ملاحظاتى وتقريرى على الصنى بعد استلامها مع شرح وافى للسيارة.

**الريس** · 30-10-2007 11:43 AM

و احنا منتدى محترفين سيارات

مين قال
احنا معظمنا ناس بتتعلم حتى من له خبرة في مجال بيتعلم في اخر

و لما ننقد ننقد لسبب و بتحليل منطقي

الوصف غير النقد

و أخيرا , اختلاف الآراء لا يفسد للود قضية

صح جدا

**Adham** · 30-10-2007 12:49 PM

المشاركة الأصلية كتبت بواسطة الريس

و احنا منتدى محترفين سيارات

مين قال
احنا معظمنا ناس بتتعلم حتى من له خبرة في مجال بيتعلم في اخر

معظمنا و ليس كلنا, و بالتالي انا اعتقد ان الهاوي او المبتديء بيستفيد من خبرة المتمرس او المحترف, و يتقبل نقده او توضيحه, و هو في الأصل لم يهاجمه, بل لم يخرج الأمر عن توضيح ان التفاصيل الكثيرة و البديهيه غير واردة و ان التركيز على الإختلافات و الأضافات هو الهدف,

و لما ننقد ننقد لسبب و بتحليل منطقي

الوصف غير النقد

ايوة بس الوصف كتير و دخل في تفاصيل كتير اكثر من اللازم, و انا لما بانتقد ده, و في اطار اللياقة و بدون خروج عن حدود الذوق بتاتا, يبقى انا بانتقد, و اعتقد ان النقد حق مكفول للكل, طالما لم يخرج عن حدود اللياقة و الذوق زي ماقلنا, ومش شايف مبرر للاسلوب الهجومي برغم ذلك

و أخيرا , اختلاف الآراء لا يفسد للود قضية

صح جدا

شكراً

**الريس** · 30-10-2007 02:18 PM

ومش شايف مبرر للاسلوب الهجومي برغم ذلك

مين ده اللي هاجمك
مين بس قوللي و انا اوريك هاعمل فيه ايه
يا راجل لما اقولك بالراحة و الناس بتتعلم و ده وصف مش نقد يبقى بهاجمك :roll: :roll:

**yahyanaabil** · 30-10-2007 07:08 PM

ياسيدي الفاضل انا ماقلتش بكام و بكام, لاحظ ان السيفيك و الصني رغم اختلاف مستوى الاسعار, إلا أنهم في نفس الفئة, فئة سيارات الركوب المتوسطة ماهماش مثلا واحدة متوسطة و التانية 4*4 او كبيرة او SUV, و الاتنين ياباني, انا ماقلتش صني مقابل أكورد او كريسيدا او جالانت

انما الصني و اللانسر و السيفيك و الكروللا نفس الفئة

و يتقارنوا ببعض ياباشا,

اللى انا اقصده ان الفرق فى السعر بين العربيتين كبير اوى حوالى40 الف جنيه اكيد حتاخد بالمبلغ ده فروقات كتير واكيد السيفيك حتكسب فالمقارنه حتبقى من اولها فاشله

و أخيرا , اختلاف الآراء لا يفسد للود قضية

اكيد

**mohaismail** · 30-10-2007 07:43 PM

يا جماعة محدش يدخل السيفيك خالص فى المقارنة مع انها نفس الفئة بس دى حاجة تانية خالص المقارنة تكون لانسر صنى كورولا

**Adham** · 31-10-2007 12:17 PM

المقارنة او الكلام كان في نقطة محددة ان عدادات الصني شكلها الأفضل من كل السيارات اليابانية الاخرى, مش في السيارة ككل
و دة اللي انا رديت علية ان السيفيك عداداتها أحلى, و بس

و تاني, السيفيك و الصني و اللانسر و الكوروللا فئة واحدة (سيارات ركوب متوسطة) و يتقارنوا ببعض
بس طبعا السيفيك جودتها و امكانياتها اعلاهم وفاقتهم

بس بص مثلا الكوروللا ال 1600 الكاملة اوتوماتيك قريبة في السعر جدا من السيفيك و مش بعيدة, و برضة كعربية قريبة منها جدا في الجودة و المواصفات

ماحناش بنقول مثلا فيات سيينا بنقارنها ب بي ام دبليو 745

**Hassan Khalil** · 31-10-2007 11:20 PM

الف 1000000 مبروك لاهل اسكندرية علي العربية الجديدة اللي جابها الاخ حمو
بارك الله لك فيها و اعطاك خيرها ووقاك شرها .. و متنساش الصدقة ..
و مستنيين ناخد بيها لفة لما نجيلك اسكنرية .
بس انا اتذكر اني كنت قرات كذا مقالة من قبل ...كنت انت لسه ما استلمتش العربية .. و كنت انت متخوف من الاداء و الركوبة و....
يا ريت تقولنا ايه الاخبار دلوقت ..
و شكرا علي الشرح الشافي الوافي لمواصفات السيارة .. و عقبال ما توصفلنا الانفينيتاية الجديدة بتاعتك ( نسبة الي انفينيتي ) .
تحياتي

**hamo2007** · 02-11-2007 07:37 PM

يا سيدى الله يبارك فيك علشان قلت ان العربية كويسة هاجمنى بعض الاعضاء ومن ساعاتها مش عايز ادخل المنتدى لانى وصفت العربية جعلونى محدثا للنعمة فقلت خلاص وانا مالى انا كنت بوصف علشان الى ميعرفش زى ما انا كنت مابعرفش يعرف بس تقول لمين معلش احنا بنتبهدل. شكرا لكل من رد غيبتى تذكروا نا كنت بوصف ف ف فقط الى انا شفته شكرا.

اخوكم حمو من الاسكندرية

**Ahmed Hassan** · 02-11-2007 07:54 PM

المشاركة الأصلية كتبت بواسطة hamo2007

يا سيدى الله يبارك فيك علشان قلت ان العربية كويسة هاجمنى بعض الاعضاء ومن ساعاتها مش عايز ادخل المنتدى لانى وصفت العربية جعلونى محدثا للنعمة فقلت خلاص وانا مالى انا كنت بوصف علشان الى ميعرفش زى ما انا كنت مابعرفش يعرف بس تقول لمين معلش احنا بنتبهدل. شكرا لكل من رد غيبتى تذكروا نا كنت بوصف ف ف فقط الى انا شفته شكرا.

اخوكم حمو من الاسكندرية

حقك على راسنا يا اخ حمو... و محدش يقصد يزعلك و لا يبهدلك ابدا ابدا. الاستاذ ادهم رجل محترم جدا و مع وجودك بالمنتدى مع اخوانك سوف تعرف ذلك.

الف مبروك على العربيه و نشوفك المقابله القادمه ان شاء الله علشان ناخد لفه بالعربيه

**hamo2007** · 02-11-2007 07:57 PM

انا كتبت الى كان نفسى الاقيه مكتوب كان نفسى الاقى شرح وافى علشان انا مقدم على شراء سيارة مجهولة بالنسبة لى وعلشان كده كتبت الموضوع ده علشان ارفع الحيرة عن من هو محتار اما الى مش محتار يكفى يمر مرور الكرام فقط ومالوش لازمة التجريح.