الموضوع: رابطه محبي ومالكي الريجاتا

المشاركة الأصلية كتبت بواسطة gadsuez

انا معروض عليا ريجات موديل 1990 100s فيها بعض الأشياء عايزة اصلاح او تغيير مثل الكبالن و التابلوه مفكوك من جانب باب السائق وعلبة الفيوز ظاهرة وعض البويه مقشرة لكن حالتها كويسة عفشة وموتور ولايوجد بارومة كان طالب 20000 جنيه واتفقنا على 19000 جنيه كويسة ولا لأ وما الفرق بين 85s 100s

الريجاتا 100 s موتور ايطالى 1600 سى سى 16 صباب بقوة 100 حصان/ كابراتير 2 باب وكمان وحدة تحكم بس قطع غيار الموتور نادرة شوية بعكس ريجاتا 85 s المنتشرة بشدة وبالنسبة للسعر فهو كدا لقطة لانك هتصرف عليها حاجات بسيطة
جوز كبالن صينى : 160 جنية
جوز كبالن المانى : 240 جنيه
جوز كبالن ايطالى : 300 جنية / علبة فيوز= 50 جنيه / التابلوه لو وجدته = 2000 او ممكن تركب تابلوه ريتمو مكيفة واخيرا لازم يكون معاك واحد متخصص وامين يكشف عليها خاصة الشاسيه

اضم صوتى لصوت الاخوة الاعضاء
فى حاله ان اساسيات العربيى سليمه
شاسية سليم غير ملحوم او مفتوح بسبب مطب قوى او حادثه اثرت علية
فابريقة دواحل شنطة وحوض
فى حاله ان الاثنين دول تمام من قبل سمركى متمرس مع رفع السيارة فى بنزينه محترمة واعطاء تقرير بالحاله
توكل على الله والباقى هين سواء كانت سمكرة او دهان خارجى او كبالن وخلافه
انا معى ريجاتا موديل 90 كنت شاريها ب 25 الف والحمد لله جماله اسية وسفر
ورغم ذلك اشك فى السعر
بالتوفيق فى الشراء

بفضل الله تم حمايه سيارتى من مشاكل جسيمة بفضل المصفحه المثبته اسفل السيارة
وانا راجع بالسيارة مرشدين العجله الامامية وقعت فى بالوعه كانت مفتوحة وجدت السيارة هبطت مرة واحده
بينى وبينكم قلت خلاص السيارة مش هتمشى نتيجة وقوع العجلة وكسور فى المقص والعجلة
بينى وبينكم وقتها حسيت باهمية المصفحة لانها منعت خطر كان مؤكد لعفشة السيارة الامامية
خرجت من هذه الواقعه ان اخذ حذرى جيدا سواء وانا ماشى او انا راجع مرشدين سواء كانت بالوعه مفتوحه او حجر كبير او رصيف عالى قد يسبب اضرار بالسيارة

عاوز أخلع الكراسى الأمامية لتظبيط الفرش و نظافة العربية ....حد يدلنى على كيفية خلعه من مكانه