الموضوع: رابطه محبي ومالكي الريجاتا

عـدنا :)
واعتذر عن انشغالى الفترة الماضية لكن كنت بحاول اتابع
وقريت مشاركة الاخوة بخصوص بيك الكهربا .. وكلامهم سليم 100 %
واضيف على كلامهم نقطة واحدة بس
ان فية نوع من الكربراتيرات بيكون بك الكهربا 3 تكة
التكة الاخيرة بتكون خاصة بالتكييف .. ولما تيجي تشترية جديد زيرو هيسألك كربراتير ريجاتا مكيفة ولا عادي ؟
وتكييفها شغال ولا لاء .. لان التكة التالتة دي بترفع لفات الموتور من اجل التكييف


فية نوع صيني مش فاكر اسمة جربتة وعملت موضوع على المنتدى تحذير منة بكل مواصفاتة وصورتة واللى عملة معايا
تمنة تقريبا 800 ج او 900 ج ولا انصح بة مطلقاَ
تمن الكربراتير الاصلي الايطالى جديد زيرو من حوالى سنة " يعنى السعر قديم جداَ " 1100 ج وفية اللى بيقول 1400 ج

مميزات الكربراتير لما يبقى جديد زيرو .. او لما يكون مظبوط صح ولم يهلك ف العمل :
1 - اداء رائع بشكل عام
2 - اقل ف استهلاك البنزين .. هتحس انك راكب عربية زيرو من قلة استهلاكة للبنزين
3 - نعومة ف القيادة
4 - صوت هادئ للموتور
5 - سحب الموتور من الخمول للسرعات رائع ومقبول " اللى يحب يجرب عربيتى من مالكى الريجاتا يتفضل :) "
6 - البوجيهات هتعيش معاك وهتغيرها كل سنة مرة او كل عشر الالاف مع سير الكاتينة
7 - العربية مش هتلت منك .. والسبب ان البوجيهات مش هتقطع " مش هتهبب " بسبب ضخ البنزين بنسب معينة وجيدة
8 - مش هتلاقي دخنة سودة ولا ريحة بنزين محروق .. وهتلاقى دايما قطرات مياة من الشكمان دليل على اكتمال
الاحتراق بشكل جيد

دى الحاجات اللى فكرها دلوقت وطبعاَ لو حد حابب يضيف من خبراتة يتفضل

هرد على حضرتك استاذ " ahwanoso " ف مشاركة تالية

" ahwanoso "
عفشة الريجاتا بشهادة اصحاب عربيات زيرو مريحة " تخيل ؟ " بتاخد وتدي مع التعرجات ومقبولة
موضوع العفشة الناشفة يرجع للعديد من الاسباب
اولا : نوع المساعدين اية اللى عند حضرتك ؟
ثانيا : العفشة كلها مجددة ؟؟ ولا مساعدين بس ؟
ثالثا : اخبار العفشة اية ككل ؟
رابعاَ : السوستة الورق اللى ورا عليها عامل كبير ف عومان العربية ونشوفيتها .. اخبارها اية عندك ؟؟ والسوست قدام اخبارها اية ؟

بعد ما حضرتك ترد على الاسئلة دى هنبدء الخطوة اللى جاية