نظام الأشعال فى محركات السيارات

**samirayad** · 03-09-2009 02:26 PM

الله يخليك
وكله بأوانه
علشان الموضوع يطلع حلو برضه

**Dr Zezo** · 03-09-2009 03:16 PM

الف الف شكر

مش عارف اشكر حضرتك ازاي

انا من فترة طويلة بحاول افهم الترتيب ده مش قادر اوصله

وطبعا الميكانيكية في الطراوة

ربنا يكرمك

جزاك الله عنا كل خير ...

**samirayad** · 03-09-2009 07:12 PM

الله يخليك
ويا باشا أنت تأمر

**mtageldeen** · 07-09-2009 01:53 PM

جزاك الله خيراً

**samirayad** · 07-09-2009 06:48 PM

الله يخليك

**dr_timo** · 08-09-2009 10:27 AM

طيب اقول اية ولا اية كل ماقلب موضوع والاقي معلومة مميزة وجميلة ومفصلة وواضحة الاقي اللي كاتبها حضرتك لا الموضوع دة ميتسكتش عليه انا لازم يكون ليا وقفة هههههه طبعا وقفة تجليل واحترام لحضرتك ولعلمك

**samirayad** · 08-09-2009 03:37 PM

ياباشا الله يخليك وكل سنه وأنت طيب

**fargood** · 10-11-2009 12:21 AM

السلام عليكم ورحمه الله وبركاته
اولا الف شكر على المعلومات القيمه
انا عضو جديد بالمنتدى ولو تسمحلى حضرتك اسالك عن حاجه محيرانى وهى تقديم وتاخير الاشعال (لما الاسبراتير يتلف ناحيه اليمين او الشمال كده بنقوم بضبط التوقيت الحاجه المحيرانى
لما بنلف الاسبراتير ايه الى بيحصل جوه يخليه يقدم او يأخر الشراره وازاى اعرف ان الكهرباء
مضبوطه) ارجو الاجابه جزاك الله خيرا

**fargood** · 10-11-2009 12:25 AM

السلام عليكم ورحمه الله وبركاته
اولا الف شكر على المعلومات القيمه
انا عضو جديد بالمنتدى ولو تسمحلى حضرتك اسالك عن حاجه محيرانى وهى تقديم وتاخير الاشعال (لما الاسبراتير يتلف ناحيه اليمين او الشمال كده بنقوم بضبط التوقيت الحاجه المحيرانى
لما بنلف الاسبراتير ايه الى بيحصل جوه يخليه يقدم او يأخر الشراره وازاى اعرف ان الكهرباء
مضبوطه) ارجو الاجابه جزاك الله خيرا

**samirayad** · 10-11-2009 08:14 PM

ياأهلا بيك يا أخى
وسط أخوتك بالمنتدى

وتعليقا على تساؤلك
حنحاول مع بعض نبسط سيناريو الأحداث اللى بتحصل بطريقة السؤال والجواب مع النفس

- يعنى أيه أسبراتير .........؟
يعنى موزع شرر ....بيخرج منه الفولت العالى بعد رفعه فى البوبينا ووش الأسبراتير بيدى لكل بوجيه نصيبه فى الوقت المناسب تماما للحصول على حريق جيد

- طيب بيوزع الشراره دى أزاى وأيه اللى بيتحكم فى شغله .....؟
بناء على التحكم فى زاوية دوران قلبه الدوار الحامل لشاكوش توزيع الفولت على النقط الأربعه بوش الأسبراتير

- طيب ده مرتبط بأيه ....؟
مرتبط بالعضو اللى بيدور قلب الأسبراتير ....أى بنهاية عمود الكامات
والكامات هى اللى بتحدد وقت وفتح الصبابات لأكمال دورة حريق المحرك

- طيب أيه العلاقه .......؟
مصمم أى محرك بيكون واضع خطه وتصميم معين بحيث من خلال تدوير قلب الأسبراتير (بنهاية عمود الكامات )
يتم أرسال شراره الى البوجيهات فى وقت محسوب بدقه متناهيه
غالبا بيكون ...قبل النقطه الميته العليا لحركة البساتم بدرجه معينه لدوران عمود الكرنك
ومحسوبه مع عملية تقسيم وش التقسيمه (كرنك وكامه وخلافه )

- أيه اللى بيحصل بأه لما الميكانيكى بيحرك الأسبراتير كاملا سنه بسيطه فى أى أتجاه ....؟

لو الميكانيكى لف الأسبراتير فى أتجاه تقديم زمن أرسال الشراره للبوجيهات (غالبا بيكون مع أتجاه عقارب الساعه )

ده بيعنى أننا بخللى الفولت العالى (اللى حيولد شراره بين قطبى البوجيه )
يعمل شراره بدرى شويه عن الوقت الأساسى اللى مصممه عليه دورة حريق المكنه
يعنى بيحصل حريق بدرى شويه فى كل غرفة حريق (حسب ترتيب الحريق )

أذا لو الميكانيكى زودها شويه ....المكنه حتسقف ...لأن حيحصل لخبطه فى عملية الحريق
وحتبقى دربكه داخل غرف حريق المحرك

غالبا بيقوم الصنايعيه باللجوء لعملية اللعب فى زاوية الأسبراتير لتلافى عيوب آداء موجوده بالمكنه
من أجل ضبط عملية الحريق

والعكس صحيح فى حالة تأخير زمن أطلاق الشراره (بلف الأسبراتير فى الأتجاه العكسى )

أتمنى أن تكون الأمور أتضحت قليلا