رابطه محبي ومالكي الريجاتا

**supersanfor** · 09-05-2012 08:34 AM

يا جماعة انا كنت قرات مرة موضوع عن تغيير مروحة الريجاتا بمروحة اوبل استرا وكان صاحب الموضوع بيقول انها اكبر و ادائها احسن و صوتها واطى و لما بتستغل مش بتهد الموتور .. فياريت حد من الخبراء يفيدنا فى الموضوع ده و لو فيه بديل احسن يقولنا عليه ..
شكرا و اسف على الاطالة

**Ahmed_Ramadan** · 09-05-2012 12:19 PM

المشاركة الأصلية كتبت بواسطة alsharkawy

السلام عليكم جميعا: انا ابعث تحذير للجميع من الحرص هذه الايام بالذات من موضوع السرقة فمنذ 5 ايام تم سرقة محتويات شنطة عربيتى بالكامل وهى الاستبن وكنت لسة جايبه جديد+ الكوريك+ جركن زيت+ عربة البيبى+ غطا العربية وحتى كورة الاولاد الحرامى ابن الحرامية اخذها وكانت السرقة بعد صلاة الفجر ب نصف ساعة وعلى فكرة هو اكيد فتح بمفتاح لان قفل الشنطة سليم والحاجة الغريبة اللى انا اكتشفتها انى جربت مفتاح عربية ريجاتا اخرى وفتح شنطة عربيتى عادى بس من ساعتها وانا نفسى مسدودة اجيب حاجات مكان اللى اتسرقت وقدر الله وما شاء فعل

انا مش عاوز اجيب إحباط بس ده حال كل الريجاتا كوالين العربية كلها ما عدا الكونتاكت بتتفتح بأى مفتاح و بسهولة تامة.....عربية الوالدة جبتلها طقم كوالين للشاهين ب 70 جنيه من سنة و ركب عادى و المشكلة خلصت

**mentaloss** · 09-05-2012 05:59 PM

بالنسبه للمروحه انا من سنه ونصف جبت المروحه الستاندرد بتاعتها تقريبآ ايطالى كانت عامله 300 ج

**homme49** · 09-05-2012 06:27 PM

المشاركة الأصلية كتبت بواسطة supersanfor

السلام عليكم و رحمة الله و بركاتهبالنسبة لسؤال اخونا mentaloss انا لسة مغير فانوسين قدام الواحد وقف عليا ب 110 جنيه مع العلم انى جايب فانوسين الريجاتا التركى و كمان غيرت اللمبتين و ماشاء الله الاضاءة احسن كتير و على فكره انا كنت مركب الاول فانوسين شاهين صينى كان شكلهم حلو بس الاضاءة كانت اوحش كتير. و برضه لسه جايب طقم فتيس كامل ( اسطوانة و ديسك و بلية ) ب 350 جنيه + بليتين عجل امامى ايطالى الواحدة ب 45 جنيه

أرجو التكرم بإفادتنا عن عنوان و تليفون المحل الذى تم منه شراء الفانوس الأمامى التركى
حيث أننى مركب فوانيس أمامى شاهين و لكتهم غير مثبتين بطريقة سليمة مع حجم الشبكة الأمامية و ذلك لإختلاف حجم فانوس الشاهين عن فانوس الريجاتا و إن كان فانوس الشاهين بسعر 80 جنيه للواحد

**supersanfor** · 10-05-2012 07:35 AM

انا جايب الفوانيس من محل اورجينال بطنطا .. و فوانيس الشاهين لازم تجيبلها شنب يركب تحتيها

**supersanfor** · 10-05-2012 08:22 AM

عندى سؤال مهم جدا للمهندس حسين ... انا عندى العربيه لما بجرى بيها بتظهر ريحه عادم قويه داخل العربية ومش عارف ايه حلها ,, مع العلم انى نضفت الكاربيراتير و ظبته بس مفيش فايدة

**Ahmed_Ramadan** · 10-05-2012 11:08 AM

المشاركة الأصلية كتبت بواسطة supersanfor

عندى سؤال مهم جدا للمهندس حسين ... انا عندى العربيه لما بجرى بيها بتظهر ريحه عادم قويه داخل العربية ومش عارف ايه حلها ,, مع العلم انى نضفت الكاربيراتير و ظبته بس مفيش فايدة

عربيتك مكيفة و لا لأ ؟؟

**supersanfor** · 11-05-2012 12:51 AM

المشاركة الأصلية كتبت بواسطة Ahmed_Ramadan

عربيتك مكيفة و لا لأ ؟؟

اه مكيفة

**redmax** · 11-05-2012 01:04 AM

هام وعاجل بخصوص تغيير موتور ريجاتا موديل 86

الموتور تعب جدا وخرطت وش السيليندر ومش عاجبنى ايه افضل موتور اسقطة عليها بحيث انى معملش تعديلات
مع العلم انى كنت معدل الكاربيراتيروشارى كاربيراتير ويبر اسبانى جديد واحد باب بتاع 128 عشان استهلاك البنزين
ايه افضل حاجة ممكن اعملها مش فارق معايا قوة الماتور قوى اهمحاجة يريحنى وهل ممكن احوله ل اوتوماتيك الفيتيس وشكرا
وكم تكون التكلفة بالتقريب

**nicegypt** · 14-05-2012 09:21 PM

المشاركة الأصلية كتبت بواسطة supersanfor

عندى سؤال مهم جدا للمهندس حسين ... انا عندى العربيه لما بجرى بيها بتظهر ريحه عادم قويه داخل العربية ومش عارف ايه حلها ,, مع العلم انى نضفت الكاربيراتير و ظبته بس مفيش فايدة

[color="navy"]ريحة العادم اللى حضرتك بتشمها فيها بنزين محروق ولا نيي ؟؟
وهل بتشم الريحة بعد متفول ؟؟ ولا كل يوم ؟؟
علماَ ان الريجاتا عمرك متشم فيها ريحة بنزين عكس ال 28

.. مشكلة ريحة العادم حاجتين :
يأما وصلة الشيكمان مخرومة .. يبقى تراجع على الشيكمان كلة من اولة للاخرة عند بتاع شيكمانات
يأما والاكيييييد الفرن بتاع الشيكمان اللى ف الموتور من الخلف محتاج يتغير لة المسامير ودة حصل معايا وعملتها
لان جزء كبير من العادم مش بيدخل ف الفرن وبتالى مش بيخرج من الشيكمان بشكل صحيح