احب انضم ليكم
انا عندى سوزوكى 92 يابانى لسه مشتريها قريب وفعلا تقفيل الاكر من جوه تعبااان وفى واحده مكسوره... يا ترى ممكن اعالج المشكله دى ولا الزقها وخلاص ؟؟؟
عرض للطباعة
يا جماعه انا عايز اشترى كربراتير لان العربيه واقفه
وكمان ضفيره العربيه فيها قفله ايه الحل؟
ارجو الرد بسرعه
انا عندى سوفيت 1999 ومشكلتى فى مشت الالكترونى ممكن حد يقولى ممكن القيه فين علما باننى من مرسى مطروح واحب اشترك فى رابطه سوزوكى سوفيت
الكربريتر ممكن تلاقيه استعمال فى حدود 750 جنيه وانا سمعت ان السوفيت كتير جدا فى المنصوره يعنى ممكن تلاقيه هناك لان فى المنصوره بيعشقوا السويفت
بص ياباشا...هو صوت الماكينه العالي ده ممكن الزيت وحش وممكن الكربراتير مش مظبوط عاوز يتظبط هوا وبنزين وبالذات لو بنزينك 80 ظبط الكهربا كويس وابقى حط عالاقل صفيحة 90 كل شهر وانا بالنسبة ليا كنت باحط زيت شيل هيليكس الترا الرمادي ده 10000كم بس عيبه انه بيخف بسرعة ومش بيكمل ال10000 بس ميزة كتم الصوت المشهور بها شيل وحاليا بقيت باستعمل موبيل 1 بيكمل 12000 بس مش بيكتم الصوت
اما صوت النحر ده فهو غالبا من الشكمان... فخللي بتاع الشكمان يفحص الشكمان لأن الموضوع ده جنني وكنت باسمعه واضح جدا لو ماشي في شارع ضيق او عالسريع جنب السور الخرسانة...المهم طلع فيه شرخ رفيع بعد مانيفولد الشكمان (المشترك)..فجه الراجل فك العلبة الورانية خالص...وفتح حته فالعلبة الوسطانية ولحم المصفه اللي فيها وبعدين دور العربية ومشي بيها ييجي 5 كم وهو قارص عالموتور والعلبه الورانية مش راكبه عشان ينطر الصدا اللي في العلبة الوسطانية بعد اما رجعنا الورشة قعد يهز العلبة الورانية وهي مفكوكة طبعا لحد ما نزل الوساخة كلها وحتت صدا...وبعدين ركب العلبة الورانية وظبط الافيزات وكله تمام...مع ملاحظة انه عمل خرم صغير في العلبة من جهة تحت من ناحية الماسورة الاخيرة عشان مفيش ميه تتحجز جوة الشكمان وتعمل بارومة
السؤال الأهم هو ايه اللي قال لك ان فيه عطل في المشط؟؟..
لأنه نادرا ما بيعطل وممكن يكون فيه حاجة تانية لأني عانيت من مشكلة في الكهربا والميكانيكي صمم انه المشط وانا قلت لأ وعاندنا مع بعض وفي الاخر طلع المشط سليم وكان حوار تاني فانت ايه مشكلتك...
المهم هو فيه منه جديد تايواني بس الصراحة شكله مش مريح ب 135 جنيه
السلام عليكم
انا الحمد لله اشتريت سويفت هاتش باك موديل 1993 عامله 23 الف بس فيها شغل كتير
انا عايز اجيب موسعدين رياضين يكونو علين ميوطوش العربيه فى الارض
ويشرفينى انى انضم الى رابطه السويفت
بالنسبه لزيت الفتيس المفروض يتغير كل قد ايه ؟؟؟ وايه انواعه وايه احسن حاحه؟؟؟
احب انضم الى الرابطه.
سويفت 93 يابانى 1300cc بالاضافة الى شويه تعديلات بها زى :
1-فلتر k&n اصلى امريكى بيركب مكان الاصلى بتاعها.
2-بوجيهات أرديوم.
3-سلوك بوجيهات من شركه ماجنى كور أمريكى معمول مخصوص للعربيه بمقاس 8MM اكبر من كقاسها ال 7MM
4-وصلات تقويه الارضى بتاع البطاريه،من النحاس الصافى وقطاش مطلى بالذهب شكلهم جنان.موزعه من خمس اسلاك معزوله حراريه موصله بجسم السيارة.
هو مش تعبان ولا حاجة هو له طريقة خاصه في فكه وتركبيه وبواخته جامده في الفك عشان ميتكسرش بيبقى عاوز حرص... وفي نفس الوقت بيبقى فيه تحت منه جوان متركب بس للأسف محدش بيظبطه مكانه وهو لو متركب مظبوط بتلاقي الاكر مظبوطة جدا عالباب وزي الفل وشكلها شياكة بس غباء الصنايعية...واعتقد انها بتتباع الواحدة ب 15 جنيه
يا ريت الإفاده فى الطريقه الاحسن لتلميع التابلوه وعلاج التشققات ؟؟؟
شكرا لردك بس كنت عايز اسالك على شويه حاجات وياريت اى حد عندو اجابه يفيدنى
دلوقتى انا عندى 3 مشاكل فى العربيه خلونى كرهتها صراحه
1. موضوع ثبات العربيه على الطريق هل فعلا الجنوط العريضه ها تحل المشكله دى؟؟؟ وايه المقاس اللى ينفع معاها
2. الدركسيون بيخبط جامد وصلحت الاسكترا كذا مره ايه حلها؟؟؟
3. الابواب زى ما بيقولوا كده بتشخشخ وبرضو رحت لكذا واحد بس مش قوى حلها ايه؟؟؟
السلم عليكم جميعا إسمحولى أنضم للرابطة بعربية 98 يابانى وكنت عايز أعرف أماكن قطع الغيار و مصاريف نقل الملكية والتأمين ولو ممكن الكتالوج لأن الموجود مع العربية مكتوب بالألمانى وشكرا للجميع
حسب معلوماتى و خبرتى من عربيتين سويفت قبل كده و الله أعلم:
1. الجنوط بتفرق كتير .. تحديدا الكاوتش العريض مش الجنوط .. المقاس المناسب 175/60/ٌr13 أنا كنت حاطط 185 فى العربية التانية بس كان وحش على العفشة.
2. بالنسبة للدركسيون حاجة من الاتنين .. يا علبة الدركسيون (الاسكترا) يا عامود القطمة .. لو انت متأكد انك صلحت علبة الدركسيون كويس .. خلى عفشجى يبص لك على عامود القطمة ممكن يكون مبوش أو الصليبة تحت مفكوكة .. لو مبوش نصيحة متصلحوش هيرجع تانى بعد شهر .. هات واحد استيراد بحوالى 125 جنية . وخد حد بيفهم فيهم معاك وانت بتشتريه.
3. بالنسبة للأبواب للأسف أنا عشت 3 سنين بالعربيتين كده .. روح ربطهم و ربط البنوز .. بس أنا بصراحه معرفش حل نهائى للمشكلة دى
مساء الخير يا جماعة
كنت عاوز اعرف ازاى افك التابلوة فى السويفت 95
علشان عاوز افك الوش العلوى بتعها علشان مشقق واشوف له حل
شكرا ليكم
أنا مجربتش أفكة قبل كدة .. بس الجزء اللى فوق ده بيتباع استيراد ب 150 جنية.
عند محل اسمه الكينج ميدو 2 فى أحمد حلمى .. هتلاقى كل ما تتخيلة وما لا تتخيلة من قطع الغيار.. لو عاوز ريشة من ريش هوايات التكييف اللى فى التابلوة هيديهالك
أنا كان عندى علامة سوزوكى اللى على الدركسيون واقعة .. قلت أشوف الدركسيون بكام .. مش فاكر قال لى بكام كدة .. قلت له ..طيب أنا ممكن اخد البلاستكه اللى عليها العلامة لوحدها .. قال لى ممكن ب 50 جنية .. قلت له طيب ممكن اجد العلامه الله على البلاستيكة بس .. قال لى ممكن ب 25 جنية .. و خدتها ب 20.
حتة التابلوة دى أنا كنت عاوز أغيرها و سألتة عليها وراهالى فى تابلوة زيرو و قال لى ب 175 يعنى ممكن تخلص على 150
نصيحة لو فكرت تشترى منه قطع غيار استيراد (مساعدين أو كبالن أو حاجات فى الموتور و العفشة) خد معاك حد بيفكم فيهم .. عشان أنا قبل كدة جبت تكييف و رجعتة و جبت مساعد و غيرتة من عنده
لو عندك الكتالوج ممكن تبعتهولى على الميل
wlng76@hotmail.com
بسم الله الرحمن الرحيم
انا ناوي ان شاء الله انضم لملاك السويفت ..
ادامي عربية سويفت موديل 93 ياباني سيدان .. فيها تكييف وسنتر وهاف باور .. مطلوب فيها 27 ...
يا ترى تنصحوني بايه سواء في الكشف عالعربية قبل الشراء .. أو بعد ما اشتريها ...
ويا ترى ايه مشكلة صباع الحرارة دي..
وازاي اتأكد من جودة التكييف.
مفيش حاجة اسمها هاف باور
روح اكشف على العربية فى بنزينة .. أو خد معاك سمكرى حوادث .. وخلى بالك من البارومة فى الحوض و السقف و ديول الرفارف.. لو فيها بارومة فى الحوض أو السقف متخدهاش
و سوقها و شوف الموتور والعفشة و جيب بيها 140 و شوفها عاملة ايه على الطريق و امشى بيها فى طرق مكسرة و شوف العفشة عاملة ايه .. و اخصم اى حاجه محتاجه تتعمل من تمنها
و ربنا يوفقك لما فيه الخير
يا هلا برجالة السويفت
انا معاكو يا رجاله سويفت نبيتى 98
بس ايه .......حكاية
السلام عليكم ورحمة الله وبركاته
انا اشتريت سوزوكى سويفت من 4 شهور موديل 96 يابانى والحمد لله العربية كويسة بس لاحظت ان مؤشر الحرارة لا يزيد ابدا عن المنتصف .انا قولت عادى فى الشتاء لكن لم يزيد عن النص لما الحر بدأ يدخل.
فهل ده طبيعى؟
بص يابرنس
اولا العربية اللي معاك غالبا مصري لأن آخر الياباني 1994 ودي معروفة
ثانيا انا عربيتي جاي فيها استيكر ملزوق فالتابلوه ان المؤشر المفروض دايما يبقى فالنص... ده طبعا بعد اما العربية تسخن
للعلم حرارة المياه يتم التحكم فيها بعدة طرق
اولا الرادياتير والمروحة ودي فيها ثيرموستات كهربائي راكب فالرادياتير من تحت اول مالحرارة تشخن يبدأ يشغل لمروحة
ثانيا تحكم ميكانيكي..وده ان دايما طلمبة المياه شغالة طول مالعربية دايرة زي مانت عارف...فده هيسبب صعوبة تسخين العربية فالجو البارد وعشان كده همه عاملين ثيرموستات ميكانيكي بيتحكم في سرعة مرور المياه في دورة التبريد وده بيكون مظبط انه يفتح مسار المياه اول اما توصل للحرارة المطلوبة وده غالبا مابيكون بالتزامن مع الثيرموستات الكهربائي...
وعشان كده بتلاقي مؤشر الحرارة ثبت فالنص لو النظام شغال كويس...
السلام عليكم
ايه يا جماعة انتم رحتم فين .........
كنت عايز أعرف فلتر الزيت بتاع السويفت بيتباع بكام وفين وايه انسب نوع
كونت جاى من الصحراوى وخبطت فى حجر الميكانيكى بيقول الشاسيه فتح منك هل ده لوه تاثير على العربيه
حديدلنى ارجوكم
ايه مفيش حد يقولى ويدلنى اعمل ايه
الله اعلم
بس لو عرفت الحل اكتبه عشان نستفيــــــــــــد
السلا عليكم
يا جماعة حد يعرف سعر الحاجات الآتية للأهمية :
- طلمبة المياه الأصلية
- الترموستات
- صباع الحرارة والكتاوت بتاع المروحة
وشكرا