حرارة عربيتي

**callsherif** · 25-08-2009 02:09 PM

المشاركة الأصلية كتبت بواسطة ahmed hassan

بص على المراوح.. المفروض لما تشغل التكييف المروحتين يشتغلوا. على حد وصفك المروحه الأساسيه هيا بس اللي شغاله.. و مروحة التكييف لأ

فعلاً هتلاقى مروحة التكييف مش شغالة

**tamer_aj** · 25-08-2009 06:28 PM

يا جماعة أنا متشكر جدا,

بس علي فكرة يا جماعة غالبا المروحة بتاعت التكييف كانت شغالة ساعتها...!!! أنا كنت سامع صوتها,

عشان كدة أنا بقول ممكن يكون تخريف في الإلكترونكس بتاعت العربية, أو المروحة كانت بتشتغل و تفصل,

عموما أنا هابص علي الفيوزات, بس عفوا ماحدش يعرف أي فيوز بالظبط هو بتاع المروحة؟

شكرا.

**Ahmed Hassan** · 25-08-2009 06:38 PM

المشاركة الأصلية كتبت بواسطة tamer_aj

يا جماعة أنا متشكر جدا,

بس علي فكرة يا جماعة غالبا المروحة بتاعت التكييف كانت شغالة ساعتها...!!! أنا كنت سامع صوتها,

عشان كدة أنا بقول ممكن يكون تخريف في الإلكترونكس بتاعت العربية, أو المروحة كانت بتشتغل و تفصل,

عموما أنا هابص علي الفيوزات, بس عفوا ماحدش يعرف أي فيوز بالظبط هو بتاع المروحة؟

شكرا.

بيكون مكتوب على غطى علبة الفيوزات من جوه كل فيوز بتاع ايه. عموما لو موصلتش للفيوز بالتحديد ممكن تشيل الفيوزات واحد واحد و تركبهم تاني كويس

**tamer_aj** · 25-08-2009 07:22 PM

ألف شكر يا أحمد باشا و رينا يكرمك إن شاء الله علي كرم أخلاقك,

أنا هاشوفوا و أتأكد منه و أبلغك إيه الأخبار, بس بعد الفطار إن شاء,

مع الشكر

**ahmad alshaaer** · 26-08-2009 04:50 AM

انا رأيي تروح التوكيل ويراجعه على كل ماهو خاص بالحراره والترموستات والمراوح
ويمكن يكون كمان العداد بيستهبل

ماتسطتش على موضوع حساس زي ده
لان واحد صاحبي معاه جن 2 جابت وش سلندر بسبب الحراره وللاسف كان طلع من الضمان لانه كان عامل 70000 كم

تحياتي وربنا يستر عليك وعلينا

**tamer_aj** · 27-08-2009 10:54 AM

المشاركة الأصلية كتبت بواسطة tweety26980

انا رأيي تروح التوكيل ويراجعه على كل ماهو خاص بالحراره والترموستات والمراوح
ويمكن يكون كمان العداد بيستهبل

ماتسطتش على موضوع حساس زي ده
لان واحد صاحبي معاه جن 2 جابت وش سلندر بسبب الحراره وللاسف كان طلع من الضمان لانه كان عامل 70000 كم

تحياتي وربنا يستر عليك وعلينا

تويتي باشا,

شكرا علي إهتمامك, و إن شاء الله أنا عندي صيانة الألف السبت اللي جاي وأكيد هاقولهم علي الموضوع ده,

عشان ميتكررش تاني إن شاء الله,

ربنا يستر.

**weeja** · 08-06-2010 02:51 PM

انا كتبت الرد ده لحضرتك في موضوع تاني بس قولت اكتبه لحضرتك برضه في الموضوع الخاص بالمشكلة
انا كان عندي نفس المشكلة دي بالظبط
وكانت المياة بتنقص تقريبا كل 3 أيام ارجع أزودها تاني و المراوح فعلا تفضل شغالة بشكل مبالغ فيه وكانت الحرارة ترتفع كل شوية و ترجع تاني نتيجة ان المروحة بتشتغل كتير عشان تحافظ على الحرارة
وفي الاخر بعد لف كتير وبعد ما سألت كذا واحد ماحدش عارف حاجة وقلتلهم في التوكيل الميمون وماعملوش حاجة لقيت ميكانيكي اكتشف ان المشكلة في الغطا بتاع الرادياتير انا مش فاهم ايه اللي حصل بالظبط بس تقريبا الغطا ده كابس بطريقة مش سامحة برجوع المياه من الرادياتير للإربة البلاستيك بتاعة المياه
لو المشكلة عندك زي عندي حضرتك تعمل الآتي :
زود مياه في الاربة البلاستيك والرادياتير اول ماتدور العربية الصبح
استنى لما تمشي شوية وتحس ان المروحة بتشتغل كتير و تشوف عداد الحرارة علي
بص على الاربة البلاستيك شوف فيها مياه ولا فاضية خالص وياريت تشيلها من مكانها وانت بتشوفها عشان المستوى الطبيعي للمياه فيها اصلا منخفض فممكن تفتكر ان هي فاضية او ناقصة وهي فيها من تحت
دي بقى اهم نقطة وممكن تعملها من غير الخطوات اللي فاتت :
في خرطوم رفيع بيوصل من الرادياتير من تحت الغطا كده للإربة البلاستيك حضرتك هتفكه من الرادياتير والعربية واقفة و دايرة و ماتفكش غطا الرادياتير وتخلي حد يزود بنزين من جوه العربية لو لقيت مكان الخرطوم بيطلع مياه مع تزويد البنزين يبقى مش هي دي المشكلة لو لقيت انه مابيطلعش مياه يبقى تاخد الغطا معاك وتجيب واحد مكانه و خلصت المشكلة على كده ان شاء الله
أنا جبت غطا نوعه انجليزي تقريبا ب 20 جنيه ومش شرط تقول وانت بتجيبه ان العربية بروتون قول انا عايز غطا شبه ده وخلاص
جرب كده و ابقى طمنا وصلت لايه ؟؟