الموضوع: رابطة مالكي السويفت

المشاركة الأصلية كتبت بواسطة exact

احنا الاسعد يا جميـــــــــــــــل

بص يا باشا
موضوع الصفع او التصقيف او detonation
ده موضوع قتل بحثا بمعنى الكلمة وأنا هاحاول هنا أسرد لك بعض معلوماتي عنه بخصوص السويفت الكربيراتير

اول هام انت بتحط بنزين نوعه ايه؟؟؟ طبعا لو 80 يبقى الصقف ده طبيعي....وعموما السويفت المثالي ليها بنزين 90 وطبعا ال92 كويس بس عن تجربة كذا مرة هتلاقي العربية بتاكله حتى لو مظبطها معرفش ليه!!!! ودي ملحوظة مع كل العربيات الكربيراتير ايا كان نوعها

لك الف شكر يا د/مصطفى اولا على الاهتمام وثانيا على الرد الوافى الجميل

اولا انا بحط بنزين حاليا 80 مصر للبترول
وده بعد ما لقيت ان الفرق بين 90 و 80 فى موضوع تصقيف عربيتى ما يختلفش كتير

المشاركة الأصلية كتبت بواسطة exact

طيب...انا شخصيا ماشي بقى لي فتره اكتر من سنه بال 80 وكويس معايا...ازاي؟؟
عشان نتكلم لازم تعرف ان كل شئ بتمنه....هتحط بنزين 80 وتوفر يبقى سيادتك هتتنازل شوية عن بعض من عزم الموتور وتبدأ سيادتك بتأخير الكهربا بتاع الاسبيراتير شوية...هتروح جايب مفتاح ومهوي المسمارين الكبار بيتع الاسبيراتير شوية وبعدين هتلفه حوالي 1 او 2 ملليمتر بالكتير عكس عقارب الساعة وانت واقف عالجنب الشمال من العربية وتخللي بالك ان الموضوع ده حساس جدا لابعد مما تتخيل وان الحركة دي هتعملها لازم تبقى دقيقة....وبعد كده تجرب العربية....التاخير ده بيقلل التصقيف بس لاحظ انك كل ماهتأخر...هتضعف العزم شوية عشان كده بنقول ان الموضوع حساس

بالفعل انا عملت زى ماانت بتقول ولفيت الاسبراتير لحد ما صوت الموتور هدى شوية على السلانسيه
ملحوظة هل انا عندى اسبراتير عادى ولا الكترونى؟؟؟؟؟
لان الميكانيكى قالى ان الاسبراتير ده الكترونى وهو السبب فى عدم ضبط كهربه العربية وبالتالى موضوع التصقيف ده ولازم يتغير لانه ماينفعش يتصلح ولا يتنضف ولا يتغير فيه شىء

المشاركة الأصلية كتبت بواسطة exact

طيب...نعرف ازاي ان العربية كهربتها مظبوطة....سيادتك والعربية سخنة لازم يكون الار بي ام من 700 الى 800 هتروح ورا العربية وهي دايرة عالسلانسيه وعينك عالشكمان كويس جدا...هتلاقي الشكمان عمال يترعش ولو بسيطه....لازم الرعشه تكون منتظمة وميبقاش فيها تقطيع....

طيب لو السلانسيه مش من 700 ل 800 هتيجي سيادتك عالجنب اليمين من العربية وتبص عالكربيراتير من ورا هتلاقي مسمار له مقبض بلاستيك ابيض...هتبدا تلفه ربع لفه بربع لفة وكل مرة تشد سلك البنزين شدتين وتشوف العداد هينزل لحد كام وهكذا لح ما تستقر المسأله

انا عربيتى موديل 96 مصرى مافيهاش عداد rpm
هل فى طريقة اخرى لمعرفة ضبط الكهرباء؟؟؟؟

المشاركة الأصلية كتبت بواسطة exact

طيب ده كله مع ال 80....لو 90...سيادتك ممكن تجرب ظبط الكهربا برضه بس حاجة بسيطة واذ لم يكن يبقى هنجمد قلبنا وندوس جوه الكربيراتير ونبدأ نغير النسب بتاع الهوا والبنزين....بس ده موضوع العن من تأخير الكهربا ويفضل ان محترف اللي يعمله لو عاوز تعرف ابقى قول لي وانا اكتبه في مشاركة تانية

يا ريت والله لو سمحت حتى للعلم بالشىء ويكون من كرمك لو الشرح مدعم بالصور التوضيحية للفايدة العامة

المشاركة الأصلية كتبت بواسطة exact

حاجة كمان لازم تتعمل وبتسبب خشونة فالموتور وتزويد الاستهلاك ان سيادتك تنتظم جدا في تغيير البوجيهات وتجيب الدينسو النوع العادي او 7 وللا 8 جنيه الواحد وبحد اقصى 10000 كيلو متر....وغير اسلاك البوجيهات عشان بتفرق كتير قوي قوي....ودي بتتعمل على حسب انا مثلا مغيرها بعد 75000 كيلو والصراحة حسيت بالفرق وبالذات مع المكيف...وتخللي بالك لو الموبينه بتاعك من النوع الصغير اللي هو شبه علبة الكبريت لازم تجيب اسلاك بوجيهات مش نحاس ....وهتجيب اللي بيسموها هنا كربون او حراري عشان متطيرش الموبينة او اقل حاجة هتعملها هتجيب لك صداع من كتر الزن اللي هتسمعه في الكاسيت اما لو كانت موبينه عادية يبقى مش فارقة

انا فعلا غيرت بوجيهات قريب وجبت طقم كامل 4 قطع دنسو 45 جنيه(على فكرة انا من الاسكندرية)
لكن ما فرقتش كتير عن القديم اللى كان سليم وكويس لما غيرته
لكن اسلاك البوجيهات انا ما غيرتهاش علشان انا شيفها سليمة جدا ومافيهاش اى شى غريب
لكن الملحوظ فعلا ان صوت الموتور عندى عند المشى بيكون عالى اعلى من الصوت المفروض اسمعه للسرعة اللى انا ماشى عليها انا مش عارف ليه زى الاصوات اللى بسمعها وانا راكب مع سائق الميكروباص والتناية سوزوكى
على فكرة انا لسه مغير طقم دبرياج كامل (اسطوانة وديسك وبليه) كما نصحنى بكده الميكانيكى ولكن ما لحظتش الفرق الكبير اللى كنت منتظره فى زيادة عزم العربية وخصوصا وانا مركب معايا 3 افراد مثلا

المشاركة الأصلية كتبت بواسطة exact

وفي انتظار استفساراتك

ارجو ان اكون قد وضحت بعض المعلومات اللي عرفتها بالزمن وهنقول برضه
وفوق كل ذي علم عليم

معلش بقى انا طولت عليك جدا ولكن ده العشم فى خيرة الرجال
وفى انتظار اراء وردود باقى الاخوة الاعضاء

المشاركة الأصلية كتبت بواسطة semsem_inside

بصراحة الموضوع ده فيه كلام كتير جدا وآراء مختلفة بين المعدنى والتخليقى وانواع الزيت نفسها .. ولو بحثت على المنتدى هتلاقى مواضيع كتير بتتكلم عن كده

أنا رأيي الشخصى انك تشوف حالة المكنة بتاعتك ايه والزيت المستعمل قبل كده كان معدنى ولا تخليقى
وغالبا لو كان معدنى يبقى الافضل انك تكمل بمعدنى أما موضوع النوع اعتقد مش هتفرق كتير أى نوع من شركة معروفة

الاهم من النوع هو المحافظة على غيار الزيت بانتظام

متشكر على الافادة بس انا خبرتى ضعيفة و مش عارف الفرق بين المعدنى و التخليقى انا كنت عاوز اعرف انواع يعنى انا مثلا بستعمل كالتكس او بتروميد هل ده كويس ؟ و لا مش كويس للعربيه

لو سمحت يا دكتور مصطفي انا عايز مكان وتليفون كهربائي وميكانيكي فاهم سويفت 96ومش طماع ويكون بالقاهرة وشكرا لحضرتك

المشاركة الأصلية كتبت بواسطة exact

راجع رقم # 180

الف شكر يا دكتور مصطفى على الاهتمام بس انا متعود منك على التفصيل فى الشرح بس انا من كتر ما سمعت عن زيوت الموتور بقيت محتار .... ناس تقول ان موبيل زيت خفيف وده للعربيات الحديثة افضل فانا محتار .

وانا بردوا عاوز ميكانيكى نظيف اوى لسوفت الاتوماتيك ومكانه فين ويكون حنين لو حد عارف بالله عليكم محدش يبخل بمعلومه

شكلك زهقت منى يا د/مصطفى بس انا مستنى رد الوافى ان شاء الله على مشاركتى السابقة
وكلك اتمنى من باقى الاخوة ابداء الاهتمام والتواصل حتى تعم الفائدة ان شاء الله