الموضوع: انا متدمر ياجماعه حد يساعدنى

المشاركة الأصلية كتبت بواسطة ahmed samy

تصدق يا احمد يا كمال

و الله و الله أنا شفت الموضوع في الدقيقة اللي اتعمل فيها

و كنت هاكتب نفس كلامك بالحرف

بس قلت بلاش أقلبها ضلمة و أضايقه

بس انت بجد جبت من الأخر

هي دي خبرة السنين بس عايزة قلب



لصاحب الموضوع ...

صدقنى ....لما تلاقيها قفلت ..ما تبهدلش نفسك

لأنك حتى لو اتجوزتها "بواسطة" و ربنا ستر و الجوازة عدت بالعافية

هاتفضل جوازة مهزوزة و متعبة (عائليا) مش هاتعيش جو عائلي طبيعي

ولادك مش هايكون ليهم خيلان و اعمام زي بعض ولا جد و جده زي بعض

انت تحاول تاني ...نفع ..أهلا و سهلا

مانفعش ...يبقى تقطع الموضوع

وتشيل فيشته تماما

و تشوف شغلك ركز في مستقبلك

ونصيحة لله لو قررت تخلص الموضوع اوعى تكلم بنت الناس

ماتعلقهاش بيك ولا حتى تسيبها تكلمك

علشان تشوف حياتها هي كمان

ولو صعبت عليك افتكر ان مش انت السبب في تعبها .....أبوها السبب

انا برضه من رأيي تحاول مرة واتنين وتلاتة وخلى نفسك طوووووووووووووويل



بس لو عايز نصيحة بجد...فتش عن المرأة!!!

هقولك يعني ايه...

لو تعرف تكسب والدتها يبقى انت كدا قطعت 99% من المشوار...يا سلام لو عرفت تخلي واحدة قريبتك تروح لوالدتها من غير ما والدها يعرف وتكلمها عنك وعن اخلاقك وتدينك-اللي نحسبهم على خير ان شاء الله- وامكانياتك ومكانتك الإجتماعية...

عارف لو والدتها اقتنعت بيك...ومن خبرتي مع الستات المصريات و زنهم ونفسهم الطوووووووووويل في الجدال والمناقرة...يبقى اركن والدها في اقرب جراج وغطيه كمان عشان ميتبهدلش من التراب...وهنقول الف مبروك ان شاء الله...و يا سيدي شهادة الفحص الطبي بتاع الجواز هتبقى هديتي ليك ;)


و لو ربنا اراد ان الموضوع ما يتمش ماتزعلش...والله العظيم...هتنساها وهتنسى اسمها مع اول انسانة كويسة تتعرف عليها او تتقدملها...وهتقول لنفسك هو انا كنت مغلب نفسي اوي كدا ليه...وكلامي ده بدون اي مبالغة...ماتقفلش قلبك على واحدة بس...انا متأكد انها انسانة اكثر من ممتازة بما انك متمسك بيها كده..تخيل بأه لما ربنا يكرمك بأحسن منها..

ربنا ييسرلك الخير ويطمنا عليك...