هل انت راضى عن حياتك فى مصر ؟

**Ahmed Nouh** · 23-09-2009 04:05 AM

راضى بأنها بلدى وبتمر بأزمه , وراضى انى اتربيت على ارضها وعشت فيها , وراضى علشان فيها اهلى ومش مستعد اتغرب بعيد عنهم , وراضى علشان اصحابى اللى فيها منى وبنفس دماغى وتفكيرى ومش مختلفين فى كل حاجه فى حياتنا , وراضى لأنى عارف ان فى ناس هنا نشأت واتربت بنفس الطريقه اللى انا اتربيت بيها وعارفين الصح من الغلط حتى لو مش بيعملو الصح لأن كل مكان فيه العصيان والخروج عن النظام , وراضى علشان البلد دى اللى فتحت عينى وخلتنى اعرف الصح من الغلط وخلتنى مثقف ومتعلم وبقيت عارف حقوقى وبدور عليها وبقيت عارف اخبار العالم اللى فى بلاد منه اكتشفت انها اسهل فى الحياه من هنا لكن مش دايما احسن , وراضى علشان شوفت بلاد محدش بيطالب فيها غير بتوفير الاكل والشرب والحياه العاديه اللى احنا بنتمتع بأكتر منها بكتير والحمد لله

مش راضى ان الوصول للهدف هنا صعب قوى , وان مش دايما هتلاقى طريق لموهبتك , ومش دايما هتبقى مطمن على مستقبلك , وان الحال دايما بيزيد سوء وبارقه الامل بقت بعيده قوى , ومش راضى على الهمجيه والتخلف والجهل اللى بقا متفشى بشكل بشع حتى فى الفئات التربويه والتعليميه اللى المفروض تكون قدوه , ومش راضى عن جيلى والجيل اللى فات واللى جاى واللى محدش منهم عمل حاجه للبلد بسبب اهماله او بسبب ان محدش وفر له الطريق , وان حقوقى هنا اللى ضايع منها اكتر بكتير قوى من اللى باخده وان احساسى كشخص مهم بالنسبه للبلد بيتلاشى كل يوم وبحس انى نقطه ميه فى موجه عاليه فى اى وقت هضيع فى وسط الزحمه وهينتهى بيا المطاف بشويه تراب يمتص كل مجهودى وبدون ما يترك اى بصمه تقول انى عملت حاجه برغم ان طول عمرى بكافح

وكل ده ولسه حتى مبقتش متزوج ولا شايل مسؤوليه اولاد وحامل هم مستقبلهم

ملخصا , انا قاعد فى مصر بقيه عمرى وربنا وحده عالم الحال هيكون ايه بكره , بس لو جالى فرصه فى الرحيل والحياه بكرامه ولتحقيق هدفى وحلمى فى الخارج مش هتردد فى قبولها , بس المهم مكنش منبوذ فى الخارج وابقى مجرد متعلق فى اخر طوق النجاه علشان بس اتنفس , لو هعيش بمهانه برا يبقى اموت فى بلدى ارحم واكرم , وسواء كان نصيبى فى مصر او خارجها انا معتز حتى النخاع بكونى مصرى وعمرى ما هفكر فى الهجره النهائيه برا البلد , الهجره الى الخارج بالنسبه لى ما هى الا انتقال لمكان تانى احقق فيه حلمى بعيدا عن تغيير هويتى

**misoalex** · 23-09-2009 04:37 AM

منقدرش نقول غير الحمد لله وفعلا الهروب مش حل بس للاسف ساعات بيبقى هو الحل

**D . a .\ AYMAN** · 23-09-2009 06:05 AM

QUOTE=tutankhamoun;3872001123] واحد هددني بالضرب و تكسير عربيتي أمام 6 أفراد شرطة ...... ومنهم واحد ظابط و بقولهم تشهدوا معايا في محضر كلهم قالوا ملناش دعوة طيب مين اللي له دعوة ؟؟؟؟؟؟؟؟؟؟ مين يحميني

ماهو المشكلة إن الضباط (جيش وشرطة) والقضاة عشان يشهدوا في واقعه مدنية لم يتصل بها علمهم بصورة رسمية بيبقى فيها قرف كتير لهم وهم أساسا ممنوع مثولهم للشهادة إلا بإذن كتابى من جهة عملهم .. وهو ده القانون اللى أصدره نواب الشعب ورضيوا بيه والتعليمات واللوائح اللى مصر عايشة بيها دون مبرر (المفروض إن الناس دي أصلا هية اللى منوط بيها التغيير والإصلاح الضابط أو وكيل النيابة كل حسب إختصاصه وفي دائرته يقوم مقام المحتسب يعني لما يمشي ويشوف غلط لازم يتدخل من تلقاء نفسه -لكن الحقيقة إنه لو عمل كده (وكيل النيابة بالذات) ممكن ياخد جزا أيا كان شكله عشان بيتصرف من دماغه بدون أوامر أو تعليمات مسبقة أو مأمورية رسمية باللى عمله- بس هاتقول لمين إحنا أبعد مايكون عن تطبيق الحاجات دي

[/QUOTE]

المشاركة الأصلية كتبت بواسطة r0xer

المشكلة إن الكل بيسب ويلعن في الحكومة والنظام والشعب. وكأنه هو نفسه مش من الشعب والحكومة دي مش قرايبه ولاد خيلانه وعمامه و عماته و اخواله و اصحابه و قرايبه كلهم! والنظام دا هو مبيستخدموش احيانا (شوف كام واحد طلع رخصة بالكوسة هنا!- وشوف كام واحد بيرشي الامناء هنا- وشوف كام واحد هنا لما رخصه اتسحبت وهو على 150ولاحاجة تلاقيه زعلان ومتدايق ولو حد تاني عدى من جمبه على 120 يسب ويلعن ويقولك فين قانون المرور) شعب بيشتم نفسه 24 ساعة والغريب في الموضوع إن الكل متقبل الشتيمة بصدر رحب لانه فاكر نفسه إنه خارج الدايرة المغلقة دي.....

متفق معاك تماما في كل حرف قلته .... لكني أحاول

المشاركة الأصلية كتبت بواسطة esamghanayem

والحل ؟

إبدأ بنفسك وحاول إصلاح غيرك ولا تيأس أبدا

هذا هو الحل الذي أعرفه وأحاول العمل به

--------------

أنا مش قادر أعلق على الموضوع الأصلي لأني مش عارف أحدد هل أنا راضي أم غير راضي ... لأن مصر زي مافيها حاجات كتير جدا وحشة ولا تحتمل ولا مثيل لها في العالم بأسره

فيها كمان حاجات جميلة وحلوة ولا مثيل لها أيضا في العالم بأسره عمرنا مانقدر نحكم عليها دلوقتي ومايحسش بيها غير اللى ساب مصر لمده كبيرة ..

أكيد في حاجات كويسة بتدينا القوة للعيش لأنها لو مش موجودة كنا موتنا من الغيظ من زمان .. كفاية الصحبة اللى الواحد بيشوفها هنا في المنتدى وبتديله أمل إن في ناس كتير كويسة ونفسها تعمل حاجة مش إنتوا مصريين برضه .... ياه وكتير جدا في منتديات تانية كتير وعلى النت عموما .. والموضوع إبتدى ينتشر حتى بين الناس العادية والله أعلم نهايته إيه

دوام الحال من المحال ... قاعدة صحيحة 100% ... لنصبر ونحاول الإصلاح

**Marwanelbendary** · 23-09-2009 09:59 AM

المشاركة الأصلية كتبت بواسطة marwanelbendary

الى كل من شارك في هذا الموضوع الهام
أنا عندي الحل اللي هايحل مشاكلكم ومشاكل كل واحد في مصر عايز يبقى بني ادم ويتغلب على الظلم اللي واقع عليه وعلى اللي حواليه
بس بشروط

مع شديد احترامي لكل الاراء ..

مش هاقدر أرد على كل المشاركات وخصوصا في مضوع كلنا عارفينه و مش هانتكلم عنه غير بتذمر وده ما بيجبش نتيجة..

وعلشان كدة هابتدي الشغل معاكم على طول..

بس واضح اننا متفقين على حاجة واحدة وهي التغيير الى الأحسن ألا وهي فطرة الانسان التي خلقه الله عليها...

الشرط الأول
اذا كنت لا تعلم تواضع لمن يعلم
واذا كنت تعلم تواضع للموهوب
واذاكنت موهوبا تواضع للمحترف
واذا كنت محترفا تواضع للخبير
واذا كنت خبيرا فتواضع للعالم
واذا كنت عالما فالله أعلم مننا جميعا (وما أوتيتم من العلم الا قليلا)

أنا هاتكلم عن المواضيع اللي هاتيجي على الوجيعة وتضغط على جروح الناس

مش مطلوب من الناس انها تملأ الموضوع بالموافقة على كلامي بالتذمر من الأوضواع و البكاء في المشاركات (علشان كلنا بنبكي بقالنا كتير و ما عملناش حاجة) وبالتالي تضيع جهودنا و يضيع تركيزنا في أمور فرعية ودي أكبر كارثة

مطلوب احساسي انكم متابعين عن طريق وجوب المشاركة بكلمة (متابع) وهي ضرورية جدا جدا و هاتفرق كتير قدام شوية وهابقى أقولكم ساعتها ليه...
وعلشان ده برده تشجيع لي على الاستمرار على انه الأمل الأخير للتغيير السريع ,المدروس ,المنطقي ,الايجابي و المضمون بمشيئة الله.

أول حاجة هاخاطب الفئات اللي المفروض تتابع هذا الموضوع وهي شخص عنده طموحات:

مادية (مثل: عايز أوضاع مادية أحسن )
معنوية(مثل: واحد عيز يحس بكيانه في عمله - تتطمئن على مستقبل بيتك وأولادك وأهلك من حيث التعليم والعمل بعد التعليم والزواج وخلافه.. - واحد عنده طموحات كبيرة ومافيش فرصة علشان فيه ناس ظلماه و مش مقدرة لقدراته .....الخ الخ)

واحنا ان شاء الله حانشتغل على العيوب المعنوية التي يؤدي اصلاحها الى اصلاح العيوب المادية.

**abzoabzo** · 23-09-2009 10:17 AM

لازم نبداء من الصفر علشان يبقى عندنا شجاعة ونقدر نواجه عيوبنا
اما عن نقطة كل واحد يصلح نفسه فده مشكلة كبيرة لان دمغنا مش زى بعض
ومتنسوش الجملة الشهيرة
اتفق العرب على الا يتفقوا