبا من 5 الفجر لــ 12 بالليل :10D5C8~1107:

ويب سايت وعناوين

Branches

فياريت اللي عنده معلومات عن العضوية هناك ممكن تكون في حدود كام يبقى فل قوي

طبعا اكيد هتبقى غالية ... بس بصراحة الاماكن الرخيصة ام 40 و 50 جنيه والحاجات دي غالبا بتبقى مش قوي من حيث نوعية الاجهزة و العنصر التدريبي وكمان نوعية الناس المشتركين

انا رحت قبل كده مكان كنا بنقف طابور على كل جهاز ده غير انك خلال وجودك بتسمع وبتشوف بلاوى من الناس اللي هناك بيئة بيئة يعني

المهم ياريت اللي عنده معلومات اكتر يفدنا بيها وربنا يستر محدش يخضنا بالاسعار

**samoevil911** · 17-08-2009 08:35 AM

المشاركة الأصلية كتبت بواسطة mrbebo

يا جماعة مشاركتكم بجد رائعة

انا سمعت انا في في مصر جيمات عالمية

زي world gym

عنوانه هليوبليس امام الميرلاند

world gym :: Heliopolis :: Heliopolis cairo

بيفتح من 7 الصبح لــ 12 بالليل

وفي كمان golds gym

مواعيده تقريبا من 5 الفجر لــ 12 بالليل :10d5c8~1107:

ويب سايت وعناوين

branches

فياريت اللي عنده معلومات عن العضوية هناك ممكن تكون في حدود كام يبقى فل قوي

طبعا اكيد هتبقى غالية ... بس بصراحة الاماكن الرخيصة ام 40 و 50 جنيه والحاجات دي غالبا بتبقى مش قوي من حيث نوعية الاجهزة و العنصر التدريبي وكمان نوعية الناس المشتركين

انا رحت قبل كده مكان كنا بنقف طابور على كل جهاز ده غير انك خلال وجودك بتسمع وبتشوف بلاوى من الناس اللي هناك :h_angry[1]: بيئة بيئة يعني

المهم ياريت اللي عنده معلومات اكتر يفدنا بيها وربنا يستر محدش يخضنا بالاسعار :ka_che1[1]:

انا اللي اعرفوا ةالله اعلم ان الجولدن ب 2400 جنية في السنة ...
وبيبقي في سعات عروض.. بس يبقي طفيف مبيقلش عن 2200 (الكلام دا في اسكندرية)

انا شايف بصراحة انه كويس ....

ومش هقولك جوه الجو عامل ازاي ..

وشكرا للجميع ...