الموضوع: هذا نص رسالة وردنى من صديق لا أعرف مدى صحتها ولكنها أعتقد صادمة لأكثرنا

المشاركة الأصلية كتبت بواسطة tlrsiap

متفق مع حضرتك تماما
بيشتموا الاسلام فعلا
الواقع مش كلهم , قسم منهم بيشتم الاسلام علنا او بتورية
دول عادة بيبقوا لا دينيين او ملحدين او لا ادريين
و البعض بيتبع تخاريف واحد زي القمني اللي الحمد لله تم اعلان ارتداده قريب

مين اللى ليه الحق فى اعلان ردة القمنى او غيرة؟ هو اى واحد يقول اى حاجة واى حد يصدقة وخلاص؟
واللى قال انه مرتد مقلش حاجة على ابن لادن ولا الظواهرى اللى شوهوا سمعتنا قدام العالم كله؟؟؟
عجبى

و مافيش بوست واحد في التوبيك هنا هايخرج عن الانواع دي

لا فى بس حضرتك بتحط كل اللى مختلف معاك فى كوادر ثابتة مش موجودة غير فى خيالك و خيال البعض

و طبعا ما ننساش ان حتى الدولة الدينية بتاعة ايران ناجحة , لكن كل العلمانيين هاينكروا ده , بيكرهوها !!

اول مرة اسمع ان ايران ديمقراطيه من حد يكون مقتنع بكدة
هما عشان بيعرفوا يجعجعوا و يعلوا صوتهم يبقوا دوله ديمقراطيه
هو محدش خد باله من الانتخابات اللى فاتت ولا اية
ولا يمكن محدش يعرف ان طهران فيها 200 الف مسلم سنى و مفيش ولا جامع سنى واحد يوحد ربنا فى طهران كلها
بلاش نضحك على بعض

اما القول بأن الدولة الدينية تأخر و العلمانية تقدم , فده كان في اوروبا , هنا العكس تماما , و الحمد لله على نعمة الاسلام

حضرتك بتتكلم عن العالم بتاعنا ولا يوتوبيا خياليه عند حضرتك ؟ ولا حلم نفسك انه يتحقق؟
فصل الدين عن الدوله نجح فى اوربا و امريكا و استراليا و بعض دول اسيا
قولى هو اية بالظبط اللى هنا العكس تماما؟؟؟ انت مصدق فعلا الكلام دة؟

اكره اني اشوف المنتدى ده مسرح للترويج للعلمانية و ما شابهها

معلش انت الكبير
وانا احب اشكر ادارة المنتدى لعدم مصادرة الاراء
اهو نعرف نتكلم بدل ما فى كل مكان ينطلنا حد يقول متتكلموش كمان...للاسف ثقافة مصادرة الاراء اتنقلت حتى بين المعلمين و المثقفين بدون ان ندرى

المشاركة الأصلية كتبت بواسطة tlrsiap

تحياتي لصاحب الموضوع

حقا يتفق العلمانيين و الليبراليين و اللادينيين و الملاحدة العرب على كراهية الاسلام او على اقل تقدير ازدراء علماؤه
في حين يحترم العلمانيين و الليبراليين منهم الاديان الاخرى بصورة مبالغ فيها جدا , و هذا لأن احترام الاديان الأخرى لديهم اهم من دينهم نفسه
هما طلعوا كده و شربوا كده

الخمرة و الكلام الفاضي ده ما حرمتهاش غير الاديان
فاللي مش مؤمن بيها مافيش حاجة تمنعه منها
و اللي مؤمن ان الدين يبقى جوة المسجد بس , ما عندوش مانع يقعد في مكان هي فيه

اللادينيين مش مؤمنين بالأديان , صح , كفرة يعني زي الملاحدة بالظبط
هو عايز يبقى فيه حق الاختيار , ولا الارتداد ؟
تفرق

في النهاية
الكلام اللي باقوله ناتج عن احتكاكات كتير بالنوعيات دي
و بصراحة
و ارجو ده من الادارة
انا ما احبش يكون المنتدى هنا مسرح للترويج لأغاليط - ايوة اغاليط - العلمانية و الليبرالية و ما شابههم

شكرا

هرد عليك بموضوع انا منقول عنوانه "احذر أخى المواطن .. فالعلمانية فيها سم قاتل"
أخى الفاضل أختى الفاضلة
أما بعد .. فهذا بيان للناس حتى لا يقعوا فى شراك العلمانية الكافرة الفاجرة المنحلة الصهيونية الشيوعية الليبرالية ... الخ

اذا كنت يا أخى الفاضل توافق على الحياة و المساهمة فى كيان دولة تساوى فى قوانينها بين جميع مواطنيها دون تمييز على أساس العقيدة أو الطائفة و لا فضل فيها لمواطن على مواطن الا بتقوى القانون فأنت فى خطر الوقوع فى شرك تأييد الدولة العلمانية

و اذا كنت تؤمن بأن المناصب فى الدولة - أى منصب - ليس حكرا على أهل دين بعينهم وانما يصل اليها الانسان بعلمه و اجتهاده و تخصصه أو باختيار الناس له دون التفتيش فى ضميره و عقيدته أو جنسه فأنت فى خطر الوقوف فى صف الدولة العلمانية

و اما اذا كنت تؤمن بأن المؤسسات الدينية يجب أن تكون مستقلة تماما عن الدولة ولا سلطان للسياسيين عليها فوجب عليك الحذر فهذه من الصفات الخبيثة للعلمانيين و من والاهم

و اذا كنت تؤمن بأن قوانين و دستور الدولة - أى دولة - يجب أن يتماشى مع المواثيق الدولية لحقوق الانسان فأنت فى غفلة و يجب عليك الحذر فهذه المواثيق تقيد حق الدولة فى التعذيب و التنكيل بمواطنيها ( فلا حد زنا فى مثل هاته الدولة ولا يحزنون )

و اذا صدقت يا مسكين أن الدولة لا شأن لها بمراقبة الأفراد لتتأكد من قيامهم بفروض دينهم و أن الدولة لا حق لها فى فرض سلوك معين على مواطنيها فأنت من أهل العلمانية لا محالة

و اذا آمنت - لا سمح الله - بوجوب اطلاق حرية الابداع و الفن و بأهمية رفع يد الدولة عن حرية الرأى و التعبير و الاعتقاد و التفكير و النقد و أيدت - و لو بقلبك - ألا تساند الدولة رأيا ضد رأى أو مذهب ضد مذهب فأنت آثم قلبك فانقذ نفسك قبل فوات الأوان يا جبان

وأن الاقتصاد يسأل فيه رجال الاقتصاد و أن الشأن العام ليس حكرا على أحد دون أحد أو أهل دين دون أهل دين أو حتى أهل "لادين" فأنت متورط حتى أذنيك فى مستنقع العلمانية الضالة المشلة

أما اذا آمنت بأن النظريات و التطبيقات العلمية ( آل يعنى عندنا علوم ولا تطبيقات ) يثبتها و ينفيها العلم عن طريق التحليل و التجربة و الخطأ و البرهان

و أما لو قلت بأن الطب و التاريخ و الجيولوجيا و الفلك و الهندسة و و ,, هى مجالات علمية متخصصة و ليس مجال البحث فيها هو النصوص المقدسة لأى دين فأنت قد تعديت على حق رجال الدين المقدس فى التحدث باسم الله فى كل شئون الأرض و السماء و الفضاء و جيت على لقمة عيشهم .. روح يا شيخ منك لله .. حتروح من ربنا فين

أما لو آمنت بأن الله يرزق الجميع بدون أن يميًّز و يستجيب لدعاء الجميع بدون أن يفرق فأنت علمانى علمانى علمانى .. روح اتوضى و تعالى صلى لك ركعتين يمكن ربنا يهديك


أكرر شكرى لادارة المنتدى لعدم حجب الاراء