الموضوع: ملاحظاتى وتقريرى على الصنى بعد استلامها مع شرح وافى للسيارة.

شكرا لك يا اخ احمد الحمد لله انك فهمتنى

وفهمت ما اقصده بالظبط

يا استاذ حمو انا لا هاجمتك و لا جرحت فيك و اقرا تاني تعليقاتي من الاول

اللي انا باقولة ان فية حاجات كتير بديهية و عادية و مش اضافه عالعربية و لاحظ ان اسلوبي لم يكن اسلوب هجومي و لا تجريحي كذلك

يعني مثلا انت مش كان عندك في الريجاتا مفتاح عجل و كوريك و شماستين و نور صالون في نص السقف و علبة في التابلوة (درج) و نور عالي وواطي و غيرة و غيرة

يبقى دي ثوابت موجود ةفي كل العربيات و مش محتاجة تحديد

دة بس اللي انا باقولة لحضرتك ومش باهاجمك و لا باجرحك و مالوش لازمة ان حضرتك تعتبر الموضوع كدة

لأن الموضوع اصلا مش كدة

الأخ الفاضل حمو ألف شكر علي الوصف التفصيلي للعربية خلاني أحس إني شايفها بعيني و ألف ألف مبروك ربنا يباركلك فيها و يحميها.
رأي الشخصي الصني أحسن صفقة في السوق حاليا. ;)
يا ريت حضرتك تفضل تقلنا أخبارها إيه بالذات حكاية التقفيل المصري دى في أي مشاكل منه :?:

ولا يهمك يا ادهم باشا احنا اخوات انا بس كنت بكتب وصف كامل بس انا عارف انى بالغت شوية بعد كده هكتب المطلوب يتكتب وخلاص احنا فى الاخر و الاول بنكتب للافادة . ربما احد كان محتاج وصف شامل.......................

التقفل المصرى عشرة على عشرة مفيش فرق فى الخامات ... بس انا معرفش غير الى قدامى ربما احد الاعضاء يفيد فى هذا الموضوع بالنسبة للتقفيل المصرى . بالنسبة لى لا بأس به يعتبر ممتاز بس مش عارف هل هو زى الفابريكة اليابانى و لا لا ..

عن العربية:-

العربية بتنعم مع المشى انا عامل 800 كيلو بس ؟........ ولاكن ناعمة بتسحب جامد .... التجميع هايل .. فرامل ممتازة ... صالون مريح .. العفشة مش بطالة طرية نوعا ما مش ناشفة زى ما سمعت.... الاضاءة ممتازة ..... سماعات لا بأس بها....
دى وجهة نظر بحتة خاصة بى....... العربية فوق الممتازة...

التقفيل مصري لكن كل اللي شغالين في المصنع يابانيين ماعدا العمالة الصغيرة يعني التقفيل حتي ياباني0 بعض الخامات مصري بالتاكيد زي الكراسي بس التقفيل كويس جدا

الف الف مبروك وربنا يبعد عنك شرها وشر الطريق وغباء اللى على الطريق احيانا