رابطه محبي ومالكي الريجاتا

**nicegypt** · 03-01-2011 10:01 PM

انا متواجد شبة دائم فى المنتدى لكن فى اقسام اخري واي موضوع لة علاقة بالريجاتا متواجد فية . انما الرابطة سبتها
لان فية مشاركات كتير وضعتها واتحذفت .. بالنسبة للفحص وتغيير الالوان .. حضرتك هتدفع 100 ج زيادة لورق تغيير لون فى الحفص ى حالة انك غيرت لون العربية للاثباتة ف الرخصة . علماَ ان مـعاد فحصى باردو شهر مايو :)
وهبدء اشتغل ف السيارة من شهر مارس او ابريل حد اقصى ... بس انا عندى قصة تانية خالص
الفرش عندى تعبان خالص .. بتاع الفبريكة متغيرش ولا اتعمل فية حاجة .. وعلية كسوة حمرا !! لون غريب وتعبانة
وعايزة تتغسل ... فرش الابواب بايظ خالص ومربوط بمسماير شك !!! وف كل حتة ..
العربية عندى محتاجة التالى : -
1 - سمكرة محترمة لوجود بارومة ف الشنطة ... " السيارة سليمة مفهاش اي خبطات الحمد لله ... بس مليانة خرابيش كأن صاحبها ماشى بـيلوش " !

2 - دوكو محترم لان العربية مترشتش من سنة 85 فبريكة .. وفيها اجزاء مرشوشة اسبراي ابيض
لونة فاتح .. رشها لان اللون اتقشر .. فطبعا شكلها مرقع بشكل فظيع !!! .. غطا الكبوت اللون مقشر و " مترقع " من الشمس .. فى نص الكبوت ومرشوش علية اسبراي ابيض فاتح .شكلها يسد النفس
3 - سروجى محترم : يعمل سقف وارضية وفرش وتنجيد ويحط لباد حراري وعوازل

انا متوقع تكلف لها ف حدود 4 الالاف ج .. او خمسة صح ؟ اية توقع حضرتك بالنسبة لحالتى ؟
لو امكن نبدء سوا ف العربيتين بحيث نستفيد من الخصم سواء ف المصنعيات او شراء الحاجات .. وخلافة .
الالوان الميتاليك رائعة وبتعطى طعم تانى خالص للسيارة بس مكلفة خلي بالك ولازم صنيعي محترف . وبيبان عليها
وعلى لمعتها تأثير الشمس والعوامل الجوية .

المشاركة الأصلية كتبت بواسطة amro1965

عودة حميدة استاذ nicegypt
بالاضافه لانى محتاج جنطين للسيارة ومش عارف ثمنهم استيراد بكام
بخصوص الكماليات اللى بتظهر وبتجعل السيارة شيك فى الريجاتا اتمنى من حضراتكم المشاركة باراءكم
سؤال بيخطر على بالى دائما هو فى فرق بين قطع الغيار فى بور سعيد عن مصر ولا لا
شكرا

بالنسبة للجنوط .. سعر الجنط العادى فى افضل حالاتة 50 ج الحديد .. ولازم تفحص الجنط وتتأكد انة مش معوج
او فية تعريجات او مصدي .. الخ
الجنوط عندى اسبور .. لو تقدر تركب جنوط اسبور وتعمل حسابها مع التكاليف الجديدة ف حدود 1000 ج كمتوسط
هتعمل شكل للعربية رائع . بالنسبة للكماليات هعدى على احد اصدقائى لدية محل بكل الكماليات .. هكتب كل الكماليات
الخاصة بالريجاتا واضيفها على الكماليات اللى شفتها فى سيارات اخري .. بالاضافة للحاجات اللى ركبتها ف سيارتى
وهيكون لها بأذن الله موضوع شامل ... بالنسبة لسعر قطع غيار بور سعيد فلا اعلم ف الحقيقة ولم اجرب .
لكن عموما الفرق حسب متطلبات حضرتك .. يعنى موتور مثلا .. عفشة ... ابواب وصاج .. الخ على حسب المطلوب
واعتقد ان الفرق بسيط ومش مستاهل بور سعيد . والله اعلى واعلم .. فية موضوع شامل عملتة بتوفيق من الله عن كهرباء الريجاتا وتقوية الاضواء وخلافة .. لو حضرتك تلقي نظرة علية هيفيدك بمشيئة الله .. وفية موضوعات عن الريجاتا باردو وضعت روابطها ف الرابطة اثناء وجود المشكلة الخاصة بالمنتدى .. وحذف بعضها للاسف والبعض مازال موجود

**amro1965** · 04-01-2011 02:18 PM

شكرا لتقييمك الشامل
بما اننا داخلين على فحص فى وقت واحد بالنسبه لحاله سيارتى افضل من سيارتك طبقا لشرح سيارتك
بالنسبه للفرش الداخلى انا مركب سجاجيد ابيض فى خطوط سوده جميله جدا ومش مكلفه على الاطلاق تكلفه 50 جنيه
يالاضافه لقطتعتين فرو واحده على التابلوة وواحده فى الخلف مع السجاجيد بيعطوا شكل افضل
لو عاوز اصور لك فرش السجاجيد مع الفرو اصور هملك
بالنسبه لتغير اللون شكله هيكلفنى وقت وورق وخلافه مع المرور ممكن ادهن البابان اللى جبتهم للانهم مش محتاجين سمكرة وارمم اى خرابيش وامشى الحال اكيد تكلفتهم هتكون اقل
وانا فى انتظار ردك

**nicegypt** · 04-01-2011 08:39 PM

المشاركة الأصلية كتبت بواسطة amro1965

شكرا لتقييمك الشامل
بما اننا داخلين على فحص فى وقت واحد بالنسبه لحاله سيارتى افضل من سيارتك طبقا لشرح سيارتك
بالنسبه للفرش الداخلى انا مركب سجاجيد ابيض فى خطوط سوده جميله جدا ومش مكلفه على الاطلاق تكلفه 50 جنيه
يالاضافه لقطتعتين فرو واحده على التابلوة وواحده فى الخلف مع السجاجيد بيعطوا شكل افضل
لو عاوز اصور لك فرش السجاجيد مع الفرو اصور هملك
بالنسبه لتغير اللون شكله هيكلفنى وقت وورق وخلافه مع المرور ممكن ادهن البابان اللى جبتهم للانهم مش محتاجين سمكرة وارمم اى خرابيش وامشى الحال اكيد تكلفتهم هتكون اقل
وانا فى انتظار ردك

ياريت يا استاذ عمرو لو عند حضرتك وقت تصورهم وترفعهم نلقى نظرة واعملهم واتغاضى عن السروجى لتقليل التكاليف .
انا عندى ف الارضية مشمع اصفر منقط بأسود بيقولو انة بتاع الفبريكة والله اعلم هى بتنزل بية ولا كلام
المشمع باردو بيسخن بتحس بسخونة وحرارة فى الصيف .. بالنسبة لتغيير الللون .. الموضوع سهل وحصل فى سيارة صديق
امامى .. بترش العربية باللون المطلوب ومش بتمشى بيها ف الشارع نهائى بعد رشها علشان لو لجنة وقفتك ولقت اختلاف
هتبقى مشكلة .. وبالتالى الرش بيكون قبل الفحص مباشرة بأيام ... كل ما ف الامر 100 ج وطابور او اتنين زيادة للاثبات اللون
ومهندس الفحص ياخد لة قرشين غصب علشان اللون .. لو حضرتك مادياَ جاهز للامر مفيش مشكلة .. فى كل الحالات هتقف
فى طوابير وقصص .. مجتش على طابورين زيادة .. انما لو حضرتك غير جاهز مادياَ .. فالاسهل والارخص والاقل ف الوقـت هو رش جنب .. مش هيكون البابين .. يعنى لو حضرتك رحت قلت لة عايز ارش البابين هيقولك هرش الجمب كلة ودة الصح .. لو قالك ماشى هرش البابين اعرف انة مش صنايعي وكفتجى .. الجمب بالكامل يترش ويقرب لونة من لون السيارة ... والسيارة كلها تتلمع علشان تقرب اللون . متنساش تصور سيارة حضرتك من الداخل ولو امكن من الخارج
ناخد فكرة ونطبق عملي ونستفيد .. اشكر حضرتك جدا وفى انتظار الصور

**amro1965** · 05-01-2011 10:12 AM

ان شاء الله سوف اصور لك صالون السيارة بفرش السجاجيد واتمنى يعجبك

**nickname** · 05-01-2011 08:52 PM

يا ترى ايه الفرق بين نوفا ريجاتا والريجاتا العادية ؟

وبالنسبة للتكييف هل هو جيد ام لا ؟
واذا كان غير جيد هل هناك حل له مثل معالجة عزل السيارة او تركيب تكييف يابانى اقوى او ... ؟

**amro1965** · 05-01-2011 09:44 PM

المشاركة الأصلية كتبت بواسطة nickname

يا ترى ايه الفرق بين نوفا ريجاتا والريجاتا العادية ؟

وبالنسبة للتكييف هل هو جيد ام لا ؟
واذا كان غير جيد هل هناك حل له مثل معالجة عزل السيارة او تركيب تكييف يابانى اقوى او ... ؟

الفرق بين الريجاتا والريجاتا نوفا حسب خبرتى القليلة هى
الاثنين واحد
المقابض مختلفه
الريجاتا نوفا هاف بور
الريجاتا نوفا يوجد بها شاشه للاعطال
الريجاتا نوفا نازلة انزار وسنتر زجاج امامى فقط
الريجاتا العادية صنعها يبدا من 83 حتى 86
الريجاتا نوفا يبدا صنعها من 87 حتى سنه 90
اما بخصوص التكييف فهو ضعيف بالنسبه للتكيفات الاخرى
هذا والله اعلم

**amro1965** · 08-01-2011 05:42 PM

انا اسف اخى العزيز nice egypt لانى مش خبير رفع صور لكنى اعذرنى لانى مقدرتش اجيب لك الفرش كامل
على مقدرت احدد زاوية لكن الصور مش عجبانى
مركز تحميل
مركز تحميل
مركز تحميل
لكنى اصدقك القول فرش السجاجيد عامل شغل كويس عندى وعند اصدقائى بالعمل فى 128 وعند ابن اختى فى الهيونداى
جمال جدا

**nicegypt** · 09-01-2011 07:11 PM

المشاركة الأصلية كتبت بواسطة amro1965

انا اسف اخى العزيز nice egypt لانى مش خبير رفع صور لكنى اعذرنى لانى مقدرتش اجيب لك الفرش كامل
على مقدرت احدد زاوية لكن الصور مش عجبانى

مركز تحميل

مركز تحميل
لكنى اصدقك القول فرش السجاجيد عامل شغل كويس عندى وعند اصدقائى بالعمل فى 128 وعند ابن اختى فى الهيونداى
جمال جدا

اشكرك استاذ عمرو شكراَ جاماَ على الصور الفوق رائعة .. كنت اتمنى ان تكون الصور اوضح من ذلك ولكنها
موضحة المطلوب .. وجزاك الله كل خير وربنا يبارك لك فيها يارب .

**ALSHaRKAWY** · 11-01-2011 04:05 AM

ايه رأى الاخوة الاعزاء لما اشترى كاوتش تيوبلس مستعمل (هانكوك) ولقيت فيه مكان 5 خوابير ومعروض ب 100 جنيه وقابل للفصال

**amro1965** · 11-01-2011 10:17 AM

المهم الحالة لو متوسطة خذهم مش هيخصروا

الموضوع: رابطه محبي ومالكي الريجاتا

LinkBack

أدوات الموضوع

عرض

-

-

-

-

-

-

-

-

-

المواضيع المتشابهه

مقابلة محبي ومالكي الداستر

رابطه محبي سكودا اوكتافيا a5 على الفيس بوك

نادي محبي ومالكي 127.........

إلى الأستاذ سبعاوي وكل مستخدمي الريجاتا -"ترويش الريجاتا"

الكلمات الدلالية لهذا الموضوع

المفضلات

المفضلات

ضوابط المشاركة