تقييم نص سوى للنيو لوجان

**Ramy_Tantawi** · 11-09-2009 09:46 PM

المشاركة الأصلية كتبت بواسطة dr zezo

ربنا يباركلك علي التقييم الممتاز ...

بس الكلام الجامد ده لو نص سوي

امال لو كان مستوي كان بقي شكله ايه

تم التقييم

ربنا يكرمك يا دكتور وشكراً جزيلاً على المشاركه ونورت الموضوع.

**Ramy_Tantawi** · 11-09-2009 09:47 PM

المشاركة الأصلية كتبت بواسطة mohamed1979

1- لأسف يا باشا مفيش لمبه تحذير للحزام
2- الزجاج تقيل شويه بس انا بصراحه متعود عليه او اتعودت
3- حركه السنتر مش موجوده لأسف كان نفسى تكون موجوده
4- الباور المشكله فى العربيه الباور تقيل شويه مع الأستخدام حتتعود عليه وبالنسبه لعربيات تانى اكيد حيكون تقيل

شكراً جزيلاً استاذ محمد على الرد والمشاركه وجزاكم الله خيراً اخي الفاضل.

**Ramy_Tantawi** · 11-09-2009 09:49 PM

المشاركة الأصلية كتبت بواسطة alfa_we

كلام حلو خالص
وتقييم فوق الوصف
واتفق معاك فى تقل الدركسيون وضعف الفرامل
بس انا ليا رأى فى موضوع الفرامل ممكن يكون صح وممكن غلط
اقصد ان ممكن تكون الفرامل بتضعف كدة عشان وزن العربية ( تقيلة شوية ) ودا بيستلزم شوية مجهود زائد على الفرامل ( التيل بالاخص )

التقييم كده بس عشان ناس جميله بتقراه بعيون حلوه .......جزاكم الله خيراً اخي الفاضل.

**Ramy_Tantawi** · 11-09-2009 09:55 PM

المشاركة الأصلية كتبت بواسطة Abouzaid2008

التقييم محترم و شيق .. سؤالي عن الخامات الداخلية وهل تتوقع انها تخلوع من بعضها بسرعة وتطلعلك اصوات من كل ناحية وهل تفضلها علي الافيو ؟ وشكرا علي تقييمك وردك

شكراً على المرور يا اخي ابو زيد ....... الخامات الداخليه محترمه وومقبوله جداً ........... هي اكيد هاتخلوع وتطلع صوت وده مش لان العربيه وحشه بس لان شوارعنا زي الفل........يعني الواقع يقول ان مهما كانت العربيه متربطه لازم ماتتفكك من كتر اللي بتشوفه في شوارعنا......لكن زي ما قلت في التقييم ان الاصوات اللي هاتطلع هاتكون قليله لانها ملمومه من الداخل التابلوه محبوك وهادي جداً حتى مفيهوش شاشه او حاجه وحجمه صغير فا اتوقع انها ان شاء الله هاتكون ماسكه نفسها.....وبعدين لاحظت حاجه تانيه مهمه جداً ان في مسامير وده حاجه بتفرحني مش عارف ليه لاني باحس ان طالما الموضوع مرتبط بمسمار باين قدامي كل ما يطلع صوت اقدر اربطه ومش هايكلفني الموضوع ده غير مفك بي 5 جنيه

.

اما عن تفضيلها عن الافيو فا بصراحه ماعرفش حاجه عن الافيو ولا عمري ركبتها....لكن ان شاء الله حد جرب الاتنين وا جرب الافيو يقولنا اخبارها ايه .

**gebreel** · 11-09-2009 10:00 PM

انهاردة سقت العربية بتاعت عم واحد صاحبي لاول مرة
تقييمي اللي مش هيجي حاجة طبعا جمب تقييم رامي باشا طبعا هو ان العربية في الاجمال تحفة
الباور مش حاسس انو تقيل خالص بس هو مش زي اللانوس او الفيرنا بس ارجع و اقول ان ده افضل من ناحية الثبات على الارض و خصوصا مع علوها
العفشة تحفة و متحسش انك اكلت اي مطب او حاجة
الازاز مش بطئ ولا حاجة عادي جدا
الفرامل ضعيفة فغلا و لكن مش ضايعة لكن انا مجربتهاش بالنسبة لو كبست عليها استجابتها هتبى عاملة ازاي لاكن بيتهيئلي انها هتبئى كويسة و بالنسة للتهدية فهي تمام مفيهاش مشاكل
التكييف حاسس انو عادي جدا مش بيؤثر على السحب قوي و ده لان وزن العربية على ال 1600 مناسب جدا لانها بتنزل برة كمان بموتور 1400 فمع ال 1600 مش خانق قوي ولا حاجة
المرايات في الجناب كاشفة الطريق بشكل جميل جدا لكن مراية المنتصف حاسس انها صغيرة شوية او يمكن انا مظبطهاش كويس
الصالون خاماتو كويسة جدا
الكراسي و الكنب تنجيدهم رائع و مريحة جدا
عزل الصوت فيها رائع جدا و صوت الموتور مش عالي للدرجة لكن مسموع بشكل معقول علشان النقلات
العربية بقى في مشيها عاوزة تجري و كنت بنقل على عداد ال rpm مش على صوت العربية لاني لو نقلت على الصوت هنقل مش اقل من 4.5
و اخلى حاجة بقى معاها المطبات بعد ماكنت في الفورد لازم اخدها بالورب اما مع دي فبخدها عااااااااااادي جدا
الجلوس في الخلف متعة بسبب وسع العربية و تحس انك راكب نص نقل من انك شايف الطريق كله اكنك قاعد قدام
من الاخر العربية دي انا كنت اقتنعت بيها بنسة 100 % اما دلوقتي فانا مقتنع بيها بنسية 9000 %
و الف شكر يا رامي باشا و ابو ادهم على مساعدتكم ليا من حلال كلامكم على العربية
و عقبالنا يا رب

**أبو أدم** · 11-09-2009 11:00 PM

المشاركة الأصلية كتبت بواسطة superiorboy

خلاص ماشي على ضمانتكم :d بجد 1000 شكر يا جماعة و خصوصا لحضرتك يا أبو ادهم

يا محمود باشا يا اخى .....ربنا يكرمك بالعربية صدقنى حلوة جدا

وبعدين أنا ابو أدم ... مش ... أدهم ... أو اللى تشوفه مش هازعلك

**gebreel** · 11-09-2009 11:45 PM

المشاركة الأصلية كتبت بواسطة architect_a

يا محمود باشا يا اخى .....ربنا يكرمك بالعربية صدقنى حلوة جدا

وبعدين أنا ابو أدم ... مش ... أدهم ... أو اللى تشوفه مش هازعلك

ماشي يا ابو ادم العربية فعلا حلوة و خصوصا بعد التجربة مبقتش طايق استنى لحد ماستلم انهاردة اصلا بعد مجربتها مع صديقي هو في المقطم رحت نازل على محمد زكي علشان اسأل الدفعة اللي جابة امتى و لو كان معايا الفلوس كنت حجزت على طول بس الحمد لله قالي ان في دفعة هتوصلو على يوم الاثنين او الثلاثاء هي وصلت مصر لكن بتخلص في الجمارك و الدفعة اللي بعدها هتوصل على اخر شهر 9 و هي دي ان شاء الله اللي هحجز فيها

و الحمد لله يا ابو ادم انا لما سوقتها لقيت ان وصف حضرتك و رامي باشا بالظبط كان وافي جدا و فيه امانة تامة
ربنا يكرمكم يا رب و يبارك لحضرتك في عربيتك و يبارك لصديق رامي باشا في عربيتو و انا مستني لما استلم علشان اقدر اقول بقلب جامد اني بقيت من ضمن اسرة رينو في نايل موتورز و يا ريت لو في المستقبل نقدر نتقابل ان شاء الله

**eng_saber** · 20-09-2009 08:14 AM

المشاركة الأصلية كتبت بواسطة ramy_tantawi

شكراً لكل من شارك في الموضوع وكتب تعليق ويا رب اكون دائماً مفيد على قد ما اقدر لحضراتكم وان شاء الله اي مغامره تاني باللوجان هاجي واكتب عنها لانها بجد عربيه تستحق ده ...........

المهم بقى انا دلوقتي عندي شوية استفسارات ومش عارف افيد الواد الغلبان صاحب العربيه فيها فا قلت استفسر من الملاك المحترمين . ( الاسئله كلها عن الفول اوبشنز )

1-هل العربيه فيها لمبه للحزام او تحذير انك حاطط الحزام او لأ او لمبه بتنور في العداد ؟
2-الزجاج الكهربائي عنده فعلاً بطيئ مش عارف ليه والمشكله ان الاربعه كده مش فاهم دي مشكله ولا طبيعي.
3-العربيه لما بتبدأ تتحرك وتوصل لي 10 كم/س هل السنتر لوك بيقفل ولا لأ ؟ مكتوب في الكاتالوج لكن مش عارف اعملها ولا هو عارف فا قلت يمكن اصلاً الموضوع ده مش موجود.
4-موضوع تقل الباور ده انا مش عارف اوصل فيه لحل اقصد هل هو كده ولا عنده مشكله ؟ انا بالصدفه معايا فيرنا باتحرك بيها اليومين دول ..... الباور فيها اخف كتييير فا مش عارف هل باور الفيرنا خفيف ؟ ولا باور اللوجان تقيل ؟ ؟ ولا في مشكله في باور الراجل الطيب ده ؟ .........اللي جرب باور عربيه تانيه وقارنه بباور اللوجان يقوللنا عامل ازاي ولكم جزيل الشكر.

بمناسبة انك راكب فرنا حاليا ايه رأى حضرتك فيها بالمقارنة باللوجان

لانى بصراحة عاجبينى الاتنين ومحتار اجيب انهى وبقالى كتير مش عارف اخد قرار

انا معجب بالوجان جدا جدا جدا

بس خايف من سعر قطع الغيار اللى مشهور عن الاوروبى انها غالية بالمقارنة بالكورى

افيدنى يا أ/ رامى اختار مين فيهم مع الوضع فى الاعتبار انى ان شاء الله حاجيب الفول اوبشن

-

-

الموضوع: تقييم نص سوى للنيو لوجان

LinkBack

أدوات الموضوع

عرض

-

-

-

-

-

-

-

المواضيع المتشابهه

تقييم لوجان اوتوماتيك روماني

اخر تقييم فعلي للنيو اكسنت

تقييم استهلاك البنزين للنيو سيراتو.

تقييم السيارة رينو لوجان الرومانى

تقييم شامل للنيو اكسنت

الكلمات الدلالية لهذا الموضوع

المفضلات

المفضلات

ضوابط المشاركة