الموضوع: هذا نص رسالة وردنى من صديق لا أعرف مدى صحتها ولكنها أعتقد صادمة لأكثرنا

المشاركة الأصلية كتبت بواسطة pharaoh

احمدك يا رب و اشكر فضلك
لسة فى ناس عندها ثقافة الحوار و تقبل الاخر


توضيح صغير للمشاركات اللى قبل كدة
العلمانية لا تهاجم الاديان فى ذاتها
ولكنها تهاجم فرض الدين على الدوله و بالتالى على كل افراد الدوله و تصبح الدوله و الدين واحد

حضرتك مصر على تحويل مجرى الحديث
والذي يوضح محاولة البعض من السخرية من المسلمين عن طريق إختلاق معجزات
وتحول أنت الموضوع إلى الدعاية للعلمانية أو شرح فلسفتها من وجهة نظرك؟
يا أستاذ أليس عندكم في العلمانية إحترام للحوار وعدم حرفه عن مساره أم أنها شعارات للإستهلاك الإنترنتي

المشاركة الأصلية كتبت بواسطة motorizer

مع إحترامي يا جماعة و لكن الكلام ده مش حقيقي .

جميع الأديان السماوية و الغير سماوية لها أعداء ... فالمسيحية لها أعدائها و منتشر في أمريكا و دول شمال أوروبا جماعات تسمي ال anti christ و هي ضد تعاليم الدين المسيحي و تري أن أباءهم قد دمروا حياتهم بسبب تربيتهم علي الدين المسيحي أو علي الدين عامة .. و يقومون بحرق الكنائس أحياناَ و حرق الصليب علي الملأ .

و هناك الكثير و الكثير من الفنانين الذين قاموا من السخرية من الدين المسيحي منهم علي سبيل المثال عازف الجيتار slash اللي إشتغل مع معظم المغنيين العالميين .. طلع مرة عالمسرح لابس تي شيرت عليه ميكي ماوس مصلوب !

الإسلام هناك من يستهزؤن به طبعاَ معروف قصة الرسوم الكاريكاتيرية المسيئة للرسول بل و هناك بعض الألعاب التي تسخر من الإسلام .

اليهود هناك جماعات تتهم الدين اليهودي و اليهود بأنهم سبب فساد الأرض و أنهم من قتلوا المسيح .. إلخ .. و منهم اللي بيعبر عن رأيه في أعماله زي ميل جيبسون مثلاَ .

و هناك من يعارض فكرة الدين من الأساس أي كان .. و يري أن جميع الأديان هي مجموعة من الأساطير التي عاشت عبر السنين .

فأن نتخيل نحن كمسلمين أن العالم كله بيتأمر علينا .. ده مش حقيقي .. العالم فيه ملل كتير و كل ملة و لها من يؤمنون بها و لها من يكرهها .

و هناك فكرة خاطئة عن العلمانيين أنهم مجموعة من المنحلين شاربي الخمر يعيشون في الحرام 24 ساعة و يكرهون الأديان لأنها تمنعهم من إشباع شهواتهم ! ده مش حقيقي .. و ده شكل كاريكاتيري جداَ تصور بيه شخص لك عداوة معاه زي ما كانوا بيصوروا الكفار بالشكل و طريقة الكلام المسخرة في الأفلام بتاعتنا !

اللادينيين شوية ناس مش مقتنعة بالأديان .. و بس ! مش لازم يكون بيشرب خمرة بس مش عايز يكون فيه حجر علي الحق في الإختيار .. يعني من الأخر مذهبهم إن الإنسان لديه القدرة علي إختيار أفعاله و لا يحتاج دين يستمد منه طريقة حياته .

ليه بقي اللادينيين و العلمانيين المصريين و العرب بيسخروا من الإسلام ؟ لأن الإسلام هو الدين الرئيسي للعرب و للمصريين و الأكثر إنتشاراَ هنا و نستمد منه ييجي 80% من كلامنا و تقاليدنا .. فا طبيعي هو اللي في الوش و هو اللي بيتعاملوا معاه و مع المؤمنين به و بيحتكوا بيهم، لو دخلت علي مواقع ملحدة لا دينية أمريكية مثلاَ هتلاقيهم بيسخروا من الدين المسيحي لأنه الأكثر إنتشاراَ هناك .

الحل .. العلم .. عشان اما واحد يجي يقولك واحدة قالت مش عارف إيه عالإسلام قام ربنا ساخطها قرد تحط صباعك في عينه مش تلاقي ألاف الناس تقول سبحان الله و شوف يا أخي عقاب ربنا .. و ربنا مبيسيبش حد .. إلي أخر الردود الساذجة الكوميدية علي المواضيع اللي زي دي اللي بتنتشر عبر الإنترنت .

و عشان برضه أما حد يتهم دينك بحاجة تعرف ترد .

أسف علي الإطالة .

المشاركة الأصلية كتبت بواسطة evoo90

وزى ماعندنا متطرفين جهله برضه المسيحيين عندهم نفس الكلام

لا شك طبعا ان كل الاديان ليها اعداء لكن الدين الاسلامى مازال اعداءه كتير وكتير وهيفضلوا يكتروا ويكتروا

المشاركة الأصلية كتبت بواسطة evoo90

لا شك طبعا ان كل الاديان ليها اعداء لكن الدين الاسلامى مازال اعداءه كتير وكتير وهيفضلوا يكتروا ويكتروا

ولسه ياما هنسمع ونشوف وكل شويه يطلعوا تئليعه ويوئلك معجزة واحنا نصدئهم وهما يضحوا علينا
اتمنى ان يكون عند الناس وعى اكتر من كده

انا لما قريت الكلام على المنتدى جالي احساس شديد بالهزيمة

أنا دايما بواجه المشاركات دي و الإميلات دي

و غالبا بتكون أشد ردودي في المنتدى هنا على اللي ينقل الحاجات دي لأن بابقى خايف جدا
ان حد من أعداء الدين ده يتهمنا اننا جهلة

و دلوقتي ...طلعنا جهلة قدام الكل

انا زعلان قوي من الناس اللي بيتحمسوا لدين و حرارة حماسهم تسيح عقلهم فيبقوا وسيلة لتجريح الدين امام العالم

الدبة اللي قتلت صاحبها

"الحل .. العلم"
معاك مليون فى الميه يا محمود




و ياريت النقاش ميخرجش عن اداب الحوار يا ساده

بغض النظر عن العلمانيه او غيرها المهم ان اغلبنا فى حالة لا وعى دينى ولا اخلاقى واعتقد ان من اسبابه الاساسيه هى الاعلام اللى انا شايفه من وجهة نظرى تافه ملوش طعم ولا شكل فين وفين لما الواحد وه بيدور يلائى حد كويس يئدر يفهم من معلومه او يطلع بحكمه
مثل الموضوع المطروح من كام يوم هنا فى المنتدى عن اتهام عمرو خالد وسوء كلام بعض الشيوخ وهو ده اللى بتكلم عليه
اتحور الكلام وطلع الفاظ من شيوخ افاضل ليهم وزنهم بكلام ومن غير ميحسوا شوهوا صورتهم دون وعى وياريتو الكلام اللى ئالوه على الراجل صحيح ... و ده اللى مدى فرصة لاعداء الاسلام انهم يتربصوا بينا ويخترعوا كل شويه حاجه .. ويوقعوا بينا كمان وكمان
وتحصل فتن بين امة محمد ..اذا كان شيوخ وعلماء بيعملو كده فما بالكم بئا بالمواطن العادى البسيط اللى ميعرفش يقرا ولا يكتب ولا الشباب اللى حياته استهتار ولعب ولا يمكن الاطفال اللى بيشوفوا ويتعلموا من الكبار(مثال)
فهما ليهم حق يعملو اكتر من كده فينا لاننا احنا اللى مدينهم الفرصه ديه واحنا اللى بنكبرها
وربنا يهدينا ويصلحلنا الحال

انا شايف السبب الأكبر من اللي قلته حضرتك في تفشي هذه الرسائل

هو الشعور العام بالاحباط و الهزيمة المادية للعالم الإسلامي حاليا

و الكلام عن اننا لازم ننشر العلم و العقل

لو نشرنا العلم و العقل

سيكون المسلمين على قمة العالم بدينهم و علمهم

ولن يحتاج أحد نفسيا لتصديق هذه الأكاذيب