الموضوع: رابطه محبي ومالكي الريجاتا

المشاركة الأصلية كتبت بواسطة alsharkawy

ايه رأى الاخوة الاعزاء لما اشترى كاوتش تيوبلس مستعمل (هانكوك) ولقيت فيه مكان 5 خوابير ومعروض ب 100 جنيه وقابل للفصال

نعم ؛ ب 100 جنيه ؟
كتير جدا طبعا
انت لو رحت تبيع الفردة القديمة بتاعتك الراجل هيشتريها ب30 جنيه ده لو كان كريم .
بيتهيألي تدفع 200 وتشتري واحدة جديدة اي نوع احسن
ولو ما معكش مشي حالك باللي راكبين دلوقتي لحد اما تفرج
اما مستعمل وخمس خوابير ؟؟؟؟؟
بص اعمل اعلان في المنتدى انك عايز فردة مستعملة هتلاقي الناس كلها عندها فرد مستعملة ببلاش او للبيع

المشاركة الأصلية كتبت بواسطة nicegypt

100 كتييييييييير حضرتك وفيهم 5 خوابير كمان .. يعنى ضعيفة جدا .. من رأيي الشخصي بلاش
تضيف فوقيهم 100 كمان وتجيب فردة جديدة زيرو .. صح ؟ او ضيف 50 ج بس وهات نسر والاسم جديدة
الا لو ظروفك متسمحش يبقى اشتريها على 70 كبيرها حلو قوي
مقاس الفردة عند حضرتك كام ؟؟؟ فية عندى فردة نـضيفة جداَ وفيها خابور واحد فقط على ما اتذكر
وحالة الفردة ممتازة حضرتك خدها بدون اي شيئ .. وحالتها احلى من اللى هتجبها دي وربنا يبارك لك فيها
قولى المقاس وهروح اشوف مقاس اللى عندى لانى مش فاكر .. وانت أولي بيها

انت راجل محترم
اتصلت بيك على فكرة بعد اخر مرة حضرتك كلمتني فيها
بس انت ما ردتش
انا اليومين دول عندي امتحانات دبلومة + امتحانات الطلبة وبكون مشغول شوية بين مذاكرتي وامتحاناتي ودروس الطلبة
بس برضو ابقى كلمني .
كفاية اني اتعرف على راجل محترم زيك {معرفة الرجال كنوز}

انا للاسف فردتى بها قطع عامل زى قطع السكينة ومينفعش تتصلح او تتباع ومع ذلك شغالة ولكن للامان انا شلتها وركبت الاستبن علشان كده فكرت اشترى واحدة كأنها استبن وان شاء الله هشترى من الاخ العزبز nicegypt الفردة اللى عنده لو طلعت نفس المقاس 13

المشاركة الأصلية كتبت بواسطة alsharkawy

انا للاسف فردتى بها قطع عامل زى قطع السكينة ومينفعش تتصلح او تتباع ومع ذلك شغالة ولكن للامان انا شلتها وركبت الاستبن علشان كده فكرت اشترى واحدة كأنها استبن وان شاء الله هشترى من الاخ العزبز nicegypt الفردة اللى عنده لو طلعت نفس المقاس 13

استاذى العزيز .. الفردة مقاسها
175 على 70
جنوط 13 .. بتاعة ريجاتا وتركب عندك متقلقش .. وزى مقلت لحضرتك مش محتاجها وربنا يبارك فيها وهى هدية منى لحضرتك

المشاركة الأصلية كتبت بواسطة mahmoodallam

انت راجل محترم
اتصلت بيك على فكرة بعد اخر مرة حضرتك كلمتني فيها
بس انت ما ردتش
انا اليومين دول عندي امتحانات دبلومة + امتحانات الطلبة وبكون مشغول شوية بين مذاكرتي وامتحاناتي ودروس الطلبة
بس برضو ابقى كلمني .
كفاية اني اتعرف على راجل محترم زيك {معرفة الرجال كنوز}

استاذ محمود اخبار حضرتك اية .. انا عملت الموبايل وقتها سايلنت لان جالى عميل فى المكتب بدون موعد مسبق
وبحاول اتابع الموبايل على قد مقدر والله فمش باخد بالى من ميسدات لانى بستخدم الموبايل ف الاتصال اكتر من الاستقبال
وانا سعيد بالتعرف على انسان جميل زي حضرتك .. اي وقت حضرتك تكون متفرغ من عملك ادينى ولو حتى ميسد
معرفة حضرتك هو الكنز نفسة وكذلك استاذ شرقاوى واستاذ " عمرو " اهم كنوز موجودة ف رابطة الريجاتا

المشاركة الأصلية كتبت بواسطة regata

اخواني الاعزاء عايز زرار زجاج ريجاتا
ارجو الافادة
متابع

استاذى .. هتلاقى ف الوكالة سعرة بيبدء من 30 ج للزر الواحد . وعموما هتلاقى ازرار كتيرة عند الكهربائى
خلية يوفق لك واحد ... الا لو كنت عايز الاصلي بتاعها بذات نفسة يبقى عليك وع الوكالة . سعرة هتلاقية بيبدء من 30ج

صورة اليوم عجبتنى حبيت اضعها لكم
سيارتنا تواجه الارصاد الجوية فى مصر

مركز تحميل

صورة رائعة استاذ عمرو .. ميزة حلوة فى الريجاتا وهى انها عالية عن الارض بشكل مناسب للطرق بتاعتنا ف مصر

ازيدكم من البيت شعر .. مجموعة اعلانات نادرة عن الريجاتا
YouTube - FIAT REGATTA. TV AD circa 1985.
من اجمل الاعلانات للريجاتا بصراحة .

YouTube - Spot FIAT Regata

حسب ما الاعلان بيقول : نسبة التسارع من صـفر الى 62 ك - 10 ثوانى

فيديو لواحد بــيشد بريجاتا ! " احذر الصوت مزعج فى الفيديو فأحذر لو سماعاتك عالية "
YouTube - Fiat Regatta 100 Acelerando en 1آھ y 2آھ
وصل للـ 80 ك فى 14 ثانية فقط " الجزء الاول "

الجزء التانى من فيديو الشد بالريجاتا " احذر الصوت مزعج "
YouTube - Fiat Regatta 100s Acelerando un poco en 2آھ, 3آھ y 4آھ

ناس بتهرج بالريجاتا .. عندهم الكاوتش ببلاش والماتور مسخنش .. شايفين قوة ونسبة التسارع ؟
لان فية ناس معتقدة ان اي عربية قـديمة .. تبقى كهنة واخرها 10 ك ف الساعة !
بصفتى مالك سابق للحلوة لانـسر بومة زيـرو .. اي اعلم تماما معنى كلمة ثـبات .. حبيت فى الريجاتا ثبتها واللى مكنتش متوقعة منها وفجأءتنى بية . وتحملها للطرق الشاقة بتاعتنا . وطبعا علشان كلامى يبقى مظبوط الثبات فيها مقبول جداَ .. ولا يقارن لانسر بالريجاتا .. لان اللانسر
ركوبة تانية خالص ودنيا تانية وثبات اعـلى بكتير ومختلف .
YouTube - Fiat Regata burnout

شكرا كثيرا لمجهوداتك
لكنك سبقتنى لانى كنت هضع فيدويهات للريجاتا
ان شاء الله تكون سباقا الى الخير