الموضوع: كل الناس بتكرهنى ......وانا مش غلطان......

المشاركة الأصلية كتبت بواسطة remomemo

السلام عليكم
بص يا سيدى انت مشكلتك دى مش مشكلة خالص اساسا انا شايفة من كلام قرايبك انه نوع من الاشتغالة او المناغشة هزار بايخ شوية يعنى موش مقصود وعلى فكرة من كلامك قرايبك دول بيحبوك مش هايقولولك تعالى معانا نجيب هدوم العيد لو انت خنيق ومقرف زى ما انت متخيل فى بس حاجتين تاخد بالك منهم
حاول تقلل من اهتمامك ده بنفسك انت فى النهاية راجل القليل من الاهمال موش وحش موش تبقى مبهدل ماقصدش بس فكها شوية الاهتمام الكبير بالشياكة مممممممم موش حلو للراجل وخلى بالك تعليقاتهم مش كراهية اللى بيكره حد موش بعبره اصلا ههههههههه
الحاجة التانية موش جايز انت انسان ماتتكلمش كتير ده على فكرة بيسيب انطباع للناس بانك مغرور وطالع فيها الناس موش فاهمة ان احيانا انك موش لاقى حاجة تقولها او بطبيعتك هادى اوعى تفكر ان الناس بتكرهك هيكرهوك فعلا

ملحوظة قرايبك حشريين شويتين ههههههههه كبر دماغك

أنا كنت داخل أقول نفس الكلام.
يا octooo قرايبك بس هزارهم سخيف شوية بس في النهاية كله هزار وواضح انهم مش بيكرهوك ولا حتى شايفين انك مغرور. هما بس بيحبوا يمسكوك تريقه على اللبس وخلاص. الغرور بيبان في التعامل بتعالي مش في اللبس وواضح انك انسان بسيط وطيب وحبوب كمان ومش بتتعامل بغرور.

اهتمامك بلبسك مش وحش. خليك زي ما أنت. بس حاول تكون اكثر تباسط في التعامل وأكثر اهتمام و مجاملة للآخرين. الناس بتفتكر ان قليلي الكلام مش مهتمين بالآخرين مع انهم ممكن يكونوا بيحبوا الناس بس مش بيجيدوا فن الكلام. بسيطة، حاول تطور مهارات الحديت. الموضوع ممكن لو انت -وعن وعي- ابتديت تتكلم في مواقف بسيطة انت في العادة مش بتتكلم فيها.

مثال: معزوم على الغداء. انت في العادي بتاكل ومش بتتكلم ولا بتشكر في الأكل. عادي، مش بجاحة منك ولا حاجة. حاول تقول "تسلم ايدك يا طنط، المحشي حلو قوي". مجاملة بسيطة حتفرق قوي.

صدقنى انا كنت زمان كدا مع الناس

عارف بعمل ايه؟ اخدها هزار يعنى لما يقول لك هو انت وزير قله اه ايه يعنى هو انا اقل منه بضحك كدا هيعدى الأمر وهتلاقى الحياة فل

صدقنى باللسان تكسب كل شئ فقط باللسان الحلو

انما لو قفشت على كل حاجة هيقولوا مغرور

عارف هما خدوا الفكرة من ايه؟ انك مهتم بنفسك ودى بحييك عليها انا عكسك بقى وبعد ما بنزل اقول ياريتنى كنت لبست حاجة عدله! يعنى الى انت فيه دا شئ ممتاز ماتوهمش نفسك انك غلط

المهم انت مهتم بنفسك وهما بيهزروا فـ انت بترد بطريقة مقفوله فـ طبيعى جداً يقول لك دا مغرور

صدقنى كلام حلو ومدريح للطرف الأخر فى اى شئ هيخلى الحياة بمبى

انا زمان كانت عيلتى كلها بتقول انى قفــل وكنت بتضايق لحد ما بقيت اهزر معاهم زى اصحابى واخد الكلام ببساطة وبهزار لاقيت وجهة نظرهم اختلفت بعد فترة صغيرة

ربنا معاك ان شاء اللـه هتغير وجهة نظرهم فيك

note: انت لو مغرور ماكنتش كتبت الكم كلمة دول :)