الموضوع: في حاجة مش مضبوطة في الحرارة

الحمد لله كشفت على المشكلة في العامرية البارحة وحسب كلامهم ان كان في فيوز محتاج يتغير وغيروه ..
الفاتورة كانت سخيفة جدا , 60 كشف و 40 صيانة كهرباء الاجمالي بالضريبة 110 جنيه مصري ..
طبعا لم يتسنى لي اني اجرب الموضوع لأني ممشيتش في اي زحمة من ساعتها بس الغريب والملاحظ ان التكييف تبريده زاد مش فاهم بصراحة ازاي , هل مثلا قبل كده كان الكمبيوتر بيقلل الحمل على الموتور لما يلاقي ان حرارته اعلى من الطبيعي و يقلل كفائة التبريد ؟؟!!

الحمد لله إنها إتحلت
المشكلة عندك إن مروحة التبريد ليها سرعتين والترموستات اللى راكبة على الريداتير بتتحكم فى السرعتين زائد إن فيه وحدة تحكم للتكييف فى سرعة المروحة:
1- سرعة عادية (منخفضة) فى حالة التبريد العادى للموتور بتشتغل وتفصل لما درجة الحرارة بتوصل 90 درجة مئوية تقريبا أو حسب الترموستات
2- سرعة عالية ودى مابتشتغلش غير لما الحرارة تعلى عن الحرارة الطبيعية للموتور أو لما تشغل التكييف لأن الحرارة بتزيد والتكييف بيحتاج تبريد عالى
طبعا كان عندك مشكلة فى السرعة العالية وماكانش ينفع التبريد بسرعة منخفضة والمشكلة دى أسبابها كتير
1) الترموستات
2) وحدة تحكم التكييف بالسرعة العالية
3) الفيوزات
4) المروحة
5) جاكات المروحة أو الترموستات مش راكبة كويس
6) أسلاك مقطوعة

والحمد لله إن كومبريسور التكييف أوتوماتيك بيفصل لوحده لما حرارة الفريون بتعلى عليه يعنى مفيش تبريد
لو كنت طولت عليه كان زمان الكمبريسور إتحرأ وكان ممكن تغيره بس الحمد لله

المشاركة الأصلية كتبت بواسطة original

الحمد لله إنها إتحلت
المشكلة عندك إن مروحة التبريد ليها سرعتين والترموستات اللى راكبة على الريداتير بتتحكم فى السرعتين زائد إن فيه وحدة تحكم للتكييف فى سرعة المروحة:
1- سرعة عادية (منخفضة) فى حالة التبريد العادى للموتور بتشتغل وتفصل لما درجة الحرارة بتوصل 90 درجة مئوية تقريبا أو حسب الترموستات
2- سرعة عالية ودى مابتشتغلش غير لما الحرارة تعلى عن الحرارة الطبيعية للموتور أو لما تشغل التكييف لأن الحرارة بتزيد والتكييف بيحتاج تبريد عالى
طبعا كان عندك مشكلة فى السرعة العالية وماكانش ينفع التبريد بسرعة منخفضة والمشكلة دى أسبابها كتير
1) الترموستات
2) وحدة تحكم التكييف بالسرعة العالية
3) الفيوزات
4) المروحة
5) جاكات المروحة أو الترموستات مش راكبة كويس
6) أسلاك مقطوعة

والحمد لله إن كومبريسور التكييف أوتوماتيك بيفصل لوحده لما حرارة الفريون بتعلى عليه يعنى مفيش تبريد
لو كنت طولت عليه كان زمان الكمبريسور إتحرأ وكان ممكن تغيره بس الحمد لله

شكرا ليك يا باشا حقيقة شرح وافي ومبسط , جزاك الله خير ..

المشاركة الأصلية كتبت بواسطة ahmed a.maksoud

التكييف فى الميجان بيفصل أوتوماتيكياً عند وجود أرتفاع فى الحرارة

فعلا يا احمد باشا , بس الغريب ان التبريد نفسه يزيد , يعني قبل ما المشكلة تتحل كان المكيف بيشتغل بس التبريد كان اقل من دلوقتي وكان بيفصل لما الحرارة تعلى جدا ..
وبرضه لما البنزين بيكون قليل لاحظت ان التبريد بيقل , حصلت معايا مرتين ..