الموضوع: تقييم نص سوى للنيو لوجان

العفو ولا شكر على واجب ........ الحمد لله ان الموضوع لائق بناس محترمه وجميله امثال حضراتكم..........وبرضه انا في انتظار ملاك اللوجان اللي مش عاوزين يردوا عليا وربنا يكرمنا جميعاً ونكون دايما في عون بعض.

السلام عليكم جميعا وكل عام وانتم بخير

بالنسبه لموضوع تقل الباور دا فعلا الباور تقيل عندى مقارنة بالفرنا والافيو اللى جربتهم
الفتيس عندى مفيهوش مشاكل خالص باستثناء عضه فالمارشدير هعملها فالتوكيل السبت الجاى باذن الله
الفرامل هى فعلا بدأت كويسه جدا معايا انما بعد فتره حسيت انها بئت خفيفه لكن لما غيرت التيل فى صيانة ال 20 رجعت تمام زى الاول
اما بالنسبه للتكييف فهو بيخنق العربيه عالاول والتانى بس انما بعد كده العربيه بتجمع تانى ولا بتحس انو مأثر على السحب وبالمناسبه تقريبا استهلاك البنزين مع التكييف مش متأثر خالص عن لو انت مش مشغله يعنى العربيه سحبها بالتكييف نفس تقريبا معدل استهلاكها بدون التكييف

اجمالا انا راضى تماما عن العربيه الحمد لله والف شكر لاستاذ رامى على التقييم الشيق والوافى

المشاركة الأصلية كتبت بواسطة ramy_tantawi

شكراً لكل من شارك في الموضوع وكتب تعليق ويا رب اكون دائماً مفيد على قد ما اقدر لحضراتكم وان شاء الله اي مغامره تاني باللوجان هاجي واكتب عنها لانها بجد عربيه تستحق ده ...........

المهم بقى انا دلوقتي عندي شوية استفسارات ومش عارف افيد الواد الغلبان صاحب العربيه فيها فا قلت استفسر من الملاك المحترمين . ( الاسئله كلها عن الفول اوبشنز )

1-هل العربيه فيها لمبه للحزام او تحذير انك حاطط الحزام او لأ او لمبه بتنور في العداد ؟
2-الزجاج الكهربائي عنده فعلاً بطيئ مش عارف ليه والمشكله ان الاربعه كده مش فاهم دي مشكله ولا طبيعي.
3-العربيه لما بتبدأ تتحرك وتوصل لي 10 كم/س هل السنتر لوك بيقفل ولا لأ ؟ مكتوب في الكاتالوج لكن مش عارف اعملها ولا هو عارف فا قلت يمكن اصلاً الموضوع ده مش موجود.
4-موضوع تقل الباور ده انا مش عارف اوصل فيه لحل اقصد هل هو كده ولا عنده مشكله ؟ انا بالصدفه معايا فيرنا باتحرك بيها اليومين دول ..... الباور فيها اخف كتييير فا مش عارف هل باور الفيرنا خفيف ؟ ولا باور اللوجان تقيل ؟ ؟ ولا في مشكله في باور الراجل الطيب ده ؟ .........اللي جرب باور عربيه تانيه وقارنه بباور اللوجان يقوللنا عامل ازاي ولكم جزيل الشكر.

1- لأسف يا باشا مفيش لمبه تحذير للحزام
2- الزجاج تقيل شويه بس انا بصراحه متعود عليه او اتعودت
3- حركه السنتر مش موجوده لأسف كان نفسى تكون موجوده
4- الباور المشكله فى العربيه الباور تقيل شويه مع الأستخدام حتتعود عليه وبالنسبه لعربيات تانى اكيد حيكون تقيل