رابطه محبي ومالكي الريجاتا

اقتباس:

---

المشاركة الأصلية كتبت بواسطة alsharkawy

يا جماعة ايه الفايدة من الرابطة لما مش نجاوب اسئلة بعضنا ومش معقول محدش عارف ازاى نضبط مسمار الهوا والبنزين او حتى مكانهم فين بالضبط خاصة انكم اكيد معاكم الريجاتا من سنين وبعدين احنا لما نستفاد منكم اكيد هنفيد غيرنا فيما بعد وخيركم من تعلم العلم وعلمه ,ولما يتم التجاهل للاسئلة تفقد الرابطة فاعليتها وتقتصر على 3 او 4 اعضاء يقومون بتهنئة بعضهم البعض دون فنيات او حوار يضيف شئ

---

اخى العزيز الشرقاوى
انا شايف مداخلتك لكنى للاسف معرفش
لكنى منتظر الاستاذ حسين يعرفنا الطريقة لما له من خلفية وعلى فكرة افضل من يوضحها لك بالصور كمان وهو لا يتأخر ابدا والله
واكيد كل منا له مشاغلة واعمالة بسبب الضغوط اليومية والاحداث السريعه المتلاحقة
فينا اللى ممكن يدخل كل اسبوع وفينا اللى كل ثلاثه ايام وفينا اللى مثلى لازم يشيك كل يوم فى الرابطه في اشياء اعرفها وفى اشياء لا اعرفها واخاف افتى بدون علم
انصحك نصيحه انا بستخدمها دائما عندما لا اجد اجابه على اسئلتى
ابرم النت بحثا هنا وهناك فى اى مواضيع فى اى منتدى بيتكلم عن الاشياء التى احتاج الاجابه عليها
فى محركات البحث المختلفة
وفى اليوتيوب
ابحث بالعربى مرة بالانجليزى مره حتى اجد ولو جزء من سؤالى
انا اسف لانى اطلت عليك اخى العزيز
وان شاء الله سوف ابحث لك على موضوعات بتتكلم عن كربراتير الريجاتا واضعها لك

بالبحث جبت لك اغلب المواضيع اللى بتتكلم عن كربراتير الريجاتا
http://www.nilemotors.net/Nile/137577-80.html
http://www.nilemotors.net/Nile/189523-265.html
http://www.nilemotors.net/Nile/3872805048-post12.html
http://webcache.googleuser........co...ient=firefox-a
على فكرة كل ماتبحث هتستفاد اكثر
مع تحياتى

اقتباس:

---

المشاركة الأصلية كتبت بواسطة amro1965

بالبحث جبت لك اغلب المواضيع اللى بتتكلم عن كربراتير الريجاتا
http://www.nilemotors.net/nile/137577-80.html
http://www.nilemotors.net/nile/189523-265.html
http://www.nilemotors.net/nile/3872805048-post12.html
http://webcache.googleuser........co...ient=firefox-a
على فكرة كل ماتبحث هتستفاد اكثر
مع تحياتى

---

اشكر حضرتك استاذ عمرو على حسن ردك واسلوبك وانا بالفعل ببحث كتير جدا لانى بحب اتعلم كل حاجة عن العربية التى اقتنيها ودى هواية عندى من زمان الميكانيكا والالكترونات وانا اقوم بالبحث حتى لو معنديش مشكلة بالعربية بس طبعا علشان تلاقى اجابات لاسئلتك فافضل شئ ان تسأل من هو يمتلك هذه السيارة خاصة من فترة طويلة لانه مر بكل شئ فى العربية سواء بذاته او عن طريق الميكانيكى وهتلاقى اجابات تفصيلية اكتر وكمان يمكن احسن من الميكانيكى نفسه فمثلا كنت عاوز مرة اوطى سلانسيه العربية فذهبت لميكانيكى وظل يبحث عن الحل كأنه لغز وعملها اخيرا ولكن دون جدوى وذهبت لغيره وقالى بك السلانسيه مقطوم من الداخل ولكن قام بتوطية السلانسيه عن طريق المسامير فخلى السلانسيه اقل من اللازم و مش عارف يضبطه تانى واخيرا اشكر حضرتك على تعبك فى البحث عن موضوع الكاربراتير

http://www.nicegypt.com/mycar/IMAG0199.jpg

السلام عليكم
رغم انى رديت قبل كدة بخصوص الكربراتير .. لكن عموما
لا اتحمل مسؤلية تجارب اي عضو على الكربراتير الخاص بة
حصوصا ان بعض الناس خيراَ تعمل شراَ تلقي *
بكل بساطة ممكن تلخبط ناتج خلط الهوا بالبنزين وساعتها المكنة هتتبرجل منك
وهتحتاج لصنيعي يصلح المشكلة ..

الصورة بالاعلى لكربراتير ريجاتا .. لو الصورة مش واضحة هصورها تانى ولا مشكلة ف ذلك
ووضعها على سيرفري عشان متتمسحش ولضمان وجودها

الاول هنتعرف على اجزاء الكربراتير من الخلف .. وبعد كدة ندخل لمرحلة الضبط :

رقم 1 : خاص بمسمار السلانسية وهو نفسة البنزين
هتلاحظ ان فية سوستة حلزونية او دائرية خلفة وظيفتها هي الضغط على المسمار
لكى يقوم برفع قطعة معدينة تحدد مسافة ذراع دواسة البنزين

رقم 3 : ذراع دواسة البنزين ... او الذراع المتحكم ف كمية الضخ للبنزين للموتور

رقم 2 : هو مسمار كبير وعريض وهو خاص بظبط الهواء

ملحوظة هامة جداَ : بعض الكربراتيرات بيكون فيها مسمار ثالث يسمى بالخلاط .. او مسمار خلط بنزين وهواء مع بعض
ودة نادراَ .. لكن لو لقيت 3 مسمار ف الخلف .. لا تطبق اي شيئ .. لان الشرح هنا على النوع اللى بدون مسمار خلط
ولا ينطبق الشرح ابداَ على النوع اللى فية خلاط وهو نادر وجودة .

الخطوة الاولى :
اول حاجة لازم المكنة تكون باردة ومتلجة عشان تظبط الكربراتير ... ولو رحت لصنايعي وظبط الكربراتير والعربية سخنة
اعرف انة كفتجى وخد عربيتك وامشى .. لازم العربية تكون باردة لذلك يفضل ان تضبط الكربراتير ف يوم متكونش خرجت بية بالعربية .. هو يفضل ذلك طبعا .

الخطوة الثانية :
اقفل مسمار رقم 2 ع الاخر وهو مسمار الهواء
بعد كدة رجعة مرتين
دور العربية بتاعتك

لو لقيت المكنة بترجرج وتكركر عادي .. لف لفة تالتة واتركة ع الوضع دة

بعد كدة روح للمسمار رقم 1 الخاص بالبنزين
والعربية دايرة لفة كأنك بتـقفل
المكنة هتبطل منك .. عادي
رجع المسمار مرة واحدة للخلف
دور المكنة
هدور لكن برعشة جامدة وكأن الموتور اصابة الجنون .. عادي
لف للعكس لحد ما المكنة تهدي
غالبا هتكون لفة واحدة بس
اول ما المكنة تهدي ارجع لمسمار الهوا رقم 2

لفة لفة كمان .. لو حسيت ان فية صوت زي سسسسسسسسسسس
رجع المسمار لفة .. الصوت كأن صوت هوا .. والمكنة هتبرجل
لو مفيش صوت سيب المسمار زي مهو ولا تيجي جمبة

الخطوة الاخيرة :
معدل ظبط مسمار الهوا بيكون بعد ما يتقفل ع الاخر .. من لفتين .. ل 3 لفات حد اقصى
افضل ضبط غالباَ هيكون على لفتين ونص .. هتقدر تعرف من خلال المكنة لو مرتاحة وصوتها مرتاح اوك

ارجع مسمار البنزين .. لفة لحد ما تسمع صوت المكنة بتعلي
لفة العكس اي ارجع بالمسمار لحد ما صوت المكنة يهدي ولو وصلت لمرحلة ان المكنة بترج رج
رجعة لحد ما المكنة تبقى بدور وثابتة .... بس الف مبرووووووووك

طيب اعرف نتيجة اللى عملتة دة صح ولا غلط ازاي ؟؟؟؟
هقول لحضرتك .. مسمار البنزين سهل تعرف نتيجتة عن طريق صوت الموتور ف السلانسية وانت بتلفة
اما النتيجة النهائية .. اعمل مشوار وبعدة فك بوجية واحد ... لو فيها هباب اسود .. او طبقة كربون كثيفة
يبقى كدة فية زيادة فى مزيج البنزين .. يبقى لازم تقفل مسمار البنزين شوية .. وكذلك مسمار الهوا رجعة مرة واحدة

طيب اية اللى يترتب على الضبط الخاطئ لمسمار الهواء والبنزين ؟؟
نسبة البنزين هتكون اعلى من نسبة الهواء .. او العكس .. وهيترتب على ذلك
1 - استهلاك عالى ف البنزين
2 - البوجيهات هتتراكم عليها كمية كربون كبيرة الى ان تتوقف السيارة عن العمل ف احد المرات
نتيجة لتكون طبقة الكربون الذى ادت لمنع تكون الشرارة اللازمة لحرق البنزين
3 - العربية هتاكل بوجيهات وهتضطر تغير بوجيهات كل شهر ع الاقل

حبيت اذكر عيوب عدم ضبط الكربراتير بشكل جيد .. علشان الاعضاء تعرف انة ممكن يبرجل عربيتة اكتر بدل ميصلحها
ف حالة انة مقدرش ينفذ الخطوات .. وعلى فكرة للعلم وللاهمية .... فية متخصصين كربراتير وبعض الميكانيكية
وبقول بعضهم .. مبيعرفش يظبط الكربراتير كويس .. وبدل ميظبط يبهدل الدنيا .. وانا عانيت وجربت امثالهم كتير
وصادفت كل المشاكل دي لذلك قمت المغامرة وفكيت كربراتير حتة حتة قطع عشان اعرف الدنيا اية من جوة
ونزلت كتالوج للكربراتير الخاص بالريجاتا وقريت

* مقصد القول المحير *
مش معنى انك هتروح لميكانيكي انة هيظبطة كويس .. لاء ممكن يبهدلة
ومش معنى انك هتعملة بنفسك انك مش مممكن تظبطة ... لاء ممكن .. بس تركز ويكون عندك صبر
ولو العربية برجلت منك عادي .. افضل وراها لحد ما تظبطها .. معرفتش ؟ .. روح لميكانيكي معروف عنة الخبرة
هيظبطهولك وركز معة وهو بيظبطة واسألة اية الخطأ اللى انت عملتة ؟
ممكن تكون لفيت مسمار الهوا زيادة عن اللزوم ؟ ممكن تكون قفلتة ع الاخر ونسيت ترجعة ... الخ وبكدة تبقى عرفت
انت غلط ف اية وعرفت ازاي تظبطة بنفسك ف اي وقت

اتمنى عدم نسخ الشرح والصورة لاي منتدى اخر .. وانا كمبرمج صعيدي لا ارضى بذلك ولا اشتكي لمشرفين
بل سيجدنى متربعاَ داخل سيرفرة الحبيب .. :) حلو التهديد دة :) هههههه

اتمنى عدم نسخ الشرح والصورة لاي منتدى اخر .. وانا كمبرمج صعيدي لا ارضى بذلك ولا اشتكي لمشرفين
بل سيجدنى متربعاَ داخل سيرفرة الحبيب .. :) حلو التهديد دة :) هههههه
على انا صعيدى ومن سوهاج
بصراحه موضوعك اكثر من رائع
ربنا يكرمك ويجعله فى ميزان حسناتك

جزاك الله خير يا استاذ حسين على الشرح الوافر دا وبعدين انت مخبى كل المعلومات دى ومش تقلنا هههههههه ,بس انا الكاربراتير عندى مختلف تماما عن الصورة ومكتوب عليه (fiat Felicia) وبعدين انا شوفت الميكانيكى بيستخدم مفك رفيع فى مسمار معين وان شاء الله هبقا اصور الكاربراتير وانزله وكمان الميكانيكى قالى ان بك السلانسيه مقطوم من الداخل فدا يأثر على استهلاك البنزين ومش عارف كلامه صح ام لا ومستنى رأيك برضه وايه حكاية انه كان عاوز يوصل سلك مع بك السلانسيه ولكن لقاه مقطوم من الداخل زى مانا ذكرت قبل كده فقالى يبقى هوطى السلانسيه من المسامير وطبعا المكنة كانت سخنة مكانتش باردة يبقا اكيد كفتجى زى ما انت قولت ومش هو بس الميكانيكى التانى برضه ضبط السلانسيه والمكنة سخنة بس المشكلة اللى هى لازم تبقا سخنة علشان المشوار من بيتك حتى الميكانيكى , انا طولت عليكوا بس بجد فعلا استفدت من موضوعك وهطمع اكتر فى ايجاد شرح لاسئلتى التى ذكرتها ومتخافش شرحك فى بير ههههههههه محدش هيشوفه

السلام عليكم ورحمة الله وبركاته السادة اعضاء الرابطة الأعزاء انا منبهر كثيرا بهذا التعاون والإحترام من قبل كل عضو بهذه المجموعه الرائعة والجهد المبذول من طرفكم ويشرفنى ان اكون صديق جديد لكم علما بأننى امتلك سيارة ريجاتا ومن المؤكد اننى سأستفيد من الخبرات المكتسبة نتيجة التجارب ومواجهة الأعطال وايض يشرفنى ان اشارك بما املكة من معلومات عن هذه السيارة الرائعه وبرغم ان عملى بعيد تماما عن مجال السيارات الا اننى من مدمنى عمل كل شىء بالسيارة بنفسى سواء ميكانيكا او كهرباء او حتى فيما يتعلق بالفرش والتابلوه المشهور الذى ابهر مالكيها بسوء سلوكه واتمنى ان تقبلونى ضيفا عليكم كما ارجو ان تكون اول مشاركاتى هى الرد عن استفسار فى نطاق تجاربى القليه وليس استفسار من طرفى .. وتقبلوا تحياتى جميعا

اقتباس:

---

المشاركة الأصلية كتبت بواسطة hokajaja

السلام عليكم ورحمة الله وبركاته السادة اعضاء الرابطة الأعزاء انا منبهر كثيرا بهذا التعاون والإحترام من قبل كل عضو بهذه المجموعه الرائعة والجهد المبذول من طرفكم ويشرفنى ان اكون صديق جديد لكم علما بأننى امتلك سيارة ريجاتا ومن المؤكد اننى سأستفيد من الخبرات المكتسبة نتيجة التجارب ومواجهة الأعطال وايض يشرفنى ان اشارك بما املكة من معلومات عن هذه السيارة الرائعه وبرغم ان عملى بعيد تماما عن مجال السيارات الا اننى من مدمنى عمل كل شىء بالسيارة بنفسى سواء ميكانيكا او كهرباء او حتى فيما يتعلق بالفرش والتابلوه المشهور الذى ابهر مالكيها بسوء سلوكه واتمنى ان تقبلونى ضيفا عليكم كما ارجو ان تكون اول مشاركاتى هى الرد عن استفسار فى نطاق تجاربى القليه وليس استفسار من طرفى .. وتقبلوا تحياتى جميعا

---

اهلا بك عضو فى رابطتنا ونتمنى ان تفيد وتستفيد معنا
معك اخيك عمرو من الجيزة

اقتباس:

---

المشاركة الأصلية كتبت بواسطة amro1965

اهلا بك عضو فى رابطتنا ونتمنى ان تفيد وتستفيد معنا
معك اخيك عمرو من الجيزة

---

ربنا يخليك يا استاذ عمرو وشكرا على الترحيب وقبل ما اشترك فى الرابطة قريت كل المشاركات من الأول للأخر وأعلم انك عضو مميز تسعى دائما لمساعدة الأخرين وايضا اعلم انك تمتلك سيارة ريجاتا طلعت عينك حبتين فى الأول
وبالنسبة لتابلوه السيارة دى بالتحديد والتكييف اقدر اقول لحضرتك انى فكتهم بنفسى وعملت كل حاجه فيهم وربنا يقدرنى واقدر اساعد اي حد محتاج حاجه فيهم بالإضافة الى العفشة كمان برده حطيت مناخيرى مع كل صنايعى اشتغل فيها وعرفت تقريبا كل مشاكلها وطرق حلها
ويشرفنى انى اكون عضو بالرابطة

اقتباس:

---

المشاركة الأصلية كتبت بواسطة hokajaja

ربنا يخليك يا استاذ عمرو وشكرا على الترحيب وقبل ما اشترك فى الرابطة قريت كل المشاركات من الأول للأخر وأعلم انك عضو مميز تسعى دائما لمساعدة الأخرين وايضا اعلم انك تمتلك سيارة ريجاتا طلعت عينك حبتين فى الأول
وبالنسبة لتابلوه السيارة دى بالتحديد والتكييف اقدر اقول لحضرتك انى فكتهم بنفسى وعملت كل حاجه فيهم وربنا يقدرنى واقدر اساعد اي حد محتاج حاجه فيهم بالإضافة الى العفشة كمان برده حطيت مناخيرى مع كل صنايعى اشتغل فيها وعرفت تقريبا كل مشاكلها وطرق حلها
ويشرفنى انى اكون عضو بالرابطة

---

طالما جبت سيرة التكييف عندى بعض الاسئلة
اولا
التكيف عندى بيسرب شحن من الخرطوم اللى واصل للكباس صامولة الكباس مفوته وهى السبب ويجب فك الكباس وتنشال الصامولة وتتخرط لها اخرى موال
ثانيا
فنى التكييف قال لى لا تتعب حالك مع تكييف الريجاتا لانه ضعيف الافضل تجيب تكييف يابانى هيكون افضل لك ومش عارف هل هيتغير كل وحدات التكيف القديمة ولا ممكن احتفظ بجزء واجيب الاخر
ثالثا
لما بشغل التكييف كمروحه بيكون الهواء ضعيف مش عارف السبب ومعنديش استعداد افك مسمار فى التابلوة علشان لا تقولى نفك التابلوه علشان نشوف سبب قله هواء مروحه التكييف
كفاية كده علشان عارف انى تقلت عليك
ملحوظه
فى اكثر منى اشخاص فى الرابطة اكثر منى تفاعل واكيد عارفهم من مشاركاتهم
المهندس حسين الشهير بنايس ايجبت
الاستاذ احمد الشهير بريجاتا
وفى اخ ثالثا اسمه زنجر
واخرين لا اتذكر اسمائهم
هم افضل منى بكثير