الموضوع: انا متدمر ياجماعه حد يساعدنى

بص يا باشا انا قريت الردود و انا بقراها فكرت و قلت طالما انت عملت استخارة ممكن يكون ربنا مش رايدلك الجوازة دي علشان شايلك حاجة تانية افضل فده سبب ان ابوها قفش عليك و عمل اللي عمله ليه متفكرش كدة و ربنا سبحانه و تعالى قال عسى ان تكرهوا شئ و هو خير لكم
طيب ايه العمل دلوقتي؟!
نستنى لحد بعد العيد و نشوف الدنيا هيجرا فيها ايه ... نامت تخلي الحاج والدك يكلم أبوها و اهم يبقوا اهالي في بعض و تجنب نفسك الاحراج لو لا قدر الله ابوها فضل مصر على موقفه و ساعتها هي مش هتكون من نصيبك و زي مقال بعض الاعضاء ان ساعتها تقطع علاقتك بيها علشان متعذبهاش معاك
اما لو حصل نصيب ان شاء الله مش هقبل اقل من عزومة في بلبع اسكندرية و عزومة على الفرح كمان و دايما ادعي و قول يا رب قدملي الخير في خطواتي كلها في دنيتي و في اخرتي يا رب العالمين

اه في حاجة بس نسيت اقولهالك صلاة الاستخارة مش هتجيب نتيجتها لو انت كنت بتعملها و متوقع حاجة معينة ... انت بتعملها علشان هترضى بكل اللي ربنا هيقسمهولك و ان شاء الله خير يا باشا
و متنساش العزومة بقى و ربنا يتمم بخير مقدما سواء معاها او مع اي واحد تانية

ياااااااااااااااااااااااا ااه
كلمة انا اتدمرت دي رجعتني سنيييييييييييين لورا والحمد لله انها عدت
اخدت بالك بقول ايه لوراااااااااااااااا
بص يا سيدي
انت راجل مهندس وبتشتغل ومحترم ودخلت البيت من بابه ووطلبت ايدها وعملت استخارة الخ الخ الخ الخ
ابوها رافض عشان لازم تتجوز من العيلة زي ما فيه عادات لسة موجودة في بعض الاماكن
يبقي الله يسهلها ويسهل لهم
انا زمااااااااااااااااااااااا ااااااااااان
كنت في نفس موقفك وللاسف الحيت ورحت وبدون دخول في تفاصيل كتيرة محصلش نصيب
دلوقت بعد السنين دي كلها وبعد ما اتجوزت بقول الحمد لله ان محصلش نصيب
فعلا ربنا اكرمني بان محصلش نصيب
والله العظيم انا سعيد جدا ان محصلش نصيب
لان اللي كنت هضيع حياتي (لان الموضوع وصل للتهديد بالقتل من اهلها) اكتشفت انها مكانتش تستاهل اي لحظة تفكير فيها
ومالهوش لازمة اقول الاسباب لانها مش هتفرق مع حد
لكن الحمد لله ربنا اكرمني بزوجة التراب اللى بتمشي عليه احسن من اللى كنت بحبها كلها باهلها على بعضها

يا اخي عسي ان ترهوا شيئا وهو خير لكم

في سنك وفي الحماسة واندفاعة الشباب والحب الاعمي مش بنشوف كويس
لكن بعد سنين بتبدا كل حاجة تظهر ادامنا افضل
صدقني ارمي همومك وحمولك كلها على الله وركز في شغلك وانساها وامسحها باستيكة وربنا هيرزقك فعلا بواحدة تستاهلك واهلها يشيلوك فوق راسهم زي اهل مراتي ربنا يخلي ابوها وامها

والناس اللى تقفل بابها في وش واحد جاي في الحلال ومن الباب ومترم زيك ميستاهلوش انك تدني نفسك وتروح لهم مرة تانية ولا تفكر فيهم من اصله

انا عارف ان اللى بطلبه منك صعب دلوقت لكن الانسان سمي انسان من النسيان ومسيرك تنسي بس شيلها من دماغك وانت تنساها واكتر حاجة هتشغلك انك تركز في شغلك لغاية ما ربنا يرزقك باللي يستاهلوك بجد هم قبل بنتهم