الموضوع: كل الناس بتكرهنى ......وانا مش غلطان......

ياعم octooo انت مالك مزهق نفسك ليه انك طخين ووزنك تقيل انا زيك كده واقسم بالله عمرى ما حسيت انى مش واثق فى نفسى ولا عامل ليا مشكلة انا الحمد لله بلبس كل اللى اناعاوزه وبشتريه بفلوسى ولما احس ان حد بيألس عليا فى وزنى ولا جسمى بحسسه انه هايف وهو اللى غيران منى وحاس بنقص خليك واثق من نفسك

خليك و اثق من نفسك عشان دة بينعكس علي صورتك و تصرفاتك امام الناس
و خد في بالك الغيرة

المشاركة الأصلية كتبت بواسطة haytham1212

اولا بشكرك لجرائتك لطرح الموضوع

بس يا معلم (معلش اسمجلى اتكلم معاك براحتى )

المهم
مشكلتك من الاول و من الاخر
فى وزنك الزايد
تجيبها كد تجيبها كده هى كدة

لان الوزن الزايد مع الكبر بيبقى سلبى وانك ممكن متقدرش تمشى عشر دقائق على بعضيهم فى السن الكبير

انا هنصحك من خلال تجربتى

انا كنت مليان زيك والحياه مش متزبطة

بس لحقت نفسى فى فترة معينة ووصلت لانى اكون رفيع
وبعد كدة روحت جيم

وكانت نقطة تحول كبيرة

الحمد لله الجسم بقى جميل

والصحة الحمد لله
مفيش تدخين

انصحك بحاجتين

خد الجدول لو مشيت علية هتبقى فخور من نفسك وواثق

اولا : اشترى الجهاز الى بيقيس الوزن
شوف انتا كام كيلو
انزل اجرى (مش مشى ) جرى جرى لمدة نصف ساعة يوميا
هتقول صعب فى البداية لكن هيزبط معاك الحوار يوم ورا يوم

قلل من الاكل اللى مالوش لازمة
و no pepsi
اوعى تشرب بيبسى نصيحة

وتعد على جدول الجرى 3 شهور
تصفى جامد وتنزل جيم

3 شهور ورا بعض

هتلاقى نفسك ما شاء الله
وهتحس
بالانجاااااااااااز

اتمنى انك تسمع كلام
واحد من الناس

خد بالراي ده ، هوه فعلا حل مشكلتك ، لأنك بعد ما تظبط وزنك مش هيكون عندك ضعف في الثقة ومش هتهتم اهتمام زايد بكلام الناس ، لأن اصلا اهتمامك بتعليقات الناس ناتج من ضعف الثقة وكلام الناس نفسه اكيد راجع لتصرفات غير ارادية راجعة بردو لضعف الثقة ،

وكل ده يتحل بانك تخسس نفسك ، وساعتها حتى لو نفسك الكلام اتقال مش هيكون له تأثير عليك ومش هتهتم بيه وهما لما يلاقوك كده هيبطلوا من نفسهم ، اتوكل على الله وابدأ فورا مع حد متخصص في التخسيس وخلي قلة الثقة في نفسك والكلام اللي مدايقك هو الحافز على انك تدوس على نفسك وتنتظم على التخسيس وتكون زي ما انت حابب بدل ما يكون سبب في انطوائك على نفسك وتعبك النفسي ..

ربنا يوفقك وييسرلك الموضوع ونطمن عليك قريب ان شاء الله وانت تمام التمام

شكرا لكلك الى ردوا عليا وفعلا انا دلوقتى ماشى على دايت مظبوط اخدتة من دكتور تغذية قريبى (والى عاوزة انا ممكن ابعتة لية على الخاص) وعندى جهاز السير وجهاز اوربتراك ومالتى جيم ماكنتش باستخدمهم نهائى بس انا طلعتهم ونظفتهم وهابتى بيهم النهاردة الساعة 12 وشكرااااااااا للكل
والى عاوز النظام الغذاء يقولى وانا ابعتة لية على الخاص محدش يتكسف المهم الافادة

انا أتفق و أختلف مع justs

أتفق معاه بأنك المفروض تاخد بالنصيحة و تنزل الجيم و تهتم بصحتك و وزنك بس لنفسك عشان تحس بشعور أحسن جسدياَ لأن الرياضة فعلاَ بتفرق و بتحس بنشاط و تفتيح في جسمك غير عادي .

بس متحاولش تستمد ثقتك في نفسك من شكلك و جسمك .. أصل اما تلاقي حد كان بيتريق عليك .. أو بلاش .. مكنش مهتم بيك قبل ما يبقي جسمك رياضي .. و فجأة بقي مهتم بعد ما بقيت رياضي و جسمك مشدود .. فا هتحس إن .. إيه ده خلاص دلوقت بقيت كويس ؟ طب ماهو انا نفس البني أدم بنفس الصفات .. بس اللي قدامك مكلفش خاطره إنه يعرفك معرفة كويسة و إكتفي بالمعرفة السطحية .. متهمتش بحد مش قادر يشوف أكتر من جسمك و شكلك .

حرر دماغك من موضوع الشكل و الجسم ده .. إهتم بنفسك بس متبتنيش ثقتك بنفسك عليه .. خلي ثقتك بنفسك مستمدة من شخصيتك .. الجسم و الشكل ده مجرد packaging فيه وراه كتير .. و خلي بالك الجسم الكويس لا يضمنلك الثقة بالنفس برضه .

المشاركة الأصلية كتبت بواسطة motorizer

انا أتفق و أختلف مع justs

أتفق معاه بأنك المفروض تاخد بالنصيحة و تنزل الجيم و تهتم بصحتك و وزنك بس لنفسك عشان تحس بشعور أحسن جسدياَ لأن الرياضة فعلاَ بتفرق و بتحس بنشاط و تفتيح في جسمك غير عادي .

بس متحاولش تستمد ثقتك في نفسك من شكلك و جسمك .. أصل اما تلاقي حد كان بيتريق عليك .. أو بلاش .. مكنش مهتم بيك قبل ما يبقي جسمك رياضي .. و فجأة بقي مهتم بعد ما بقيت رياضي و جسمك مشدود .. فا هتحس إن .. إيه ده خلاص دلوقت بقيت كويس ؟ طب ماهو انا نفس البني أدم بنفس الصفات .. بس اللي قدامك مكلفش خاطره إنه يعرفك معرفة كويسة و إكتفي بالمعرفة السطحية .. متهمتش بحد مش قادر يشوف أكتر من جسمك و شكلك .

حرر دماغك من موضوع الشكل و الجسم ده .. إهتم بنفسك بس متبتنيش ثقتك بنفسك عليه .. خلي ثقتك بنفسك مستمدة من شخصيتك .. الجسم و الشكل ده مجرد packaging فيه وراه كتير .. و خلي بالك الجسم الكويس لا يضمنلك الثقة بالنفس برضه .

عزيزي موتوريزر ، الفكرة مش انه يستمد ثقته بنفسه من شكله ، في فرق كبير بين انك تستمد ثقتك بنفسك من شيئ معين ، وان ثقتك بنفسك تهتز بسبب شيئ معين ،
بمعنى ان ممكن جدا ثقته بنفسه تهتز من كلمة يسمعها عن وزنه او تعليق ضاحك ، خاصة ان كان من النوع الحساس وانه يكون هوه نفسه مضايق من الموضوع ده ، فالمقصود هو زوال سبب اهتزاز الثقة بالنفس ، فان زال السبب سوف يستقر نفسيا ويزول هذا الاهتزاز ، ويعيش بصورة عادية وثق من نفسه بمجموع ما آته الله من عقل وخلق و .. و .. و... ،

ارجو ان تكون وجهة نظري وضحت