الموضوع: مساعدة ضرورى بخصوص الفتيس الاوتوماتيك

المشاركة الأصلية كتبت بواسطة ahmedelaraby

اولا لو سمحتو انا عايز اعرف يعنى ايه كيك داون
وثانيا انا معايا اتوماتيك وعلى حد معلوماتى ان سواقة الاتوماتيك مش زى ما الاستاذ اللى كتب الموضوع مبيعمل خالص يعنى المفروض ان انتا تدور وبعدين تجيب الd وتمشى عليه على طول لان الجير الاتوماتيك بيغير لوحده من الاول للاخير
اما باقى الغيارات دى ليها استخدام تانى مش عشان تغير عليها زى المانيوال والا كان عمل بدل الd غيار ويكتب عليه 4 و يبقى ايه فايدة الاتوماتيك عن المانيوال الدبرياج بس طبعا مش منطقى ولا ايه
اللى انا اعرفه ان الغيار الاول ده بيستخدم فى المطالع اللى بتكون سعادتك طالعها على الهادى ومحمل اوزان فى العربية عشان ده بيدى عزم قوى جدا لو تلاحظ والتانى ده للاماكن المكسرة او اللى فيها مطبات كتير عشان العربية متجريش على المطبات
انا بصراحة معنديش تالت عشان اقول بتاع ايه ارجو ان اكون افدكم لان ده الكلام اللى موجود فى الكتالوج
ومعرفش الكلام التانى ده مين اللى اخترعو ونرجع نقول العربيه دى كذا وكذا

لو سمحتو انا عايز اعرف يعنى ايه كيك داون

هو الضغط على دواسه البنزين زياده لنقل حركه الفتيس لغيار اصغر لزياده عزم السياره

ان انتا تدور وبعدين تجيب الd وتمشى عليه على طول

فعلا اوتوماتيك كده لكن الحركه الداخليه للفتيس بتقوم بنقل الغيار ابتداءا من الغيار الاول مرورا بالثانى والثالث الى الغيار الرابع

هو قصده بقا هنا ان الفتيس بيطلع على الغيار الثانى ويوصل للثالث ويقف على كده فطبعا ده غير طبيعى

اللى انا اعرفه ان الغيار الاول ده بيستخدم فى المطالع اللى بتكون سعادتك طالعها على الهادى ومحمل اوزان فى العربية عشان ده بيدى عزم قوى جدا لو تلاحظ والتانى ده للاماكن المكسرة او اللى فيها مطبات كتير عشان العربية متجريش على المطبات
انا بصراحة معنديش تالت عشان اقول بتاع ايه

دى غيارات بتكون زياده لاستخدامات اخرى زى ماقولت بالظبط