نظام الأشعال فى محركات السيارات

**fargood** · 10-11-2009 09:40 PM

الف شكرا ليك يا بشمهندس
وربنا يخليك لينا....

**samirayad** · 10-11-2009 09:44 PM

الله يخليك

**samirayad** · 11-11-2009 06:25 PM

حنحط السؤال الطيب ده معانا لأحد الزملاء

بس كان ليا استفسار هو لما بنحب نعلى الكهرباء شاكوش الاسبراتير بس اللى بنحركه ولا الاسبراتير كله سؤال طيب وجميل
وشوف ياسيدى
هو اللى بيلف الأسبراتير كله كجسم سنه بسيطه حول قلب الأسبراتير (الحامل للشاكوش )
وزى ماهو معروف أن القلب بيلف على بليه جوه جسم الأسبراتير
لأن الشاكوش ثابت ومركب على محور القلب
بس أنا بأغير وضع نقط مقابلة نحاسات الوش من الداخل مع الشاكوش
ليه ......
لأن أما بلف الأسبراتير بأخد الوش معايا أثناء سنة اللف
بس عمود الأسبراتير ثابت زى ماهو على منطقة تدوير عمود الكامه ليه

**fargood** · 12-11-2009 01:58 AM

الله واكبر الله ينور عليك يابشمهندس هى دى الى كنت عايز اعرفها بالضبط
ان ازاى الشراره تقدم او تتاخر مع لف الاسبراتير والحمد لله عرفت السبب قبل ما اموت....

**samirayad** · 12-11-2009 01:21 PM

ههههههههههههه

ياباشا
بعد الشر عليك
وربنا يديك الصحه

**remomemo** · 12-11-2009 03:33 PM

شكرا جدا جدا يا باشمهندس على النعلومات الجامدة دى وتعاونك الدائم حضرتك حقيقى موش بتتاخر صحيح انا موش فاهمة كل حاجة بس ان شاء الله ربنا يفتخ عليا وافهم ههههههههههههه انا قاعدة احاول بس حاسة انى فى منتهى الغباء يعنى حضرتك بتفكرنى باحمد زكى فى مسرحية العيال كبرت وانا يونس شلبى قاعدة اهز راسى
طبعا انا موش باقلل من مجهود حضرتك اكيد بس انا جد بلااااااااااااااطة ميكانيكا يعنى اللى حضرتك بتقوله ده فوووووووووووووووووق اوى

لو ما فيهاش غلاسة انا هافهم على مهلى وغالبا هاسال تانى فى نفس النقط الى موش هاتوصل لو ممكن

وفى النهاية الف الف شكر بجد

**samirayad** · 12-11-2009 06:42 PM

وغالبا هاسال تانى فى نفس النقط الى موش هاتوصل لو ممكن

طيب هو أحنا تأخرنا عليكى
أسألى ونحن جاهزون بأذن الله
لأى معلومه وتبسيطها فى نفس الوقت
وحفكرك برضه
بمسرحية ( سك على بناتك )
والحاج عبد الموجود موجود
هههههههههههههه

**samirayad** · 12-11-2009 06:51 PM

المشاركة الأصلية كتبت بواسطة mohamedway

الكلام ده فى العربيات القديمه فقط و الإشعال فى جميع العربيات الحديثه إلكترونى و مفيش إسبراتير أصلا.

أزاى الكلام ده
أرجو التوضيح للفائده العامه
وليه
وهل أنظمة الأشعال كلها لا توزيعيه
وكيف يتم توزيع الشراره مع نظام حديث من النوع التوزيعى

**mohamedway** · 12-11-2009 11:31 PM

المشاركة الأصلية كتبت بواسطة samirayad

أزاى الكلام ده
أرجو التوضيح للفائده العامه
وليه
وهل أنظمة الأشعال كلها لا توزيعيه
وكيف يتم توزيع الشراره مع نظام حديث من النوع التوزيعى

فى غالبية السيارات الحديثه التى تعمل بنظام الحقن الإلكترونى للوقود بيكون فيه كمبيوتر بيتحكم فى كل شىء و بيبقى هو المايسترو المسئول عن التشغيل و التزامن المطلوب لكل أجزاء المحرك و ده عن طريق تجميع المعلومات عن طريق الحساسات المختلفه (زى حساس زاوية الكرنك و زاوية الكامه و حرارة المحرك و زاوية باب الخانق حسب دوستك على دواسة البنزين و حساس نسبة الأكسجين فى العادم .........إلخ) و بعد ذلك يعطى الأوامر لتشغيل كل حاجه بالطريقه المضبوطه ليعطيك أفضل أداء و طبعا هو المسئول عن تحديد توقيت شرارة الإشعال فى التوقيت المناسب و لا معنى لوجود إسبراتير و أنا عن نفسى عربيتى الانسر مافيهاش حتى أسلاك بوجيهات و لكن توجد بوبينه صغيرة راكبه مباشرة على كل بوجيه و واصلها سلك اللى بيديها الأمر من الكمبيوتر انها تشتغل فى توقيت معين و شكرا على كده و فى المكان المعتاد لوجود الإسبراتير يوجد حساس زاوية الكامه فقط و متوصل بكمبيوتر الموتور و بس.