الموضوع: ملاحظاتى وتقريرى على الصنى بعد استلامها مع شرح وافى للسيارة.

الف مبرووك انت فعلا شرحتها بالتفصيل جدا
بس انا بختلف معاك فى 3 نقاط
الاول انت قلت ان اضاءة الفوانيس قوية جدا وانا شايفها ضعيفة جدا
تانى حاجة العزل انت قلت ان العربية معزولة تماما لما تقفل الزجاج بس العزل مش اوى كده هوه معقول بس مش للدرجة اللى بتتكلم عليها
الاكصدامات انت بتقول عليها ضعيفة وانا شايفها قوية اقوى من تويوتا
وربنا يباركلك فيها

ربنا يبارك فيكم

انتو تعرفوا ان كل اللمض ايلي اودام في صني 2008 قوتها 50 واط بس!!!!! و كذا واحد بتاع كماليات قالي انها تعبانه اوي

قلت اجرب حاجه

جبت اللمض بس 100 واط ... بصراحه ملهاش حل هاتحس انك ركبت عربيه تانيه من شدة الضوء

طبعا في ناس هاتقولي طب و البطارية؟! اومال ايلي بيركبوا الزينون دا بيبقا ايه وضعهم؟! :)

ممكن تركبوا 50 واط في العادي و 100 في العالي
بس بصراحه لازم تغيروا ال 50 دي ملهاش اي لازمه
انا لما استلمت العربية قلت ايه النور دا ولا كإنها عربيه قديمة

جربوا مش هاتخسروا حاجه و هاتدعولي

طيب قولنا كده سعرها كام مثلا وركبتها فى التوكيل ولا بره ولو بره عند مين كده يعنى اهو يبقى عندنا خلفية علشان احنا كمان نعمل كده

وشكرا على الفكرة بس اللمض عجبانى جدا ونورها قوى تفتكر عدلوها من 2007 ل 2008

اصلهم كانوا بيلموا شكاوى الناس من المنتج فى مصر واكيد واحدة واحدة هيحاولوا يعدلوا ويحسنوا الى ان يكون المنتج يرضى الشعب المصرى

المشاركة الأصلية كتبت بواسطة hamo2007

-
- عدادات شكلها الافضل من السيارات اليابانى الاخرى .
-- طبعا استبن ومفتاح عجل وشنطة عدة .
-- طاسات .
-- حزام الامان له لمبة فى التابلوه تفضل منوره لو مش مركبه.
-- دريكسيون يعلى ويوطى. حسب الاحتياج.
-- كراسى متحركة الى الامام والخلف و بها بكرة تعلى وتوطى الكرسى حسب الاحتياج وبها مساند رأس . وكنبة خلفية بدون مسند فى منتصف الكنبة.
-- الباب لو مفتوح تسمع صوت صفارة للتنبيه ان الباب مش مقفل.
--الفتيس المنيول له كسوة جلد شيك وعصا الفتيس قصيرة وشيك.
-- بين الكرسيين الاماميين مخدع فى النصف ممكن يتفتح لوضع الشرايط الكاسيت.
-- بها العديد من الادراج درج المنتصف ودرج الكرسى اليمين ودرج صغير للرخص للفكه بجانب الدريكسيون.
-- بها مساحات كبيرة للمطر تغطى الزجاج بالكامل وبها العديد من السرعات مع بخاخاتين للماء قويتين.
-- الكشافات الامامية بها نور واطى وعالى و نور قوى جدا بيفرش الطريق كله وعلى مدى بعيد.
-- شنطة العربية واسعة جدا ممكن اتنين يناموا فيها. بها اضاءة عند الفتح.تفتح بالريموت .ومن الداخل لها زرار احتياطى

-- بها تكيف عالى الجودة رهيب لا بأس به . ب 4 سرعات مع امكان طفى الفريون وتشغلها مروحة فقط مع امكان قفل الهواء القادم من الخارج والذى يستحسن فتحه مع المدخنين لتغير هواء العربية واخراج الدخان فى حالة غلق الزجاج.

-- التبلوه به عدادات بيضاء شيك جدا وليلا مع الاضاءة تسير العدادات سوداء .
-- بها اير باج للسائق فقط ينتفخ فى وجهك مع الفرامل القوية
-- عربية مغرية جدا للجرى التجميع هايل بل رهيب مجرد ما تضغط بنزين مجرد ما تنطلق باقصى سرعة فى ثوانى. !!!!!!!
-- سألت على وحدات الرفع لل 4 ابواب مجودة ب 450 جنيه ايضا مع امكان غلق الزجاج اوتوماتيك مع غلق الباب بالريموت . ب 150 جنية الاتنين بتركيبهم عن اي حد بتاع كماليات-
- زجاج العربية ملون على لون زيتى فاتح. والزجاج الخلفى به شخان لتسقيط البخار الماء.

-- يوجد تحت التكيف فتحة اخرى تصلح لوضع دى فى دى او جهاز كاسيت اخر يعمل باسطوانات سى دى.
-- بها ولاعة سجاير + درج طفاية بها نور ابيض عند فتح الدرج.
.
-- يوجد لمبة فى وسط السقف.
-- يوجد شماساتان الشماسة اليمنى بها مراية مغطاة بباب .
-- اربعة ابواب بفرش شيك بها ازرار كهرباء لرفع الزجاج اما باب السائق به زراير لفتح الاربعة ابواب وغلقهم مع زرار خامس لمنع فتح زجاج الثلاثة ابواب الاخرى

-- بها فانوس استوب داخلى موجود بين السماعتان على الزجاج الخلفى.
-- فرش الكراس الامامية به جيوب خلفية.
-- طارة الدركسيون جميلة تملى اليد مع كلاكس عالى

شبكة العربية نيكل ;) ;) ;)

معى فائق احترامي بس اللي حضرتك كاتبة دة مش كماليات و موجود في معظم العربيات و لو عالياباني اقولك انا كان عندي هوندا موديل 85 يعني من 22 سنة, كان فيها كل الحاجات دي و زيادة عليهم حاجات تانية

و لو قعدنا نقول الفوانيس فيها نور عالي وواطي و الدركسيون فية كلاكس و السقف فية شماستين و واحدة فيها مراية و التانية جراب للورق و العربية بينزل معاها ستبن و مفتاح عجل ........

مش حانخلص, و كل اللي معاه سيات او 128 حايوقلك عربية جميع الكماليات و فيها 35 كمالية!!!!

انا شايف حضرتك مبالغ قوي في المواصفات و معتبر حاجات كتير كماليات و فيها إبهار بينما هي اشياء عادية جدا زي اربع عجلات بكاوتش و اكصدام قدام و اكصدام تاني ورا و فوانيش اشارة في الاركان و لمبة ورا بتنور لما تدوس فرامل ........

تحياتي و ارجة انك تتقبل النقد بصدر رحب

بس عاوزين نسمع الجديد و نقاط القوة و الضعف و مدى الرضا عن أداء السيارة

بالمناسبة هل شفت تابلوة السيفيك الجديد ؟؟ اية رأيك هل تابلوة اصني احسن من كل تابلوهات السيارات اليابانية الأخرى!!