رابطه محبي ومالكي الريجاتا

**elbasosy** · 04-09-2013 03:12 PM

سؤال بس ماحدش يضحك عليا ( دى قلة خبره ) : انا عربيتى موديل 85 وأشتريتها من غير تكييف .. هل كل الريجاتا مُجهزه إن يتركبلها تكييف ؟؟ ولا هى موديلات مُعينه ؟ ولو ينفع أركبلها تكييف ممكن يتكلف كام تقريباً ؟أرجو إفادتى . مع الشكر لكل الأعضاء المحترمين بجد ........

**mabdelwahab** · 04-09-2013 04:41 PM

الى أستاذ حسين والاعضاء المحترميين انا معايا ريجاتا 2 كامة موديل 1987 اعرف أذاى ان المشط شغال ولا لأ انا أشتريته قريب و ايضا لو الحساس بايظ ولا لأ . ملحوظة انا عندى 2 حساس واحد راكب على الفتيس على سنون ترس الحدافة و التانى فى وش ترس الحدافة

**سيف عماره** · 05-09-2013 02:22 AM

[سؤال بس ماحدش يضحك عليا ( دى قلة خبره ) : انا عربيتى موديل 85 وأشتريتها من غير تكييف .. هل كل الريجاتا مُجهزه إن يتركبلها تكييف ؟؟ ولا هى موديلات مُعينه ؟ ولو ينفع أركبلها تكييف ممكن يتكلف كام تقريباً ؟أرجو إفادتى . مع الشكر لكل الأعضاء المحترمين بجد .......

مــــــتـــابــــــع

**elbasosy** · 08-09-2013 12:53 PM

أ / حسين ... ياكبار الرابطه ... أين أنتم ؟؟ سألت على التكييف وماحدش رد عليا ؟؟ طب نخليهم سؤالين بقى بالمره :
محتاج إربه للريداتير ( إربة ريجاتا ) ممكن ألاقيها فين ؟؟

**YMAA_NANA** · 08-09-2013 06:36 PM

المشاركة الأصلية كتبت بواسطة elbasosy

أ / حسين ... ياكبار الرابطه ... أين أنتم ؟؟ سألت على التكييف وماحدش رد عليا ؟؟ طب نخليهم سؤالين بقى بالمره :
محتاج إربه للريداتير ( إربة ريجاتا ) ممكن ألاقيها فين ؟؟

بالنسبة للسؤال الثاني
الاربة ان شاء الله هاتلاقيها عند محمد سويف انا كنت عنده من حوالي ثلاثة ايام كنت بشتري بلية العجلة الامامية وسالته عاليها لاقيتها موجودة وهاتلاقيها ب 120 جنية ايطالي

**elbasosy** · 08-09-2013 08:54 PM

المشاركة الأصلية كتبت بواسطة ymaa_nana

بالنسبة للسؤال الثاني
الاربة ان شاء الله هاتلاقيها عند محمد سويف انا كنت عنده من حوالي ثلاثة ايام كنت بشتري بلية العجلة الامامية وسالته عاليها لاقيتها موجودة وهاتلاقيها ب 120 جنية ايطالي

ياباشا أشكرك على الاهتمام والرد .. إن شاء الله هاروح اجيبها .. بارك الله فيك

**Abu Zizo** · 09-09-2013 12:50 PM

السلام عليكم ورحمة الله وبركاته
عندى استفسار لانى قليل الخبرة وطالب النصحية من اصحاب الخبرة
إن شاء الله ناوى اعمل عمرة كاملة للماتور لانى من ساعة ما اشتريت العربية وانا حاسس ان امكانياتها كبيرة بص هى محتاجة تتظبط المبلغ اللى معايا على قد عمرة الماتورة.

فى ميكانيكى فى الحرفيين قلى انا هعملك العمرة بس هجيب قطع الغيار استيراد عشان الجديد معظمه مضروب وهتتكلف حوالى 2500 ج.
فالكلام ده مظبوط ولا اشوف حد تانى............ أيه رأيكم وأعمل أيه؟
أسف على الاطالة.

**omarcom** · 09-09-2013 02:30 PM

بسم الله
الاخوة الافاضل لي استفسار ارجو افادتي عنه :
من ثلاث اسابيع لقيت مؤشر البنزين في العدادات مش شغال روحت للكهربائي فك العوامة وقالي العوامة عاوزة تتغير .. روحت لكهربائي تاني عشان كنت شاكك قالي نفس الموضوع ..
فعلا جبت عوامة بنزين وركبتها اشتغلت تمام .. مشيت بالعربية فترة والمؤشر مش عاوز ينزل لتحت مع استهلاك البنزين .. روحت فولت العربية المؤشر ارتفع لأخر حاجة .. ومع المشي لقيته نزل لحد شرطتين .. وبعد كده بطل ينزل .. ما اني استهلكت في البنزين اللي اكتر من كده .. روحت للكهربائي فك العوامة وركبها تاني المؤشر اقرا القراية المظبوطة .. قالي دي كانت معلقة .. مشيت فترة بيها برضو نفس المشكلة المؤشر مش عاوز ينزل مع الاستهلاك .. فكيتها روحت للمحل اللي كنت اشتريتها منه .. من هنا لهنا .. اداني الاصلية بتاعتها ودفعت الفرق .. وكان فيه اختلاف بين الاخيرة اللي جبتها واللي القديمة اليوغسلافي .. ان اتجاه الدراع عكس اتجاه الدراع في الجديدة اللي جبتها .. فقالي ممكن يكون هو ده العيب اللي بيخليها اول ما تركب في العربية ما تشتغلشي .. بمعنى ادق فيه حاجة بتقف مع الدراع بتخلية ما يتحركشي .. مع العلم لما بنركب العوامة من غير ما ندخلها في التنك وبنحرك الدراع بالايد فوق وتحت المؤشر بيتحرك تمام خالص على كل الشرط اللي في التابلوه .. ركبنا العوامة الجديدة ادت القراية المظبوطة للبنزين جوه التنك ونفس المشكلة وقف المؤشر وما بينزلشي .. فكيتها بعدها بكام يوم وركبتها تاني راحت مدياني القراية المظبوت تاني .. ونفس المشكلة المؤشر ما بينزلشي مع الاستهلاك .. يا ترى ايه المشكلة ..
ملحوظة : متأكد تماما ان العوامة مظبوطة وما فهاشي مشكلة ..
هل التنك ممكن يكون اتخبط من غير ما احسن او حصل فيه حاجة هو اللي بيعمل المشكلة دي
حاجة تانية: انا كان عندي مشكلة قديمة من اكتر من سنة خاصة بأمبير البنزين وأمبير الحرارة .. وهو اني لو كنت راكن العربية في الشمس وجيت دورت العربية بلاقي المؤشرين بتوع الحرارة والبنزين ارتفعوا ٣ شرط عن الطبيعي ونفس الوقت لو شغلت النور الصغير .. بلاقيهم ينزلوا للآخر ناحية اليمين مع بعض .. والمشكلة دي بتروح لو مشيت على الطريق شوية من غير ما يكون فيه زحمة قدامي .. بمعنى اصح بيكون الهواء دخل للعربية مش عارف من اي ناحية المهم انها ما السفر على طريق طوالي في عز عز الشمس ما بتحصلشي المشكلة دي .. السؤال هل الموضوع ده ليه علاقة بموضوع طرمبة البنزين (لا اعتقد) لأنه ببساطة مؤشر الحرارة زي ما هو .. ما فهوش مشكلة ..
انا عارف اني طولت عليكم بس معلهش كنت حابب اديكم صورة كافية .. لأني بصراحة تعبت مع الصنايعية ومش عارف اعمل .. وجزاكم الله خيرا

**elbasosy** · 09-09-2013 03:06 PM

انا جبت النهارده ياجماعه إربة المياه الخاصه بالريجاتا + الغطاء الأصلى بتاعها ( الأتنين إيطالى ) ثمنهم 120 + 15 .......
حبيت أقولكم من مبدأ أتفقنا عليه قبل كده إن اللى يعمل حاجه جديده فى عربيته أو يشترى حاجه يقول للكل للإستفاده من الخبرات والوقوف على أخر الأسعار .