My regards
يا ريت لو اشتريتهم تقولنا جبتهم بكام
عرض للطباعة
عندى سوفت اتوماتيك الفتيس مش بياخد غير غيار واحد وسالت ميكانيكى قالى الحساس بايض
حد يعرف اجيبه منين او كهربائى للفتيس الاتوماتيك ولو عند حد يقولى ويكون سعره حنين
يعنى محدش عارف خالص الحساس ده اجيبه منين
انا عندى سويفت 93 نبيتى المشكلة دى كانت عندى دى مشكلة فى بلى العجل غيرة احسن هتنساة
معلش اسف ايه بس دى قصه فى الاتوماتيك مش بلى العجل وممكن اعرف المشكله اللى عندك كانت ايه
مش عارف نفسي أقول لك عالحل الصعب
خليها مانيوال وخلاص كربيراتير وفتيس استيراد وريح دماغك من الاوتوماتيك وقرفه
بس الاوتوماتيك نعمة جامدة....وصعب الاستغناء عنه
الاوتوماتيك لازم تكون طابع دليل الصيانة في ايدك وفاهمه كويس وقاعد على يد العبقري اللي شغال
وربنا يهدي
ياجماعة محتاج تعديلات خفيفة اعملها في العربية لتحسين المظهر انا عندي سويفت 93 نبيتي لسى فبريكة برا وجوا وبرا السقف والشنطة فيهم حتت بيضة بتعت الفابريكة دي والمنظر مش عاجبني محتاج اي تعديل خفيف في الشكل او الاضاءة اي حاجة
وعايز اعرف سعر الاسكترا والكبالن بتعت السويفت وطقيم بلي العجل
انته عارف انا اشترتها اتوماتيك علشان قرف السواقه فى البلد دى
الناس كلها نامت ومحدش عارف حساس الاتوماتيك اجيبوا منين ولا حد عاوز يدلنى من اهل الخبره
صفاره تكون بلى امامى
ونه تكون بلى خلفى
ارفع العربيه عجله عجله ولف العجله الحره وحط ايدك فوقها على الصاج بتاع العربيه لو فيه خشانه تحس بيها فى ايدك ويكون هوا ده البليه الى مطلوب تغيرها
وهيا ما بتتشحمش الى قدام بليه عاديه بحوالىمن 60 الى 90 جم
والى ورا بليه بصره كامله وبتكون ب 250 جم للواحده
والله المستعان
ياشباب ممكن لو حد عنده او يعرف حد عنده سويفت 93 للبيع فابريكة جوه بحالة جيدة يبلغنى
لانى لفييت كتير وتقريبا جاتلى حالة يأس
وشكرا مقدما
السلام عليكم
انا فى منتهى السعادة :36_3_10[1]:ان اكون عضو جديد وفعال فى تلك الرابطة الجميلة والخدومة ان شاء الله
انا عربيتة سوزوكى سويفت موديل 96 تجميع مصرى تانى يد
اشترتها من شهر مارس اللى فات بس فيها مشكلة كنت فكرها سهلة لكن لحد الان مازالت قائمة:_Alshmokh08[1]: وهى مشكلة صوت تصقيف عند الضغط على البنزين عند باية كل غيار
ارجو الافادة وفى انتظار الردود
من فضلك لو سمحت تكتب رابط التحميل او اكون فى منمتهى السعادة ان نتواصل على الميل
elmohands75@yahoo.com
tn hkj/hv hgv] rvdfh
احنا الاسعد يا جميـــــــــــــــل
بص يا باشا
موضوع الصفع او التصقيف او Detonation
ده موضوع قتل بحثا بمعنى الكلمة وأنا هاحاول هنا أسرد لك بعض معلوماتي عنه بخصوص السويفت الكربيراتير
اول هام انت بتحط بنزين نوعه ايه؟؟؟ طبعا لو 80 يبقى الصقف ده طبيعي....وعموما السويفت المثالي ليها بنزين 90 وطبعا ال92 كويس بس عن تجربة كذا مرة هتلاقي العربية بتاكله حتى لو مظبطها معرفش ليه!!!! ودي ملحوظة مع كل العربيات الكربيراتير ايا كان نوعها
طيب...انا شخصيا ماشي بقى لي فتره اكتر من سنه بال 80 وكويس معايا...ازاي؟؟
عشان نتكلم لازم تعرف ان كل شئ بتمنه....هتحط بنزين 80 وتوفر يبقى سيادتك هتتنازل شوية عن بعض من عزم الموتور وتبدأ سيادتك بتأخير الكهربا بتاع الاسبيراتير شوية...هتروح جايب مفتاح ومهوي المسمارين الكبار بيتع الاسبيراتير شوية وبعدين هتلفه حوالي 1 او 2 ملليمتر بالكتير عكس عقارب الساعة وانت واقف عالجنب الشمال من العربية وتخللي بالك ان الموضوع ده حساس جدا لابعد مما تتخيل وان الحركة دي هتعملها لازم تبقى دقيقة....وبعد كده تجرب العربية....التاخير ده بيقلل التصقيف بس لاحظ انك كل ماهتأخر...هتضعف العزم شوية عشان كده بنقول ان الموضوع حساس
طيب...نعرف ازاي ان العربية كهربتها مظبوطة....سيادتك والعربية سخنة لازم يكون الار بي ام من 700 الى 800 هتروح ورا العربية وهي دايرة عالسلانسيه وعينك عالشكمان كويس جدا...هتلاقي الشكمان عمال يترعش ولو بسيطه....لازم الرعشه تكون منتظمة وميبقاش فيها تقطيع....
طيب لو السلانسيه مش من 700 ل 800 هتيجي سيادتك عالجنب اليمين من العربية وتبص عالكربيراتير من ورا هتلاقي مسمار له مقبض بلاستيك ابيض...هتبدا تلفه ربع لفه بربع لفة وكل مرة تشد سلك البنزين شدتين وتشوف العداد هينزل لحد كام وهكذا لح ما تستقر المسأله
طيب ده كله مع ال 80....لو 90...سيادتك ممكن تجرب ظبط الكهربا برضه بس حاجة بسيطة واذ لم يكن يبقى هنجمد قلبنا وندوس جوه الكربيراتير ونبدأ نغير النسب بتاع الهوا والبنزين....بس ده موضوع العن من تأخير الكهربا ويفضل ان محترف اللي يعمله لو عاوز تعرف ابقى قول لي وانا اكتبه في مشاركة تانية
حاجة كمان لازم تتعمل وبتسبب خشونة فالموتور وتزويد الاستهلاك ان سيادتك تنتظم جدا في تغيير البوجيهات وتجيب الدينسو النوع العادي او 7 وللا 8 جنيه الواحد وبحد اقصى 10000 كيلو متر....وغير اسلاك البوجيهات عشان بتفرق كتير قوي قوي....ودي بتتعمل على حسب انا مثلا مغيرها بعد 75000 كيلو والصراحة حسيت بالفرق وبالذات مع المكيف...وتخللي بالك لو الموبينه بتاعك من النوع الصغير اللي هو شبه علبة الكبريت لازم تجيب اسلاك بوجيهات مش نحاس ....وهتجيب اللي بيسموها هنا كربون او حراري عشان متطيرش الموبينة او اقل حاجة هتعملها هتجيب لك صداع من كتر الزن اللي هتسمعه في الكاسيت اما لو كانت موبينه عادية يبقى مش فارقة
وفي انتظار استفساراتك
ارجو ان اكون قد وضحت بعض المعلومات اللي عرفتها بالزمن وهنقول برضه
وفوق كل ذي علم عليم
نسيت أقول لك ابقى جرب قبل اي حاجة غير البنزينة اللي بتمون منها ولو جنبك بنزينة وطنية خش مون مرتين تلاتة منها عشان دول تقريبا البنزين الاستاندارد
السلام عليكم ورحمة الله وبركاته
انا عندى سويفت موديل 96 و عايز اعرف ايه انسب نوع زيت للموتور
يا سلام عليك يا د/مصطفى
والله معلوماتك بتفيدنا كتير .. والله أنا بقترح انك تعمل شوية مواضيع تعليمية خاصة بالسوزوكى سويفت تنقلنا فيها تجاربك مع العربية
ثانيا بالنسبة لموضوع البنزين ففعلا زي ما انت قلت وعن تجربة شخصية : صوت الصقيف بيزيد فعلا مع بنزين 80 عند بداية الغيارات خاصة لو مش مشبع الغيار السابق كويس وطبعا الصوت بيقل كتير او يختفى مع بنزين 90
أنا عن نفسى بزود بنزين كل ما احس ان التنك وصل للنص وبزود مرة 80 ومرة 90 بس بفكر جديا انى استعمل 90على طول
بصراحة الموضوع ده فيه كلام كتير جدا وآراء مختلفة بين المعدنى والتخليقى وانواع الزيت نفسها .. ولو بحثت على المنتدى هتلاقى مواضيع كتير بتتكلم عن كده :majd(4):
أنا رأيي الشخصى انك تشوف حالة المكنة بتاعتك ايه والزيت المستعمل قبل كده كان معدنى ولا تخليقى
وغالبا لو كان معدنى يبقى الافضل انك تكمل بمعدنى أما موضوع النوع اعتقد مش هتفرق كتير أى نوع من شركة معروفة
الاهم من النوع هو المحافظة على غيار الزيت بانتظام :verygood:
معاك في معظم كلامك ياباشا
وبالذات في نقطة حالة المكنة.... لأن مش معقول هتبقى مكنة تعبانة ونحط زيت 10000 طبعا قبل النهاية هتلاقي نصه راح ان لم يكن كله
و مختلف معاك بخصوص التحويل من معدني لتخليقي لأن ده مفيش منه اي مشكلة....ده انت بتحط الانضف والاحسن...أنا شخصيا باستعمل موبيل وان.... اربعة كيلو الا شوية وبعد اما بيجيب ال 7 او 8000 باروح حاطط الشوية دول عشان عامل البخر....بانزله بعد 10000 وبابقى حاسس انه ممكن يكمل شوية كمان....ومرة افتريت وكملت بيه 12000...بس طبعا لااااااااااااااازم مع الزيت ده تحط فلتر ياباني وانا باجيب فلتر vic ابو علبه خضرا بيعمل له حوالي 25 جنيه....عشان لو حطيت فلتر عادي ممكن يتلف بسرعة
الله يكرمك يا حبيــــبي
وانت الصادق دي مش تجارب....دي مقالب
العربية دي بقى لها معايا ييجي سنة ونص
ورتني وهتوريني اللي عمري ما شفته
آخر موضة عندي ان مسامير العجل بتفوت...يا إما من الطنبورة يا إما السن يتآكل...وفي عجلة واحدة....وقبل ما تكمل العربية متظبطة عفشة وعجل بريدجيستون جديد....
أعتقد موضوع تشبيع الغيار مهم...وبالذات مع التكييف...مثلا
من1-2 عند 2000-2500 ار بي ام
من 2-3 عند 3000
من 3-4 عند 3000
من 4-5 عند 2500
وده عشان تحس بالعـــزم من غير تصقيف وتبدأ الغيار من غير قرص....يعني واحدة واحدة لحد اما رجلك تاخد عليه
وهتستعمل 90 كله بتمنه
لك الف شكر يا د/مصطفى اولا على الاهتمام وثانيا على الرد الوافى الجميل
اولا انا بحط بنزين حاليا 80 مصر للبترولبالفعل انا عملت زى ماانت بتقول ولفيت الاسبراتير لحد ما صوت الموتور هدى شوية على السلانسيه
وده بعد ما لقيت ان الفرق بين 90 و 80 فى موضوع تصقيف عربيتى ما يختلفش كتير
ملحوظة هل انا عندى اسبراتير عادى ولا الكترونى؟؟؟؟؟
لان الميكانيكى قالى ان الاسبراتير ده الكترونى وهو السبب فى عدم ضبط كهربه العربية وبالتالى موضوع التصقيف ده ولازم يتغير لانه ماينفعش يتصلح ولا يتنضف ولا يتغير فيه شىء
انا عربيتى موديل 96 مصرى مافيهاش عداد rpm
هل فى طريقة اخرى لمعرفة ضبط الكهرباء؟؟؟؟يا ريت والله لو سمحت حتى للعلم بالشىء ويكون من كرمك لو الشرح مدعم بالصور التوضيحية للفايدة العامةانا فعلا غيرت بوجيهات قريب وجبت طقم كامل 4 قطع دنسو 45 جنيه(على فكرة انا من الاسكندرية)معلش بقى انا طولت عليك جدا ولكن ده العشم فى خيرة الرجال
لكن ما فرقتش كتير عن القديم اللى كان سليم وكويس لما غيرته
لكن اسلاك البوجيهات انا ما غيرتهاش علشان انا شيفها سليمة جدا ومافيهاش اى شى غريب
لكن الملحوظ فعلا ان صوت الموتور عندى عند المشى بيكون عالى اعلى من الصوت المفروض اسمعه للسرعة اللى انا ماشى عليها انا مش عارف ليه زى الاصوات اللى بسمعها وانا راكب مع سائق الميكروباص والتناية سوزوكى
على فكرة انا لسه مغير طقم دبرياج كامل (اسطوانة وديسك وبليه) كما نصحنى بكده الميكانيكى ولكن ما لحظتش الفرق الكبير اللى كنت منتظره فى زيادة عزم العربية وخصوصا وانا مركب معايا 3 افراد مثلا
وفى انتظار اراء وردود باقى الاخوة الاعضاء
لو سمحت يا دكتور مصطفي انا عايز مكان وتليفون كهربائي وميكانيكي فاهم سويفت 96ومش طماع ويكون بالقاهرة وشكرا لحضرتك
وانا بردوا عاوز ميكانيكى نظيف اوى لسوفت الاتوماتيك ومكانه فين ويكون حنين لو حد عارف بالله عليكم محدش يبخل بمعلومه
شكلك زهقت منى يا د/مصطفى :rfds:بس انا مستنى رد الوافى ان شاء الله على مشاركتى السابقة
وكلك اتمنى من باقى الاخوة ابداء الاهتمام والتواصل:3_3_102[1]: حتى تعم الفائدة ان شاء الله
لا والله انا مش بازهق...بس ضغط الشغل عالي جدا....مع تجديد اعفاء التجنيد....مع الحر....مع زن بنتي كله على كله....خلطة مش منطقية زي دولسي كده..
لك الف شكر يا د/مصطفى اولا على الاهتمام وثانيا على الرد الوافى الجميل
لا شكر على واجب يا باشا
اولا انا بحط بنزين حاليا 80 مصر للبترول
وده بعد ما لقيت ان الفرق بين 90 و 80 فى موضوع تصقيف عربيتى ما يختلفش كتير
مصلحة ووفرنا كتيــــــــــر وخصوصا لو كنت من اللي بيقلبوا العداد كل سنتين زيي....أنا برضه من التعاون او مصــر بس باحس شوية ان مصر أحسن
بالفعل انا عملت زى ماانت بتقول ولفيت الاسبراتير لحد ما صوت الموتور هدى شوية على السلانسيه
ملحوظة هل انا عندى اسبراتير عادى ولا الكترونى؟؟؟؟؟
المواتير موديل G13B كلها اسبراتير الكتروني يعني مفيش أبلاتين وكوندينسر وده أحسن كتير جدا من النظام القديم لأن القديم كله أعطال وعاوز ظبط للثغرة بتاع الابلاتين وكل شوية الأبلاتين يلدع ويعوز يتغير وقلبانة دماغ وأسمع ان الالكتروني بيساعد في وفر البنزين
لان الميكانيكى قالى ان الاسبراتير ده الكترونى وهو السبب فى عدم ضبط كهربه العربية وبالتالى موضوع التصقيف ده ولازم يتغير لانه ماينفعش يتصلح ولا يتنضف ولا يتغير فيه شىء
الاسبيراتير غالبا مش بيبوظ والالكتروني أعطاله أقل كتير جدا...ويوم ما بيعطل بتفكه وتشيل الوش ووراه حاجة مدورة عليها نحاسة حرف تي بيسموها الشاكوش ووراها غطا مدور كمان بيتشال باليد على طول هتلاقي قطعة من ماده شبه السيراميك كده دي بيسموها المشط وده اللي بيقطع الكهربا للموبينة مكان الابلاتين والكوندنسر والاصلي بيكون ميتسوبيشي....وسعر التايواني العرة لا مؤاخذه حوالي 135....اي تلف فالاسبيراتير او الكهربا وده حسب معلوماتي بيعمل تنتيش فالعربية ويضعف السحب....بينما حكاية الصوت العالي دي عيوب ظبط على حد علمي
انا عربيتى موديل 96 مصرى مافيهاش عداد rpm
هل فى طريقة اخرى لمعرفة ضبط الكهرباء؟؟؟؟
والله من ملاحظتي انت بتقيد النور الصغير مش الواطي وتسخن العربية وبعدين تبدأ تلف المسمار لحد اما تلاقي مفيش رجه فالموتور ااو جسم العربية....بمعنى بتحاول توطي العربية بحيث متحصلش رجة او رعشة فالسلانسيه...ده اللي كنت باعمله قبل اما اركب لوحة عدادات بالار بي ام وكان سعرها بعد المناهده وطلوع الروح 130 جنيه وركبتها بنفسي
انا فعلا غيرت بوجيهات قريب وجبت طقم كامل 4 قطع دنسو 45 جنيه(على فكرة انا من الاسكندرية)
لكن ما فرقتش كتير عن القديم اللى كان سليم وكويس لما غيرته
لكن اسلاك البوجيهات انا ما غيرتهاش علشان انا شيفها سليمة جدا ومافيهاش اى شى غريب
لكن الملحوظ فعلا ان صوت الموتور عندى عند المشى بيكون عالى اعلى من الصوت المفروض اسمعه للسرعة اللى انا ماشى عليها انا مش عارف ليه زى الاصوات اللى بسمعها وانا راكب مع سائق الميكروباص والتناية سوزوكى
طبيعي عشان الهوا ما بينكم بيحوش الصوت ومتركزش قوي فالموضوع عشان هتتعب وخصوصا لو هتقارن بالعربيات الحديثة
على فكرة انا لسه مغير طقم دبرياج كامل (اسطوانة وديسك وبليه) كما نصحنى بكده الميكانيكى ولكن ما لحظتش الفرق الكبير اللى كنت منتظره فى زيادة عزم العربية وخصوصا وانا مركب معايا 3 افراد مثلا
أنا معنديش معلومات عن الدبرياج الصراحة بس اللي اعرفه ان اما مجموعة الدبرياج بتبوظ العربية اول الغيار متسحبش وصوتها يبقى عالي وبعدين تاخد السرعة واحده واحدة...وده طبعا عشان التفويت.....وطبعا العيوب التانية زي العضة مثلا فالغيارات
معلش بقى انا طولت عليك جدا ولكن ده العشم فى خيرة الرجال
وفى انتظار اراء وردود باقى الاخوة الاعضاء
ياباشا طول براحتك واديني بنجرب ونتعلم كلنا
أي استفسار في أي وقت يا حبايبنا
حضرتك ممكن تتطلع على المواضيع التالية والتى طرحت من قبل فى المنتدى يمكن تجد ضالتك :
http://www.nilemotors.net/Nile/118054-a-2.html
http://www.nilemotors.net/Nile/154567-a.html
http://www.nilemotors.net/Nile/42272-bp-visco.html
http://www.nilemotors.net/Nile/145561-visco-xhp.html
http://www.nilemotors.net/Nile/150423-a.html
http://www.nilemotors.net/Nile/150662-1000-3000-5000-10000-a.html
محدش فادنى خالص عاوز ميكانيكى متخصص فى السوفت الاتوماتيك
ممكن تذكر عنوانك
وأكيد لو حد من الزملاء فى القسم يعرف هيدلك ان شاء الله
الحمد لله
أخيرا يا جماعة مشكلة عداد RPM اللى كنت طرحتها قبل كده اتحلت :B4_388:
وتخيلوا الموضوع كله كان عبارة عن ايه :
- أولا رحت اشتريت عداد RPM زى اللى عندى
- قمت بالمغامرة وفكيت لوحة العدادات بنفسى
- وبعد ما فكيتها لقيت ان العداد بيكون متركب على البورده بثلاث مسامير ( الثلاث أطراف بتوع العداد ) . اكتشفت ان مسمار من الثلاثة واقع
- وطبعا تعبت شوية على ما لقيت مسمار زيه :majd(4):
- قلت اركبه واجرب :36_7_4[1]:
- والمفاجأة لقيت العداد بتاعى اشتغل :verygood:
( بس أحيانا بيعلق على الالف مش عارف ليه)
قلت انقل لكم اللى حصلى علشان الكل يستفيد
انا من فيصل مفيش ميكانيكى يفهم فى السوفت الاتوماتيك قريب من فيصل
أنا كنت باغير جوان التاكيهات من كام يوم
وبعيد عنكم شفت طين جوه المكنة وبيسمى Sludge
مشابه للي موجود فالصورة دي
http://www.carbibles.com/images/sludge2.jpg
وحاسس انه مخلي المكنة قافشة وخشنة
فسمعت عن موضوع Engine Flush
وده فيديو عن الموضوع
YouTube - ‪PRO-TEC Engine Flush - Oil System Cleaning (en)‬‎
ولقيت ده في احد المحلات
فهل يا ترى حد عنده فكرة او جرب
http://i904.photobucket.com/albums/a...s/P1050099.jpg