رابطه محبي ومالكي الريجاتا

**casperkado** · 07-11-2011 04:51 AM

انا صاحب سيارة ريجاتا موديل 90 بقالها معايا 7 سنين مشتكتش والحمد لله بس انا عايز استشارة ضرورى عايز اغير موتورها بموتور اقوى اركب ايه ينفع فى المواتير دى
لانشيا 1600
موتور فيات ابرث 1800
لانشيا 1800 كامتين
فيات سينا 1600
وياريت المزايا والعيوب

**zenger** · 07-11-2011 04:25 PM

اللى اعرفة ان يركب كمان موتور التمبرا ال1.6 و اللانشيا برضو شغال لانهم من جوا قطع غيار واحدة بس الفيات الابارث ده بيتاع ايه يعنى ابارث ايه موديل ايه لانى الصراحة مسمعتش انو بيركب على الريجاتا لكن اللانشيا و التمبرا قواعد واحدة

**loserdavie** · 09-11-2011 05:06 AM

المشاركة الأصلية كتبت بواسطة casperkado

انا صاحب سيارة ريجاتا موديل 90 بقالها معايا 7 سنين مشتكتش والحمد لله بس انا عايز استشارة ضرورى عايز اغير موتورها بموتور اقوى اركب ايه ينفع فى المواتير دى
لانشيا 1600
موتور فيات ابرث 1800
لانشيا 1800 كامتين
فيات سينا 1600
وياريت المزايا والعيوب

موتور الانشيا 1800 حبكسرلك العربية ومع الوقت حنشرخ وحتحتاج تغير ربع الادمانى موتور السينا ياراجل يعنى الناس كلها بتهرب منها وقطع غيارها مولعة وانت ترحلها برجلك عايز نصيحة منى ركب موتور التمبرا الانجيكشن والاداء حيبقى عالى وقطع غياره متوفرة وفى ناس بتقول قطع غياره زى الشاهين اهو وترتاح من ارف الكاربرتير

**loserdavie** · 09-11-2011 05:08 AM

المشاركة الأصلية كتبت بواسطة zenger

اللى اعرفة ان يركب كمان موتور التمبرا ال1.6 و اللانشيا برضو شغال لانهم من جوا قطع غيار واحدة بس الفيات الابارث ده بيتاع ايه يعنى ابارث ايه موديل ايه لانى الصراحة مسمعتش انو بيركب على الريجاتا لكن اللانشيا و التمبرا قواعد واحدة

ياراجل يعنى تبقى فى السيدة ومشوفكش انا فى عابدين جنبك

**loserdavie** · 09-11-2011 05:23 AM

سؤال ياجماعة انا لو حبيت ابيع عربيتى اطلب كام
مع العلم عربيتى ايطالى مو 88 1500 فابريكا دواخل والتابلوه رشة من الخارج اول يد العداد 170000 كم تكييف شغال الغفشة ورا وقدام جديدة (1500 جم) كبالن جديدة ايطالى 230 جم من الكيلانى بطارية جديدة لسه الشهر السابق Marchitelli كانت السيارة مرفوعة 7 سنين لاتحتاج امصاريف نهائى العربية على ابوها مش متعدلة اسبراتير عادة ولا اى حاجة بنزين 92 وعمرى محطيت 80 والله :D

**ahwanoso** · 09-11-2011 11:24 AM

المشاركة الأصلية كتبت بواسطة loserdavie

موتور الانشيا 1800 حيكسرلك العربية ومع الوقت حنشرخ وحتحتاج تغير ربع الادمانى موتور السينا ياراجل يعنى الناس كلها بتهرب منها وقطع غيارها مولعة وانت ترحلها برجلك عايز نصيحة منى ركب موتور التمبرا الانجيكشن والاداء حيبقى عالى وقطع غياره متوفرة وفى ناس بتقول قطع غياره زى الشاهين اهو وترتاح من ارف الكاربرتير

هو ينفع تركب موتور انجيكشن مكان الموتور العادى

**regata** · 09-11-2011 12:44 PM

يا جماعه عااااااااااايز فرن ريجاتا

**loserdavie** · 09-11-2011 04:08 PM

المشاركة الأصلية كتبت بواسطة ahwanoso

هو ينفع تركب موتور انجيكشن مكان الموتور العادى

اه شفت واحد مركبه بس هتغير دفيرة العربية

**amro1965** · 10-11-2011 10:20 AM

المشاركة الأصلية كتبت بواسطة loserdavie

سؤال ياجماعة انا لو حبيت ابيع عربيتى اطلب كام
مع العلم عربيتى ايطالى مو 88 1500 فابريكا دواخل والتابلوه رشة من الخارج اول يد العداد 170000 كم تكييف شغال الغفشة ورا وقدام جديدة (1500 جم) كبالن جديدة ايطالى 230 جم من الكيلانى بطارية جديدة لسه الشهر السابق marchitelli كانت السيارة مرفوعة 7 سنين لاتحتاج امصاريف نهائى العربية على ابوها مش متعدلة اسبراتير عادة ولا اى حاجة بنزين 92 وعمرى محطيت 80 والله :d

لو حسب كلامك 24000 الف ولا انصحك ببيعها لانك مش هتعوضها
الا اذا هتشترى جديد

**Ahmed_Ramadan** · 10-11-2011 01:17 PM

السلام عليكم يا جماعة
أنا عندى العربية بتبطل لوحدها و هيه ماشية و أجى أشغلها ساعات تقوم و ساعات لأ غيرت طلمبة البنزين و البوجيهات و سلوك البوجيهات و الفلاتر و غسلت الكاربراتير كنت بشوف الموبينة يمكن تكون سخنت أما العربية بتعطل و مش بتكون سخنة قوى ......إيه رأيكو الموضوع ده بقاله أكتر من شهر