الموضوع: تقييم نص سوى للنيو لوجان

المشاركة الأصلية كتبت بواسطة nadernabil

انا هاعيط....تقييمك ممتاز يا رامي باشا...

و على فكرة حببتني في العربية أكتر ما انا حاببها...

انت راجل زي الفل :)

انت اللي راجل زي الفل يا نادر باشا والحمد لله اني قدرت اقدم حاجه تليق بكم ......... المهم انا عاوز بقى منك يا باشا تقييم للتقييم اللي انا عملته لانك برضه اتعاملت مع العربيه بس مش كا مالك ليها ودي بتختلف شويه في نظري وبتخللي التقييم ليه نظره مختلفه عشان كده انا برضه واقف في طابور المنتظرين لتقييمك وربنا يقدرك ....

المشاركة الأصلية كتبت بواسطة hamadamdph

رامي باشا تقرير زي الفل
انت حببتني في العربية جدا مبقتش قادر استنى على استلامها

المهم فيه حاجه واحدة نسيت تقولها يا باشا عشان التقرير يبقى كامل الكامل بريفيكس

ايه علاقة التكييف بالسحب يعني هل بيأثر على السحب او بيضعف العربية في مشيها ولا لأ؟؟؟

ربنا يعجلك من امرك يا دكتور وييسر لك الامور وتبقى من وحوش اللوجان وتستلم ان شاء الله العربيه ........... انا عارف شعور المنتظر لعربيه خصوصاً لما تكون عربيه في كلام حواليها........اكيد انت جايب بروشورز ليها في البيت عندك وكل شويه تفتحهم وتتفرج عليهم...........واكيد برضه كل شويه نفسك تهفك وتفتح موضوع نادر نبيل المتميز وتفضل تتفرج على الصور والكلام المكتوب عن العربيه.........ربنا يكرمك يا رب وتستلم عربيتك وتقر عينك وترتاح ويرزقك خيرها ان شاء الله.

شوف يا سيدي موضوع تأثير المكيف على الموتور انا ما لاحظتوش اوي ........ لكن اكيد في تأثير خصوصاً والعربيه لسه موتورها ماوصلش لي 1000 كيلو فا الدنيا بتكون مرتبكه شويه وساعات خشنه ولخبطه من دي عشان كده مش هاقدر احكم اوي على الجزئيه دي مبكراً كده.........لكن نظرياً احنا بنتكلم عن عربيه حجمها ووزنها على ال 1600 مقبول جداً جداً ...........فا اكيد الموضوع مش هايكون مأشر ومضعف للموتور .......ممكن تحس بيه طبعاً ده طبيعي وكل ما تاخد على العربيه كل ما تحس بكل حاجه فيها ...

امبارح انا كنت راجع من شغلي على 2 بالليل من صلاح سالم .......وقابلت لوجان فيراني كده فا قلت افضل ماشي جنبها كده واتفرج عليها وهي على الطريق......( ده مرض قديم باعاني منه من زماااان) المهم ماعرفش اللي كان سايق زهق مني ولا ايه فا جري فا انا قلت والله فكره نجري معاه شويه ونشوف ......... مش عاوز اقولك عمل في ايه ....... الفكره مش سواق شاطر وغيره ....... انا اللي كنت مركز عليه تسارع العربيه الراجل كان جوه العربيه هادي جداً بس هي اللي مش هاديه خاااالص العربيه دي جرايه بغباء وهاتسمعوا عنها الكلام ده قريب هي لسه بس سنه اولى انتشار.

شكراً لكل من شارك في الموضوع وكتب تعليق ويا رب اكون دائماً مفيد على قد ما اقدر لحضراتكم وان شاء الله اي مغامره تاني باللوجان هاجي واكتب عنها لانها بجد عربيه تستحق ده ...........

المهم بقى انا دلوقتي عندي شوية استفسارات ومش عارف افيد الواد الغلبان صاحب العربيه فيها فا قلت استفسر من الملاك المحترمين . ( الاسئله كلها عن الفول اوبشنز )

1-هل العربيه فيها لمبه للحزام او تحذير انك حاطط الحزام او لأ او لمبه بتنور في العداد ؟
2-الزجاج الكهربائي عنده فعلاً بطيئ مش عارف ليه والمشكله ان الاربعه كده مش فاهم دي مشكله ولا طبيعي.
3-العربيه لما بتبدأ تتحرك وتوصل لي 10 كم/س هل السنتر لوك بيقفل ولا لأ ؟ مكتوب في الكاتالوج لكن مش عارف اعملها ولا هو عارف فا قلت يمكن اصلاً الموضوع ده مش موجود.
4-موضوع تقل الباور ده انا مش عارف اوصل فيه لحل اقصد هل هو كده ولا عنده مشكله ؟ انا بالصدفه معايا فيرنا باتحرك بيها اليومين دول ..... الباور فيها اخف كتييير فا مش عارف هل باور الفيرنا خفيف ؟ ولا باور اللوجان تقيل ؟ ؟ ولا في مشكله في باور الراجل الطيب ده ؟ .........اللي جرب باور عربيه تانيه وقارنه بباور اللوجان يقوللنا عامل ازاي ولكم جزيل الشكر.