الموضوع: رابطه محبي ومالكي الريجاتا

المشاركة الأصلية كتبت بواسطة سيف عماره

السالام عليكم ورحمة الله وبركاته .انا كنت النهارده عند الميكانيكى كنت بعالى السلانسيه شويه عشان كانت بتنتش وتبطل المهم قالى الشكمان بتاعك بيسرب لازم تروح لبتاع الشكمانات السؤال
الكلام ده يعنى ايه وايه المفروض يتعمل وياتارا التسريب ده من ايه وايه اضراره
حاجه تانيه قالى المارش بتاعك مش مربوط مكانه قلتله يعنى ايه قالى بص وراح ماسك المرش وبداء يحركه من مكانه قالى ده لازم الكهربائى بتاعك يربطه كويس احسن كده ممكن يقع طيب ممكن حد يفهمنى الكلام ده يعنى ايه وياتارا المشكلتين دول لو سبتهم شويه ممكن يضرو حاجه غيرهم وتنصحونى اعمل ايه
واسففففففف جداّ على الاطاله

بالنسبة للشكمان غالباً الميكانيكي قصدعه فرن الشكمان
وممكن تتأكد بأنك تدور العربية وتفتح الكابوت وتضع يدك خلف الماتور عند فرن الشكمان ولو كلام الميكانيكي صحيح ستجد هواء يخرج من هذا المكان

مكان فرن الشكمان: خلف الماتور (تحت المساحات) ستجد مجموعة مواسير (2 أو 4) تذهب من خلف الماتور إلى أسفل السيارة وتتصل بالشكمان. مكان التقاء هذه المواسير بالماتور هو فرن الشكمان

الحل: فرن الشكمان متصل بالماتور ومربوط بعدد 4 مسامير 13 بالإضافة لجوان. لو الجوان سليم قم بربط المسامير جيداً والعربية باردة.

تأثير تسريب فرن الشكمان: العربية سيكونصوتها عالي وترتفع حرارتها عن المعتاد ويزداد استهلاك البنزين.

المشاركة الأصلية كتبت بواسطة سيف عماره

الف مبروك اسلام باشا/بس هنتعبك شويه ياريت حضرتك تصورلنا الشغل اللى عملته بعد التركيب وتشرح لنا ازاى عملته والمزانيه اتكلفت كام لكى يعم المعرفه على الجميع ونحاول نعمل التابلوه ونغير من شكل اكتر شئ تاعب الكل فى شكل العربيه

حاضر يا باشا هرفع شكل التابلوه بعد ما خلص عشان الناس تشوف شكله ده غير ان اصلاحه مش صعب زي ما الناس متخيله وخصوصا ان الادوات المستخدمه والتكلفه بسيطه جدا جدا بالنسبه لمصنعية بتوع الفايبر ده غير انه مبيطلعش زي ما انت عاوز وبالنسبه لتفاصيل المصاريف هي عبارة عن انبوبتين لاصق أحادي واسمه التجاري سيلكون عضم موجود عن بتوع قطع الغيار سعر الانبوبه ٢٧ جنيه وتأكد عليه انه يكون اسود وتشتري المسدس الخاص بيه من عند بتوع الحدايد والبويات وسعره من ١٠ الي ٢٥ متستخسرش فيه علشان ميتعبكش في اللزق لان الانبوبه بتكون ناشفه شويه اما عن باقي الادوات كاويه ١٢٠ وات ومتكونش اكتر من كده عشان الاجهاد لان الفايبر ضعيف نتيجه عامل الزمن ومتجبهاش اقل من كده عشان تنجز بالنسبه ليا هي كانت عندي لو هتشتريها هتكون في حدود 30 جنيه من عند الكهربائي او محل قطع غيار اليكترونيات وحاجه اخيره ٢ متر سلك من بتوع الحدايد وسعر المتر ٦ جنيه بس يا سيدي يعني التكلفه هتكون في حدود ١٠٠ جنيه بالكتير وتفاصيل الاصلاح هشرحها في رد منفصل وصدقني النتيجه بفضل الله مبهره جدا اهم حاجه تكون قطع التابلوه كامله حتي لو كل حتة لوحدها وبعد كده هوريك الشغل واسف علي الاطاله