..... تنتحر لية بس يا راجل ...امال الكحك والبسكوت بتاع العيد هتسيبة لمين .......:fun_36_3_4[1]:..
عرض للطباعة
الناس دي بتشيل أوزان وتاكل كتير رغم انهم تخان لأنهم عايزين كده. هما عايزين يزوردوا العضل ومش مهم عندهم الدهون.
احنى بقى بنتكلم عن واحد عامل رجيم. يعني مقلل في الأكل والسرعات الحرارية. حتى ولو بات في صالة الأوزان، عمر ما عضلاته ما هتزيد. رفع الأوزان في الحالة دي مش هيعمل حاجة غير انه يحافظ على العضلات.
اعذرني يا درش. حضرتك حذرته وبشدة من الحديد عشان هو تخين. وكأنه لو راح الجيم هينفش ويبقى منفوخ وشكلة وحش حتى ولو ما أكلش. انت كده نصحته نصيحة خاطئة بناء على عدم علم وفهم.
على فكرة والله انا كان قصدى لو نزل جيم فقط , ماجاش فى بالى حكاية الريجيم دى لانى معملتش ريجيم قبل كدا و مفهمش فيه و لكن عارف التخان اللى بيلعبوا جيم .
انا صاحبي خس اكتر من 50 كيلو فى شهرين من غير ما ينزل جيم , عموما الجيم مش رفع اوزان فقط !
فى اجهزة كتيرة جدا جدا لخفض الوزن .
....كل الفكرة انتا ازااااى بتحمل على العضلة .....ودية تحتيها مليون خط ...كدة كدة انتا لما بتشيل اوزان تكرات او تقيل بتعمل مجهود وبالتالى طبقة الدهون الى فوق العضلة بتقل .... الاوزان القليلة مع التكرارات بتنشط العضلة اكتر بمجهود اعلى يعنى بالبلدى بتشدها وتقسمها ....انما الاوزان التقيلة بتضخمها وتكبرها ولازم يكون اكلك زيادة .....
زى الفرق بين عضلات لاعيبة الكورة والبودى جارد...
المشكله فالموضوع كله اني مش لاقي المدرب الحلو الي يقدر يفهم طبيعه جسمي ويمشي معاها صح
ومش حاسس ان الجيم هيفيد وفاعتقادي لو لعبت غلط هربي عضل من حجم الدهون وهفضل بنفس الوزن او هيقل شويه وهيبقا منظر جسمي مش حلو
وعلى فكرة عندي جهاز اسمه اوربت تراك والجهاز اكتر من رائع لما قللت اسبوع فالاكل بمعرفتي طبعا احسن من اي ورق ودكاترة ولعبت عليه جامد بمعنا فالبدايات 5 دقايق بالعافيه 3 مرات فاليوم (كتييير طبعا بالنسبه للجهاز)
خسيت يجي 6 كيلو فاسبوع وكسرت ال100 كيلو ونزلت عنهم كمان
انا باذن الله هعمل التحاليل الي اتقالي عليها وهعرضها على دكتور يقلي المفيد وبعدها ارجعلكم بالنتيجه
أنا مش حرد على باقي الكلام. خليني في الجملة دي. كلام خاطئ تماماً.
وانت بتشيل حديد انت بتستخدم مخزون الطاقة اللي في العضل (glycogen). مش بتحرق دهون.
عشان الدهون تتحرق، لازم تستخدم كل مخزون الطاقة الموجود في عضلات الجسم كله (glycogen) الأول عشان الجسم يبتدي يتحول للدهون كمصدر للطاقة. يعني لازم تعمل مجهود بدني عام يزيد من ضربات القلب (زي الجري) لمدة نص ساعة. بعد النص ساعة يبتدي جسمك يحرق الدهون.
شيل الأوزان لا يحرق أية دهون على الاطلاق. نفسي الناس تفهم النقطة دي.
لو لعبت حديد لازم تستمر فيه و لو على خفيف يوم ما تقول ما بلعبش يبقى 3 سعات فى الأسبوع
ما هو ده عتابي عليك. تحذير مطلق من غير ما تاخد بالك موضوع الرجيم وانك ليست لديك معلومات كافية عن الريجيم في العموم. عموماً حصل خير.
تمام. تظبيط الأكل له الأثر الأكبر. والجيم فعلاً مش رفع أوزان فقط. أنا فضلت أروح الجيم شهرين كاملين من غير ما أرفع وزن واحد.
بس معظم جيمات البلد عبارة عن صالة أوزان. وعموماً لما الواحد يقول "جيم" وخلاص في الأغلب المقصود بيبقى الحديد.