الموضوع: رابطه محبي ومالكي الريجاتا

شكرا اخى اس اس لمداخلتك

المشاركة الأصلية كتبت بواسطة amro1965

الاخوة اصدقاء رابطه الريجاتا وخصوصا نيس ايجبت لما له من خبرة عالية
انا سافرت بسيارتى بعد ماشيكت عليها تمام عفشه وظبط زوايا
طبعا مشوار كان الى سوهاج عملت حادثة لكن الحمد لله ربك ستر ولا توجد خسائر فى الارواح لا لى ولا ركاب السيارة البيجو 7 راكب كان ماشى فى الطريق طاير
المهم خسائرى كالتالى واتمنى ان تفيدونى لما لكم من خبرات سابقة
الجنط امامى يمين ده اطبق نتيجه تداخل الجنوط ببعضها
الرفرف امامى يمين محتاج يتغير
الباب الايمن اللى فيه مفتاح السيارة الاكرة طارت وباظت مع بعض الكدمات المختلفه لكن لم يوثر لا على سنتر ولا على الزجاج نتيجه التصادم
نحمد الله اننا كملنا بها بعد ان وضعت الاستبن وفضلت ماشى على الهادى اينعم الفتيس كان بيترجرج جامد على السرعه المنخفضه ويقل عن عندما ازود والسيارة كانت بتحدف يمين بعض الخبطة
عالجت بعض الاشياء لما روحت سوهاج وكان كالاتى
- رجه الفتيس كانت سببها ان الاستبن جنطه كان فيه عوجه فكناه ووضعنها بالخلف وجبنا عجله خلفيه ووضعنهاه فى الامام ومشى الحال
- الحدفه اليمين تم حلها بان كانت فيه صاموله عايزة تقريط فى الاسكاترة وتم ربطها ومشى الحال
- طبعا رحت لسمكرى ورد على قد مايقدر وانا فى سوهاج هناك وجبت اسبراى ابيض ورشتها علشان الطريق لانى انا لا عملت محضر ومن اللخمه وماخدتش رقم السيارة كل منا تحمل خسائرة وراج لحال سبيله لان الخسائر من وجه نظرى 40 % عندى و 60 % عند صاحب البيجو
والحمد لله رجعت بيها القاهرة امبارح والان انا بفكر فى القطع الاتية واثمانها وانواعها جديد واستيراد
- عايز جنطين يكونوا مقاس الجنوط الاخرى على فكرة الجنوط اللى فيها اصلية بتوع الريجاتا نوفا
- عايز اكرة باب اللى فيها المفتاح وهلممكن اجد الباب كله وثمنه فة حدود كام
- رفرف يمين
- اسكاترة بعض الاخوه اخبرنى انه جابها ب 250 جنيه استيراد
- محتاج دهان باب ورفرف
يوجد عيب مش عارف سببه ظهر وانا راجع الا وهو ان السيارة لما اكون ماشى على 20 الى 50 كيلو الاقيها بترقص رقص خفيف مش رجرجه 0
سؤالى عن الاماكن هل الافضل اروح بور سعيد ولا عزبه شلبى وايهما افضل فى تواجد الاشياء وعدم مغاله الاسعار
منتظر ردودكم
من لديه تجربه فى اى بند من البنود السابقة يخبرنى لانى هركنها لمده اسبوع حتى اجمع كل الافكار اللى عندى وعندكم واختار الافضل
شكرا

ونا قاعد بقول الاستاذ عمرو مستخبي ليه اليومين دول ؟
عموما حمدا لله على سلامتك
بالنسبة للحاجات اللي انت بتسأل عليها هقولك اللي انا اعرفه :
علبة الدركسيون او الاسكاترة دي انا كنت شاريها من كام شهر كدا كانت ب 250 جنيه استيراد
اكرة الباب اليمين سألت عليها استيراد كانت ب 120 جنيه وما فاصلتش فيها لاني ما كنتش جاد في الشراء وبيتهيألي لازم هتلاقي جديد منها
اما عن افضل الاماكن اعتقد ان وكالة البلح افضل من النصابين بتوع العزبة
ولما تدخل الوكالة ما تكلمش مع حد ما عندوش محل .
انت تمشي في الوكالة بنفسك تلف على المحلات بتاعة الفيات هتعرفها من الحاجات اللي معروضة عندهم
اللي يقولك ايوا يا باشا عايز ايه ؟ تعرف انه نصاب !
وتخش على المحل تسأل على كل حاجة سواء انت عايزها او مش عايزها
والحاجة اللي انت عايزها ضروري تسأل عليها بقرف كدا وكأنك اصلا مش عايزها !
هما كدا والله لو حسو انك عايز حاجة ودايخ عليها بيغلو بطريقة خرافية ولو لقاك مستغني عنها بيرخص .
وبعد ما تجيب اخر الاسعار والفصال تسيبو وتروح لغيره وتعرف اخر الاسعار وفي النهاية تروح لاحسن واحد تاخد اللي انت عايزة بس .

الجنط الحديد طنت شاريه ب 50 جنيه من النصابين بتوع العزبة
ممكن تجيبه ارخص من كدا
وعلى فكرة شكل الفتحات اللي في الجنط بتاع النوفا مختلف عن الجنط بتاع العادة
والجنط بتاع النوفا ده غالبا مش هتلاقي عند بتوع الاستيراد لانه مصري اصلا
لكن بتاع العادة شكله مختلف بس يركب عادي وهو ده المهم
وممكن تسأل على الجنط ده عند بتوع الكاوتش
والرجة الي في العربية على الهادي اعتقد ان سببها حاجة من اتنين يا اما ان الكاوتش بتاع الاستبن بايض او ان الجنط معووج
ولكن ده ما يمنعش انك تروح لعفشجي بس بعد ما تخلص سمكرة ودوكو ان شاء الله
وبص على العربية من تحت لو لقيت اي بارومة ولا حاجة خلي السمكري يعملهالك بالمرة
بالنسبة للاسكاترا بتاعة الريتمو بتركب عادي للريجاتا علشان لو لقيت بتاعة الريجاتا غالية او ما لقيتهاش .

شكرا اخى محمود علام
على فكرة انا مش مستخبى ولا حاجه
الحكاية وما فيها موضوعين شغلونى توقف المنتدى وموضوع سفر الى سوهاج فجاه هما اللى بعدونى عن المنتدى
شكرا لتوضيحك لبعض الامور
سؤالى هل لو رحت بور سعيد افضل من عزبه شلبى والوكاله من حيث الاسعار
وازاى اعرف علبه الدريكسيون سليمة ام لا
وايضا ازاى اعرف الجنط سليم ولا لا وهيكون متوافق مع الجنوط الاخرى ولا لا
كل ده امور محتاج خبرة وانا خبرتى قليلة
منتظر ردك وردود الاخوة الكرام

الاسكاترة الصنايعية بيعرفها من قبل ما تركب بس ما اعرفش ازاي ؟
اما بور سعيد انا ما رحتهاش قبل كدا وما اعرفش الاسعار هناك !
والجنط سهل انه يتعرف هو سليم ولا لأ ؟
لو لقيت ما فيهوش اي تعرجات يبقى سليم لو فيه تعرجات على حرفه يبقى ممكن ما ينفعش تيوبلس