الموضوع: هذا نص رسالة وردنى من صديق لا أعرف مدى صحتها ولكنها أعتقد صادمة لأكثرنا

المشاركة الأصلية كتبت بواسطة sherif222

حاجة غريبة أوى ... إشمعنى الاسلام الدين الوحيد اللى عليه كلام كتيييير كده يعنى الواحد لا بيسمع كلام زى كده على المسيحية ولا اليهودية و لا فيه تزوير بالفوتوشوب ولا تصوير مش عارف ايه ولا كلام من ده .. ليه يا ترى هل ناس بتستهزأ من الدين ( زى ما بتقولوا من مواقع علمانية وملحدة ) ولا تكون ناس بتدعو للدين لتنشره بس مش عارفة الطريقة الصح ولا ايه الحكاية ؟؟؟؟؟!!!!!!

بتقول ليه الاسلام ؟؟

عشان عدد المسلمين كتير جدا فى العالم الناس دى بتبص لبكره اللى بعد كام سنه هيبقى اكتر من 90% من الناس مسلمين عشان كده بيحاولوا يفككونا من دلوقتى
وكمان عشان الاسلام بيعارضهم فى كل شيى
مافيش لبس قصير مافيش مخدرات و خمور مافيش ليالى مقرفه من بتاعتهم مافيش مافيش مافيش
دى اللى خانقهم ومخليهم يعملوا كده
وشويه العلمانيين اللى بيتريقوا دول الله واعلم بجنسهم ايه
وكمان ماتنساش ان المسلمين واليهود فى عداوه دائمه ليوم الدين مش انا اللى بقول كده ديننا علمنا ان عدونا هو الشيطان بالتالى اى شخص بيناصر الشيطان فهو عدونا حتى لو كان مسلم
وماحدش يتكلم على المسيحيين عشان مافيش اى عداوه بيننا وبينهم وزى ماعندنا متطرفين جهله برضه المسيحيين عندهم نفس الكلام
عندنا ناس تقولك انا اكره المسيحيين وما اصاحبش مسيحى
وفى برضه ناس مسيحيين تقول الكلام ده
لكن اللى احنا الاتنين متفقين عليه وعمرنا مانحبه ولا نتعاون معاه هو الشيطان
بصوا على كميه المغنيين اللى جايين من كل حته فى العالم عشان يضيعوا وقتنا وفلوسنا ويلهونا عن الدين
بصوا على كميه الافلام اللى بتنزل مش اقل من 15 فيلم فى السنه ولا المسلسلات وقنواتها
وكميه الالعاب الكتيره اللى برضه بتلهينا
احنا فعلا بقى موقفنا حرج جدا جدا وضعااااف قوى
عشان كده حبه الـ........* بيستهزقوا بينا
اشتغالات اشتغالات اشتغالات
انا عن نفسى ما اصدقش حاجه الا لما اشوفها بعينى
انا اشتغلت على الفوتوشوب وبرامج مونتاج كتييييير واحترفت بعضها ومتأكد مليون فى الميه ان اى حاجه ممكن تتفبرك
مره كنت بلعب وبجرب مهاراتى فى المونتاج وبشويه برامج ركبت صوره عاديه لشخص ما من على الجهاز على جسد واحد فى فيديو فرح كأنه كان موجود فعلا وشفايفه بتتحرك وعنيه بترمش
مافيش حاجه صعبه ابدا اللى اشتغل على البرامج دى هيعرف انا بقول ايه كويس

شكرا لصاحب الموضوع وشكرا لكل الاعضاء اللى هيتفهموا كلامى كويس وبصدر رحب

المشاركة الأصلية كتبت بواسطة pharaoh

مضمون الموضوع مهم جدا و حقيقى وهى الا نصدق كل ما ينشر

ولكن لى تعليق صغير
المواقع الليبراليه او العلمانية لا تسب الاسلام ولا تسب اى دين
لان مبادىء العلمانية هى حريه اختيار كل فرد لدينة واحترام ذلك و فصل الدين عن الدوله

..................
..................
رئيس الهند من 2002 الى 2007
مسلم

هذا نتاج العلمانية

يخرج رئيس للجمهورية من اقليه دينية فى الهند
الهند يا اخوانا

ديمقراطية الهند نتيجة علمنتها

..........................
.........................

مين قال ان المواقع العلمانية ما بتهاجمش الاسلام و تسخر منه .. إيش حال إنك شايف الكلام بتاعهم .. العلمانية هي اللا دين و ظهرت في اوروبا للتخلص من نير الحكم الديني هناك فكيف تقول إنها لا تحارب الدين؟ دخلت مرة أو مرتين على بعض هذه المواقع التي يشير إليها الأخوة في إطار تثبتي من بعض الايميلات و و جدت هذا و أكثر .. الإسلام أيضا فيه حرية أختيار كل فرد لدينه "لا إكراه في الدين..." الأيه و "لكم دينكم و لي دين" الأية لكن من شروط الإسلام أنك إذا قبلت الإسلام دينا فلن يمكنك تركه و كذلك كل الأديان السماوية.

لا أعرف ما الرابط بين الديموقراطية و العلمانية ؟؟ و هل ما حدث في الجزائر مثلا من الديموقراطية ؟؟ و هل خلع حجاب المسلمات بالقوة من الديموقراطية و مباديء العلمانية المستنيرة ؟؟ أندونيسيا دولة مسلمة و فيها إنتخابات نزيهة لدرجة كبيرة فالعيب بالتأكيد ليس في الإسلام لكن فيمن يتعامون عنه و عن مبادئه.

المشاركة الأصلية كتبت بواسطة sherif222

حاجة غريبة أوى ... إشمعنى الاسلام الدين الوحيد اللى عليه كلام كتيييير كده يعنى الواحد لا بيسمع كلام زى كده على المسيحية ولا اليهودية و لا فيه تزوير بالفوتوشوب ولا تصوير مش عارف ايه ولا كلام من ده .. ليه يا ترى هل ناس بتستهزأ من الدين ( زى ما بتقولوا من مواقع علمانية وملحدة ) ولا تكون ناس بتدعو للدين لتنشره بس مش عارفة الطريقة الصح ولا ايه الحكاية ؟؟؟؟؟!!!!!!

مين قال لحضرتك إن الإسلام الوحيد اللي بيتقال عليه كده ؟؟ أعتقد لأنك مش متابع غير الإسلام و مش معقول كمسلم هايجيلك عن حاجات معجزة في المسيحية و اليهودية .. دور في النت و هتلاقي كتير خرافات .. الهجمة أكبر علىالإسلام لأنه العدو الحالي بعد سقوط الشيوعية .. عقيدة الغرب و بالذات أمريكا أن يظل لها عدوا يدفعها للاستعداد دائما و محاولة الرقي حتى لا تدخل في حالة التراخي التي أصابت الدول الكبيرة على مر التاريخ.

المشاركة الأصلية كتبت بواسطة pharaoh

حضرتك شككت فى صحة المعلومة و مع ذلك مجبتش المصادر اللى تثبت كلامك

الحقيقة أنا كنت جايبها من كتاب جغرافيا قرأته زمان

عموماً مش هنختلف
المهم أن لا نخرج الموضوع عن سياقه

المشاركة الأصلية كتبت بواسطة sherif222

حاجة غريبة أوى ... إشمعنى الاسلام الدين الوحيد اللى عليه كلام كتيييير كده يعنى الواحد لا بيسمع كلام زى كده على المسيحية ولا اليهودية و لا فيه تزوير بالفوتوشوب ولا تصوير مش عارف ايه ولا كلام من ده .. ليه يا ترى هل ناس بتستهزأ من الدين ( زى ما بتقولوا من مواقع علمانية وملحدة ) ولا تكون ناس بتدعو للدين لتنشره بس مش عارفة الطريقة الصح ولا ايه الحكاية ؟؟؟؟؟!!!!!!

المشاركة الأصلية كتبت بواسطة evoo90

بتقول ليه الاسلام ؟؟


وشويه العلمانيين اللى بيتريقوا دول الله واعلم بجنسهم ايه
وكمان ماتنساش ان المسلمين واليهود فى عداوه دائمه ليوم الدين مش انا اللى بقول كده ديننا علمنا ان عدونا هو الشيطان بالتالى اى شخص بيناصر الشيطان فهو عدونا حتى لو كان مسلم
وماحدش يتكلم على المسيحيين عشان مافيش اى عداوه بيننا وبينهم وزى ماعندنا متطرفين جهله برضه المسيحيين عندهم نفس الكلام

مع إحترامي يا جماعة و لكن الكلام ده مش حقيقي .

جميع الأديان السماوية و الغير سماوية لها أعداء ... فالمسيحية لها أعدائها و منتشر في أمريكا و دول شمال أوروبا جماعات تسمي ال anti christ و هي ضد تعاليم الدين المسيحي و تري أن أباءهم قد دمروا حياتهم بسبب تربيتهم علي الدين المسيحي أو علي الدين عامة .. و يقومون بحرق الكنائس أحياناَ و حرق الصليب علي الملأ .

و هناك الكثير و الكثير من الفنانين الذين قاموا من السخرية من الدين المسيحي منهم علي سبيل المثال عازف الجيتار slash اللي إشتغل مع معظم المغنيين العالميين .. طلع مرة عالمسرح لابس تي شيرت عليه ميكي ماوس مصلوب !

الإسلام هناك من يستهزؤن به طبعاَ معروف قصة الرسوم الكاريكاتيرية المسيئة للرسول بل و هناك بعض الألعاب التي تسخر من الإسلام .

اليهود هناك جماعات تتهم الدين اليهودي و اليهود بأنهم سبب فساد الأرض و أنهم من قتلوا المسيح .. إلخ .. و منهم اللي بيعبر عن رأيه في أعماله زي ميل جيبسون مثلاَ .

و هناك من يعارض فكرة الدين من الأساس أي كان .. و يري أن جميع الأديان هي مجموعة من الأساطير التي عاشت عبر السنين .

فأن نتخيل نحن كمسلمين أن العالم كله بيتأمر علينا .. ده مش حقيقي .. العالم فيه ملل كتير و كل ملة و لها من يؤمنون بها و لها من يكرهها .

و هناك فكرة خاطئة عن العلمانيين أنهم مجموعة من المنحلين شاربي الخمر يعيشون في الحرام 24 ساعة و يكرهون الأديان لأنها تمنعهم من إشباع شهواتهم ! ده مش حقيقي .. و ده شكل كاريكاتيري جداَ تصور بيه شخص لك عداوة معاه زي ما كانوا بيصوروا الكفار بالشكل و طريقة الكلام المسخرة في الأفلام بتاعتنا !

اللادينيين شوية ناس مش مقتنعة بالأديان .. و بس ! مش لازم يكون بيشرب خمرة بس مش عايز يكون فيه حجر علي الحق في الإختيار .. يعني من الأخر مذهبهم إن الإنسان لديه القدرة علي إختيار أفعاله و لا يحتاج دين يستمد منه طريقة حياته .

ليه بقي اللادينيين و العلمانيين المصريين و العرب بيسخروا من الإسلام ؟ لأن الإسلام هو الدين الرئيسي للعرب و للمصريين و الأكثر إنتشاراَ هنا و نستمد منه ييجي 80% من كلامنا و تقاليدنا .. فا طبيعي هو اللي في الوش و هو اللي بيتعاملوا معاه و مع المؤمنين به و بيحتكوا بيهم، لو دخلت علي مواقع ملحدة لا دينية أمريكية مثلاَ هتلاقيهم بيسخروا من الدين المسيحي لأنه الأكثر إنتشاراَ هناك .

الحل .. العلم .. عشان اما واحد يجي يقولك واحدة قالت مش عارف إيه عالإسلام قام ربنا ساخطها قرد تحط صباعك في عينه مش تلاقي ألاف الناس تقول سبحان الله و شوف يا أخي عقاب ربنا .. و ربنا مبيسيبش حد .. إلي أخر الردود الساذجة الكوميدية علي المواضيع اللي زي دي اللي بتنتشر عبر الإنترنت .

و عشان برضه أما حد يتهم دينك بحاجة تعرف ترد .

أسف علي الإطالة .