رابطه محبي ومالكي الريجاتا

**nicegypt** · 14-06-2013 03:31 AM

المشاركة الأصلية كتبت بواسطة omarcom

السلام عليكم
العربية عندي في المشي العادي (ماشي وسط زحمة او ماشي على سرعة ٨٠ إلى ٩٠) الحرارة ما بتزدشي عن ٨٠ والترموستات عندي ٨٠-٦٠
المشكلة لما ببقى ماشي على طريق سريع ومسافر وبكون ماشي على ١٢٠ او ازيد الحرارة بتزيد عندي وبتعلى عن ٩٠ ولما بلاقيها عليت بهدي وبحاول امشي على ١٠٠ او اقل وبلاقي الحرارة وطيت عن ٩٠ ان عندي الرادياتير تعبان بس ماشي .. والراداتير عليه ٢ مروحة يا ترى العيب في الراداتير فعلا ولا ممكن يكون حاجه تانية ..
ارجو افادتكم ،، وشكراً

المشكلة عندك ف سرعة المروحة والريداتير .. يجب تسليك الريداتير والتأكد انة سليم
وبالنسبة للمروحة يجب التأكد من سرعة المروحة .. لان ممكن تكون محتاجة شربون
ولو تقدر تغير المروحة بمروحة الاوبل يكون افضل بس تجيبها بالقميص بتاعها وانسي الحرارة

**nicegypt** · 14-06-2013 03:33 AM

المشاركة الأصلية كتبت بواسطة وليد الشامى

ربنا يخليك يا باشا
أنا روحت السبت اللى فات لبتاع تكييف جارنا فى فيصل المهم طلع ان السربنتينا سليمة المشكلة فى الخراطيم وطقم جلد للكباس قالى متر الخراطيم 120 باللحامات 150جنيه وطقم جلد الكباس 200 المهم ان الموضوع كله هيتكلف حوالى 800جنيه بالإضافة إلى مروحة للتكييف ديه معرفش سعرها كام فما الرأى اثابكم الله ولكم جزيل الشكر

مروحة التابلوة ف حدود 150 - 200 ج بس دي اسعار قديمة فأسعار الحالية معرفهاش
انزل خد لفة ف عزبة شلبي ولو غلبت وملقتهاش فية مروحة عندي بس يارب الاقيها اساسا ف البيت :d
بس انزل عزبة شلبي الاول وشوف الاخبار

**nicegypt** · 14-06-2013 03:45 AM

المشاركة الأصلية كتبت بواسطة alshaar_2006

يا باشا ربنا يخليك انا زعلان لاني بايع اونو فابريكة علشان الريجاتا واتصدمت في الباروما
طب عندي سؤال تاني
العربية لو وقفت في مطلع وضغط علي الماتور بشم ريحة شياط مع العلم سحب العربية ممتاز
واية حل البوش اللي في الدريكسيون

موضوع البارومة هتلاقي مشاركة ليا ف احد الصفحات " مش فاكر بصراحة من كتر الصفحات " بس اختصارها
انك ترش بلاك فبريكة زي الفرعون " فية انواع كتير والاسعار بتبدء من 60 ج وانت طالع " وانضف حاجة الامريكي بـ 120 ج وتضيف علية لاكية اسود عشان يمسك وتنضف الاماكن اللى هتترش كويس جدا وبعد كدة ترش وانسي البرومة خمس سنين قدام بشرط انك متغسلش العربية كتير

بالنسبة لموضوع الشياط :
صوت موتور عالى + عدم سحب مع ريحة شياط = ديسك واسطوانة بدون اي تفكير
سحب العربية كويس بس فية ريحة شياط = يبقى ماستر من الماستر قافش او فرامل اليد مرفوعة وانت ناسيها .. او سوستة سلك فرامل اليد مرجعتش لوضعها بعد ما شلت

الفيصل ف الموضوع :
مور العربية ف منزل وشوف هتنزل لوحدها ولا لاء .. لو منزلتش او نزلت ببطئ شديد او خرجت عن مسارها " حدفت " هيبقى فية عجلة قفشة

حل بوش الدركسيون : تغيير علبة الدركسيون بالكامل بـ 300 ج تركي + تغيير جوز المقصات الامامي
" يرعي ذلك " لان بوش علبة الدركسيون بيأثر بالسلب على المقصات وطالما هتفك يبقى مرة واحدة
واطمن على كاوتشة الميزان لانها مهمة جدا جدا وانسي تماما بوش الدركسيون

**nicegypt** · 14-06-2013 03:51 AM

المشاركة الأصلية كتبت بواسطة elbasosy

ياجماعه ممكن حد يفيدنى : العربيه سحبها كويس جدا بس المشكله إنى لما بديها غيار .. أى غيار ( بتنحر ) فى أول اليار وكأنى إديتها غيار غلط حتى لو من التالت للرابع على السريع !! لو حد يقدر يفيدنى المشكله فين ؟ لأنى خايف يكون ده له أثر على الموتور على المدى البعيد ..؟

رجلش مسمار العصاية هتلاقية ف فرن الموتور او غير المسمار كلة هيظبط معاك الدنيا
ولو الفتيس فضل ينحر منك يبقى للاسف هتغير غوايش للغيارات اللى بتنحر ويفضل تغيير فتيس كلة
بدل ما تدخل دايرة البرميل والبلية والغوايش وهلم جرا

**nicegypt** · 14-06-2013 04:27 AM

خطأ املائى بالمشاركة السابقة :d
مسمار رجلاش عصاية الفتيس امام صدر العربية ف ضهر فرن الموتور تحت ماسورة الشكمان

**سيف عماره** · 14-06-2013 07:47 PM

السلام عليكم ورحمة الله انا سعيد جدا عشان دى اول مشاركه ليا فى الجروب انا عملت شوية حاجات فى العلابيه وهى موديل 87 وهئقول هالكم بى الاسعار حالاّ
1-طقم بوجيهات 3شمعه بوش(45)
2-سير كاتينه ريجاتا (65)
3-فلتر هواء(15)
4-اسبراى منظف كارباراتير(15)
5-سر دينمو (15)
6- فلتر بنزين(6)
7_متر خرطوم مقاس 13 (12)
ودى من الفاتوره بالظبط ومصنعية ميكانيكى لتغير هذه الاشياء (100جنيه)
بعد كده خت العربيه وروحت بيها مركز ضبط زوايا واتزان وكانت اسعارهم كالتالى
1-ضبط الزوايا الاماميه للسياره 20
2-ضبط الزوايا الخلفيه للسياره 20
3-ضبط اتزان الاربع فرد 40
5-اصلاح كاوتش 5 بى اجمالى 75 جنيه
وارجو اى اكون قدرت اوصل الاسعار الجديده بالظبط وانا سعيد جداّ بوجودى بين افراد جروب فعلاّ بيحبو بعض واسف للاطاله

**elbasosy** · 14-06-2013 10:46 PM

متشكرين ليك ياأستاذ سيف .. مشاركه ممتازه .. وأحنا جميعنا فى الجروب متفقين إن اللى يعمل أى شغل فى عربيته يقولنا علشان كله يستفيد ويبقى هناك تراكم للخبرات لدى الجميع .. ومن هذا المُنطلق أحب أقولكم إنى غيرت طقم دبرياج كامل بسبب موضوع نحر الموتور .. ديسك وإسطوانه .. نوعهم تركى أسمه ( مابا ) Mapa وده أحسن نوع حاليا من وجهة نظر الميكانيكى بتاعى سعره 325 جنيه ... ومصنعية الميكانيكى 120 ......

**سيف عماره** · 15-06-2013 02:19 AM

المشاركة الأصلية كتبت بواسطة elbasosy

متشكرين ليك ياأستاذ سيف .. مشاركه ممتازه .. وأحنا جميعنا فى الجروب متفقين إن اللى يعمل أى شغل فى عربيته يقولنا علشان كله يستفيد ويبقى هناك تراكم للخبرات لدى الجميع .. ومن هذا المُنطلق أحب أقولكم إنى غيرت طقم دبرياج كامل بسبب موضوع نحر الموتور .. ديسك وإسطوانه .. نوعهم تركى أسمه ( مابا ) Mapa وده أحسن نوع حاليا من وجهة نظر الميكانيكى بتاعى سعره 325 جنيه ... ومصنعية الميكانيكى 120 ......

الشكر لله استاذ/elbasosy انا اقسم لك بالله انى سعيد جداّ بوجودى معاكم انا بقالى فتره مستمع لكل اعضاء الجروب لكن اليوم اول مشاركه ليا واتمنا ان تكون مشاركه جيده لباقى الاعضاء واسمحو لى اعضاء الجروب الكرااااام

اهدى شكرى الخاص بكل معانى الشكر والاعتراف بالجميل للسيد / nicegypt من الواضح جداّ من مشاراكاته الجميله انه انسان على خلق عالى جداّ وبصراحه انا بستفيد جداّ من نصائحه الجيده وكلى فخر بصداقته الراقيه

**سيف عماره** · 15-06-2013 03:32 AM

يا جماعه ممكن حد يعرفنى ايه اسباب تنتيش العربيه فى اول كل غيار وحتى وهى على المور تحس ان فيها رجرجه قريبه للتنتيش ولعلم انى لسا مغير طقم بوجيهات وفلتر هوا وبنزين ممكن يكون ايه السبب لده هى كانت ماشيه عادى خالص وفجئه عملت كده وبعدين بقت تزيد وبتبطل احياناّلو ممكن حد يفدنى بشئ واسف للاطاله

**ALSHaRKAWY** · 15-06-2013 02:46 PM

المشاركة الأصلية كتبت بواسطة سيف عماره

يا جماعه ممكن حد يعرفنى ايه اسباب تنتيش العربيه فى اول كل غيار وحتى وهى على المور تحس ان فيها رجرجه قريبه للتنتيش ولعلم انى لسا مغير طقم بوجيهات وفلتر هوا وبنزين ممكن يكون ايه السبب لده هى كانت ماشيه عادى خالص وفجئه عملت كده وبعدين بقت تزيد وبتبطل احياناّلو ممكن حد يفدنى بشئ واسف للاطاله

شيك اولا على سلوك البوجيهات والحاجة التانية والاهم ممكن يكون البيكات الخاصة بالكرابراتير عاوزة تنظيف والحاجة التالتة شيك على الابلاتين لو عندك اساسا ابلاتين

الموضوع: رابطه محبي ومالكي الريجاتا

LinkBack

أدوات الموضوع

عرض

-

-

-

-

-

-

المواضيع المتشابهه

مقابلة محبي ومالكي الداستر

رابطه محبي سكودا اوكتافيا a5 على الفيس بوك

نادي محبي ومالكي 127.........

إلى الأستاذ سبعاوي وكل مستخدمي الريجاتا -"ترويش الريجاتا"

الكلمات الدلالية لهذا الموضوع

المفضلات

المفضلات

ضوابط المشاركة