الموضوع: رابطه محبي ومالكي الريجاتا

المشاركة الأصلية كتبت بواسطة amro1965

شكرا لتقييمك الشامل
بما اننا داخلين على فحص فى وقت واحد بالنسبه لحاله سيارتى افضل من سيارتك طبقا لشرح سيارتك
بالنسبه للفرش الداخلى انا مركب سجاجيد ابيض فى خطوط سوده جميله جدا ومش مكلفه على الاطلاق تكلفه 50 جنيه
يالاضافه لقطتعتين فرو واحده على التابلوة وواحده فى الخلف مع السجاجيد بيعطوا شكل افضل
لو عاوز اصور لك فرش السجاجيد مع الفرو اصور هملك
بالنسبه لتغير اللون شكله هيكلفنى وقت وورق وخلافه مع المرور ممكن ادهن البابان اللى جبتهم للانهم مش محتاجين سمكرة وارمم اى خرابيش وامشى الحال اكيد تكلفتهم هتكون اقل
وانا فى انتظار ردك

ياريت يا استاذ عمرو لو عند حضرتك وقت تصورهم وترفعهم نلقى نظرة واعملهم واتغاضى عن السروجى لتقليل التكاليف .
انا عندى ف الارضية مشمع اصفر منقط بأسود بيقولو انة بتاع الفبريكة والله اعلم هى بتنزل بية ولا كلام
المشمع باردو بيسخن بتحس بسخونة وحرارة فى الصيف .. بالنسبة لتغيير الللون .. الموضوع سهل وحصل فى سيارة صديق
امامى .. بترش العربية باللون المطلوب ومش بتمشى بيها ف الشارع نهائى بعد رشها علشان لو لجنة وقفتك ولقت اختلاف
هتبقى مشكلة .. وبالتالى الرش بيكون قبل الفحص مباشرة بأيام ... كل ما ف الامر 100 ج وطابور او اتنين زيادة للاثبات اللون
ومهندس الفحص ياخد لة قرشين غصب علشان اللون .. لو حضرتك مادياَ جاهز للامر مفيش مشكلة .. فى كل الحالات هتقف
فى طوابير وقصص .. مجتش على طابورين زيادة .. انما لو حضرتك غير جاهز مادياَ .. فالاسهل والارخص والاقل ف الوقـت هو رش جنب .. مش هيكون البابين .. يعنى لو حضرتك رحت قلت لة عايز ارش البابين هيقولك هرش الجمب كلة ودة الصح .. لو قالك ماشى هرش البابين اعرف انة مش صنايعي وكفتجى .. الجمب بالكامل يترش ويقرب لونة من لون السيارة ... والسيارة كلها تتلمع علشان تقرب اللون . متنساش تصور سيارة حضرتك من الداخل ولو امكن من الخارج
ناخد فكرة ونطبق عملي ونستفيد .. اشكر حضرتك جدا وفى انتظار الصور

ان شاء الله سوف اصور لك صالون السيارة بفرش السجاجيد واتمنى يعجبك

المشاركة الأصلية كتبت بواسطة nickname

يا ترى ايه الفرق بين نوفا ريجاتا والريجاتا العادية ؟

وبالنسبة للتكييف هل هو جيد ام لا ؟
واذا كان غير جيد هل هناك حل له مثل معالجة عزل السيارة او تركيب تكييف يابانى اقوى او ... ؟

الفرق بين الريجاتا والريجاتا نوفا حسب خبرتى القليلة هى
الاثنين واحد
المقابض مختلفه
الريجاتا نوفا هاف بور
الريجاتا نوفا يوجد بها شاشه للاعطال
الريجاتا نوفا نازلة انزار وسنتر زجاج امامى فقط
الريجاتا العادية صنعها يبدا من 83 حتى 86
الريجاتا نوفا يبدا صنعها من 87 حتى سنه 90
اما بخصوص التكييف فهو ضعيف بالنسبه للتكيفات الاخرى
هذا والله اعلم

انا اسف اخى العزيز nice egypt لانى مش خبير رفع صور لكنى اعذرنى لانى مقدرتش اجيب لك الفرش كامل
على مقدرت احدد زاوية لكن الصور مش عجبانى
مركز تحميل
مركز تحميل
مركز تحميل
لكنى اصدقك القول فرش السجاجيد عامل شغل كويس عندى وعند اصدقائى بالعمل فى 128 وعند ابن اختى فى الهيونداى
جمال جدا

المشاركة الأصلية كتبت بواسطة amro1965

انا اسف اخى العزيز nice egypt لانى مش خبير رفع صور لكنى اعذرنى لانى مقدرتش اجيب لك الفرش كامل
على مقدرت احدد زاوية لكن الصور مش عجبانى
مركز تحميل
مركز تحميل
مركز تحميل
لكنى اصدقك القول فرش السجاجيد عامل شغل كويس عندى وعند اصدقائى بالعمل فى 128 وعند ابن اختى فى الهيونداى
جمال جدا

اشكرك استاذ عمرو شكراَ جاماَ على الصور الفوق رائعة .. كنت اتمنى ان تكون الصور اوضح من ذلك ولكنها
موضحة المطلوب .. وجزاك الله كل خير وربنا يبارك لك فيها يارب .

ايه رأى الاخوة الاعزاء لما اشترى كاوتش تيوبلس مستعمل (هانكوك) ولقيت فيه مكان 5 خوابير ومعروض ب 100 جنيه وقابل للفصال

المشاركة الأصلية كتبت بواسطة alsharkawy

ايه رأى الاخوة الاعزاء لما اشترى كاوتش تيوبلس مستعمل (هانكوك) ولقيت فيه مكان 5 خوابير ومعروض ب 100 جنيه وقابل للفصال

100 كتييييييييير حضرتك وفيهم 5 خوابير كمان .. يعنى ضعيفة جدا .. من رأيي الشخصي بلاش
تضيف فوقيهم 100 كمان وتجيب فردة جديدة زيرو .. صح ؟ او ضيف 50 ج بس وهات نسر والاسم جديدة
الا لو ظروفك متسمحش يبقى اشتريها على 70 كبيرها حلو قوي
مقاس الفردة عند حضرتك كام ؟؟؟ فية عندى فردة نـضيفة جداَ وفيها خابور واحد فقط على ما اتذكر
وحالة الفردة ممتازة حضرتك خدها بدون اي شيئ .. وحالتها احلى من اللى هتجبها دي وربنا يبارك لك فيها
قولى المقاس وهروح اشوف مقاس اللى عندى لانى مش فاكر .. وانت أولي بيها

المشاركة الأصلية كتبت بواسطة nicegypt

100 كتييييييييير حضرتك وفيهم 5 خوابير كمان .. يعنى ضعيفة جدا .. من رأيي الشخصي بلاش
تضيف فوقيهم 100 كمان وتجيب فردة جديدة زيرو .. صح ؟ او ضيف 50 ج بس وهات نسر والاسم جديدة
الا لو ظروفك متسمحش يبقى اشتريها على 70 كبيرها حلو قوي
مقاس الفردة عند حضرتك كام ؟؟؟ فية عندى فردة نـضيفة جداَ وفيها خابور واحد فقط على ما اتذكر
وحالة الفردة ممتازة حضرتك خدها بدون اي شيئ .. وحالتها احلى من اللى هتجبها دي وربنا يبارك لك فيها
قولى المقاس وهروح اشوف مقاس اللى عندى لانى مش فاكر .. وانت أولي بيها

انت راجل محترم
اتصلت بيك على فكرة بعد اخر مرة حضرتك كلمتني فيها
بس انت ما ردتش
انا اليومين دول عندي امتحانات دبلومة + امتحانات الطلبة وبكون مشغول شوية بين مذاكرتي وامتحاناتي ودروس الطلبة
بس برضو ابقى كلمني .
كفاية اني اتعرف على راجل محترم زيك {معرفة الرجال كنوز}