الموضوع: رابطه محبي ومالكي الريجاتا

المفروض ان شد اغلب العربيات ميكلفش اكتر من 5 الالاف جنية
دوكو + سمكرة + سروجى + كهربا + مشتريا خفيفة

انا شديت اكسيل خاصة بصديق بالمبلغ دة .. لكن المشكلة دايماَ معاك ف المشتريات !!
غير ان مصنعيات البهوات زادت بشكل مبالغ فية وبغباء
وبالتالى عربيتى لما شديتها كلفتنى بالمشتريات 8 الالاف ج علماَ انى دافع بزيادة
يعنى بدفع للصنيعية بزيادة عن ما طلب عشان بتعبة معايا وبقرفة شوية ف شغلي وياريتة فلح ونفع !
وبعدها بفترة جبت مشتريات بألفين جنية .. فالاجمالى شد بتاعي 10 الالاف جنية وهو مبلغ مبالغ فية اصلا
غير المصاريف اللى صرفتها قبل الشد بسنة تغيير عفشة كاملة مرتين وحاجات كانت شغالة ومع ذلك شيلتها
كان فية حماس مبالغ فية عندى بعد ما جبتها .. رأيي متوسط شد الريجاتا ما بين 5 و 6 الالاف بالمشتريات كمان كويس
لو صرفت 3 الالاف ج بدون مشتريات تبقى عملت طيب وزيادة .

حل مشكلة تأخير الدوارة صباحاَ .. وحتى بعد ترك السيارة ليومان :

اساس المشكلة : المتهم الاول فى مشكلة تأخير الدوارة الكربراتير والمتهم الثاني البوجيهات والمتهم الثالث طرمبة البنزين
لو جربت حل المشكلة الاولي هتتعب لانى صلحت 2 كرابراتير وف الاخر العيب بيرجع تانى بعد اسبوع ومصاريف ع الفاضى غير انهم جابو اجل الكربراتير وعلشان اريح نفوخى جبت كربراتير جديد وبعد شهور لقيتة بيأخر ف الدوارة باردو
البوجيهات لو مرطبة لازم هتأخر دوارة .. لو متأكد ان البوجيهات سليمة او جديدة زيرو يبقى بلف طرمبة البنزين بيرجع البنزين .. ودي باردو غيرتها مرتين تلاتة عشان احل مشكلة البلف واتضح ان الطرمبة اصلا بتنزل كدة .. غباء يعنى
وبالتالى بعد محاولة حل اصل المشكلة مع المتهمين المذكورين .. قرر القاضى تأجيل الجلسة لاجل غير مسمي !
ولذلك قررت اعدل لحل المشكلة .. وتم حلها بفضل الله منذ عام وهدور معاك من اول لمسة حتى ف عز الشتا والتلج صباحاَ

الحل الاول : طرمبة بنزين كهربا 1.3 بار ميتسوبيشى .. هتجيبها من اي محل قطع غيار يابانى سعرها ف حدود 200 ج
الحل دة رغم انة عملي جداَ .. الا انى لا انصح بة .. هذكر السبب

طريقة التركيب : هتوصل ترامل للكليبسات بتاعتها بدلاَ من قطعها .. وهتوصل الفردة الكهربا مع الداخل بتاع الكونتاك فى الموبينة .. والفردة الارضى هتوصلها ف اي حتة ف صاج العربية .. وبالتالى لما تفتح كونتاك هيوصل كهربا للموبينة وللطرمبة معاَ

عيوبها
فى العربيات الحديثة فى كمبيوتر بيتحكم فى الطرمبة دي .. انما عندنا اللى هيحصل انك اول متفتح كونتاك وقبل ما دور هتشتغل الطرمبة عمال على بطال مش هتقف .. وبالتالى لو نسيت وسبتها مفتوحة للاكتر من 10 ثوانى هتشرق لك العربية وهيكون فية ضغط راجع علي الطرمبة وبالتالى منصحش بيها لان اغلبنا بينسى القصة دي

الحل التانى والعملي اكثر :
تركيب 2 فلتر بنزين بدلاَ من واحد ... هتشتري فلتر بنزين وتركبة قبل الكربراتير مباشرة بحيث يكون مستوي كالمسترة
وليس قائم .. علشان يتخزن فية البنزين .. والعربية هدور معاك بأذن الله حتى لو سبتها يومين تلاتة

الحلول دى انا مجربها ف عربيتى اخرهم موضوع 2 فلتر دة كتجربة ونحجت معايا واي حد حابب يشوفها عندي يشرفنى طبعاَ .

المشاركة الأصلية كتبت بواسطة loserdavie

انا ياريت تقولى على الحاجة الى انت عايزها كلها علشان حسئلك واحد حبيبى فى الوكالة؟ وبعدين السوسته الفبر ب 150 جم نمرة واحد وشوف حاجة كلها علشان اسئلك عليها ولو عايزنى اعربنلك عليهم انا موافق؟

انا محتاج المفتاحين بتوع الازاز الكهربا بدل المفاتيح العادية اللى عندي :) طالما موضوع الكونصولة مش متظبط :)

osamafath
انا مركب 175/70/13
افضل مقاس هترتاح معاة كتير .. ولا انصحك بمقاس اعلي او اقل لانة هيبقى على حساب العفشة وعلى حساب راحتك اثناء القيادة