صباح الفل
طلمبه المياه يابانى اصلى بس مش فاكر نوعها بصراحه بحوالى 125 جنيه ممكن تزيد او تقل 5 او 10 جنيه
الباقى مش عارف سعره
عرض للطباعة
أنا فعلا سألت لقيت طلمبة المياة اليبانى الأصلى ثمنها 123 أما صباع الحرارة 20 جنيه
العربيه بعد ال 80 القيها فيها رعشه جامده وباينه اوى فى الدركسيون اعمل ايه فى الموضوع ده
عندى عربيه سويفت اتوماتيك كل ما اشغل النور العالى او النور والكلكس عداد الحراره يعلى اوى فوق 100 والعربيه يبقى فيها رعشه وبرجله اعمل ايه فى الموضوع ده
مفيش حد هنا يعرف العيب فين
من اخوانى بتوع الربطه السوفتيه
لحظيا يعني؟؟
أؤيد نظريتك جدا جدا جدا
بدليل حكاية انه بيقول ان الحرارة بتعلى اما بيضرب كلاكس ومحدش بيضرب كلاكس ربع ساعة فمعني الكلام ان العملية لحظية ودي غالبا جاية ان احد السيليكونات او المكثفات في لوحة العدادات اتحرق او ان فيه عيب وصلات
ودي صورة العداد الطبيعي
http://i904.photobucket.com/albums/a...a/P1040748.jpg
اولا شكرا على ردك واهتمامك بس مش بتبقى لحظيا طول ما انا مشغل النور العالى صوت الماتور بيعلى زياده عن اللزوم ومش بيزل غير لما اطفى النور العالى والواطى مع الكلاكس العربيه بترعش وتبرجل
السلام عليكم و رحمة الله
أحب أنضم للرابطة عندى سويفت نبيتى موديل 96 و هى بصراحة جميلة جداً
حصل معايا مشكلة ان شاء الله تكون بسيطة
مروحة الرادياتير غيرتها بس بعد ما غيرتها لاحظت ان صوتها اعلى من الأول مش عارف ليه؟
بخصوص النور هاقول لك على حاجة تعملها...دور العربية لحد اما تسخن...وبعدين خللي حد يركب العربية وافتح الكبوت وخليه يبدا يشغل النور وهتراقب الكربيراتير كويس جدا من ناحية الرفرف اليمين...هتلاقي دراع صغير كده في آخره مسمار قلاووظ اول اما النور يقيد بينزل ويضغط من المسمار على دراع تاني...ابدأ فك المسمار ده سنه سنه وهتلاقي كل اما بتلف لفة العربية توطى شويه...وبعدين اطفى النور وارجع شغله مرتين تلاتة...بس نصيحة لوجه الله خليه اما النور يقيد يعلي البنزين سنه صغيرة قوي ومتفكش المسمار خالص عشان البطارية هتنام منك
فكرة الدراع ده انه معمول اما يبقى فيه حمل كهربا بيزود سنة بنزين عشان يدي سرعة للدينامو عشان ميبقاش فيه حمل عالبطارية...وفي نفس الوقت ميبطلش الموتور وممكن على بكرة كده اصورهولك
ممكن عاوزة تتربط او المروحة نفسها معيوبة فيها ريشه اتقل من التانية فمش بتبقى موزونة او فيه ريشة مشروخة
يارجالة أنا العربية سخنت امبارح
وديتها للدكتور
كشف عليها ولقينا فيه حصوه فالردياتير
آه والله...لقينا الردياتير مليان زلط ورواسب كلسية من الميه القذرة
على اني حاطط ميه خضرا من اللي المفروض انها بتدوب الصدا
ومفيش ولا ماسورة سالكة
كنت راجع من القاهرة وجيت عند أجا كده لقيت المكيف الله اجعله خير ولا الديب فريزر على غير العادة مع ان الجو نااااااااااااار
لدرجة اني من كتر البرودة قلت افتح الشباك
اسمع المكنه بتكركر كان فيها بنزين 70
مع اني كنت ماشي على 90 ومديها الرابع
رحت راكن على جنب وقبل ما اقف اجاركم الله من اللي حصل
الاقي العربية بتطلع دخان من كل مكان ومش قادر المس الكبوت
فتحت الكبوت بالعافية ولقيت كل شئ في حوض الموتور بلا استثاء بيدخن
مع ان عداد الحرارة ثااااااااااااااااابت فالنص
والقربة ناشفة حجر وبتدخن جامد جدا
قعدت ييجي ساعة جنبها
رفعت مقاس الزيت لقيته سليم ولله الحمد بس الزيت طبعا اتحرق وطاروا ال 230 جنيه بتوع الموبيل وان
جبت القمع وفتحت الردياتير ودورت العربية ولسه باحط المية لقيت صاروخ ميه سخنة كان هيطير عيني لولا ستر ربنا والحمد لله على النضارة
استنيت شويتين وبعدين زودت واحدة واحدة لحد اما شبعت
الغريب حكاية عداد الحرارة مع انه بيتجاوب مع السرعة وكانت العربية سخنت قبل كده من فترة وكان بطلع وينزل
المهم انا باوجه من هنا رساله لكل واحد بيسافر...ركز مع الردياتير جامد جامد جامد
متشكر على الرد الوافى ده بس انا عملت اللى انته قولت عليه لقيت فعلا صوت الماتور خف شويه بس لسه موجود لما افتح النور العالى او ادى انتظار يعنى اى كهرباء بتلغبط العربيه
على العلم انى قست الديناموا والبطاريه مرتين ويقولولى تمام
اعمل ايه علشان الموضوع ده مجنينى
وياريت تصوره علشان ابقى متاكد منه
وشكرا اوى يا باشا على اهتمامك ويا ريت نتواصل مع بعض
شكرا يا باشا لاهتامك والله يكون فى العون
فعلا الواحد مش عارف حل لموضوع الميه ده .. يا ترى هل فى نوع كويس وموثوق فيه
أنا خطر فى بالى حاجة مهمة جدا بس مش عارف هل هى صحيحة ولا لأه
ممكن الميه الخضراء تكون بتدوب الصدأ وبالتالى بتعمل ترسيبات وانسدادات فى الردياتير وممكن تعمل مشاكل فى طلمبة المياه كمان
مش عارف ده صح ولا غلط
وبعدين ايه الحل نزود ميه مقطرة ولا نعمل ايه بس ..
وبعدين ايه أفضل الطرق لغسيل دورة التبريد وتنظيفها من الشوائب
يا جماعة هى مرايات السويفت 1993 كهربائية ولا بتحكم يدوى
يا جماعة قدامي سويفت نبيتي موديل 93 فابريكه برا وجوا عامله 66 الف كيلو ب 29 ياترى ددهع سعر كويس ولا انضحك عليا مع العلم الفرش الاصلي بحالتة والطابلوه كمان بحالتة وتكييف ما شاء الله وماكنة كويسة وعفشة محتاجة تربيط بسيط ياريت تقولولي السعر مناسب ولا لاء
وسؤال اخر انا لو بدلت راديتير السويفت براديتير بطة التخين ده هيكون افضل ؟؟؟؟؟؟؟
احب انضم للرابطة اشتريت سوزوكيسويفت 94 كاملة فابريكا برا وجوا
بس عايز اعرف ازاي اجمع سرعة يعني لو بشد معحد او عايز اعدي من بيم عربيتين اعمل اية
وسؤال حصل موقف بسيط كدا واطريت اشد الهاند العربية زحفت نض متر بعد كدا لما جيت امشي بسمع صفارة على السرعة الخفيفة جاية من الفردة اليمين ورا ولما بزود سرعة بتختفي
وسؤال كمان اعرف ازاي ان التكييف محتاج شحن او مشحون واية انسب نوع زيت للماكنة عشان هغيرو بعد 200 كيلو يعني اليومين دول وبالنسبة لصوت البيبان في المطبات اية حلة
ولو حصل وخمست بالعربية دي في مناسبة مرة في السنة يعني بس بعقل في مشاكل عليها ؟؟؟؟؟؟؟؟
احب انضم للرابطة اشتريت سوزوكيسويفت 94 كاملة فابريكا برا وجوا
يا هلا بيك
بس عايز اعرف ازاي اجمع سرعة يعني لو بشد مع حد او عايز اعدي من بين عربيتين اعمل ايه؟
اللي انت بتتكلم فيه ده موضوع كبير جدا بس مبدئيا لازم موتورك واسبيراتير وكربيراتير ممتازين ومتظبطين....وحكاية الشد ده نمط قيادة ونصيحة خالصة مش هتفرق في الاخر....انت واللي شديت قصاده يمكن لو سبقته بكيلو هيحصلك عند أول مطب أو اشارة فمفيش داعي ليه...ممكن انت لو عاوز تشد يبقى تتأخر فالنقل وانا شخصيا باحس ان الترسين التالت والرابع هما تخصص الشد يعني تدي التالت على 50 كده لحد 80 وبعدين تدي الرابع وهكذا بس نصيحة بلاش اسلوب الشد الا في المواقف التي تستدعي وحتى كنوع من الحفاظ على العربية وتوفيرا للبنزين
وسؤال حصل موقف بسيط كدا واطريت اشد الهاند العربية زحفت نض متر بعد كدا لما جيت امشي بسمع صفارة على السرعة الخفيفة جاية من الفردة اليمين ورا ولما بزود سرعة بتختفي
دي هتروح للميكانيكي بيتاعك او حد بتاع فرامل هيظبط لك رجلاش فرامل اليد من الطنبورة اللي ورا وخليه يظبط لك العجلتين بالمرة
وسؤال كمان اعرف ازاي ان التكييف محتاج شحن او مشحون؟؟
بص ياباشا...انت بتشغل التكييف على وضع AC والسرعة على 4 وتسيب الشباك مفتوح وتبص على وش العربية فيه حاجة اسمها مجفف هتلاقيه علبه معدن اسطوانية كده جنب الكلاكسات من قدام وفيه عدسة ازاز من فوق....والتكييف شغال هتدي سنة بنزين صغيرة وتبص فالعدسة لو شفت الفريون سايل او فيه فقاعات هوا بسيطة بتعدي يبقى الشحن تمام ولو كانت كتير يبقى عاوز تزوده....التزويد بعد ما تعرف نوع الفريون ايه وكنت عملت موضوع عن تزويد الفريون خش هنا تشوف الموضوع ده انا اللي عامله
واية انسب نوع زيت للماكنة عشان هغيرو بعد 200 كيلو يعني اليومين دول
الموضوع ده فيه خلاف شديد جدا...بس هاقول لك على حاجة وهو رأيي الشخصي اللي مبني على تجربة....انا العربية في يوم الميه اتصفت منها وانا ماشي من كام يوم فالحر ومشوار بتاع 150 كيلو لدرجة اني على ما خدت بالي وفتحت الكبوت لقيت الدخان مغطي الدنيا (وكانت هتيجي فالنشرة) المهم اللي نجدني يومها الزيت انه كويس...وانا باستعمل موبيل وان ب 235 جنيه وباقعده 10000 كيلو بس باجيب فلتر ياباني اسمه VIC علبته خصرا ودلوقت ب 25 جنيه وتقريبا مقاس السويفت فيه C110 ودي تتأكد منها من صاحب المحل.....واستعملت برضة شيل هيليكس الترا 10000 كيلو....كان كويس ومش مخللي للعربية صوت....بس يعيبه انه خفيف شوية عن موبيل فباستعمله ساعات فالشتا
وبالنسبة لصوت البيبان في المطبات اية حلة
حله انك تظبط البنوز وكاوتشات الباب عند حد كويس بس هيفضل موجود بعض الشئ برضه
ولو حصل وخمست بالعربية دي في مناسبة مرة في السنة يعني بس بعقل في مشاكل عليها ؟؟؟؟؟؟؟؟
الطيـــــــــــــب أحسن
خلاصة الكلام عاملها كويس هتعيش معاك وهي مش بتاع حركات عشان العربية خفيفة (حوالي 850 كيلو) بدل ما تطيش منك
بجد يا د/ مصطفى انت ملكش احل افدتني جامد جدا
ومعلش هتقل عليك في سؤالين كدا عشان انا جديد هنا في مصر لاني مولود برا
كنت عايز اعرف سعر التربيط على العفشة والترصيص؟؟؟
ولما اغير الزيت الراجل ياخد مصنعية قد اية ؟؟؟
وظبط الفرامل الي قولت علية يكلف كام بردو ؟؟؟؟
وتزويد شحن التكييف يكلف كام؟؟ ولو جبة الفريون من عندي ؟
ولو مسافر مسافة 200 كيلو مثلا و خدت الطريق كلو على 120 على الخامس في غلط على العربية؟؟؟
حاجة اخييرة وانا مشغل التكييف لما بقف مثلا نازل اشتري حاجة بلاقي العربية بترعش على خفيف كدا والا ار بي ام بيطلع وينزل مبيعديش ال 2 يعني ولو لمست دواسة البنزين زودت سنة خفيفة اوي بتروح الرعشة اية الحل؟؟؟؟؟؟؟؟؟
وبالنسبة لكشافات انا عايز اقوي نورها شوية ناس قالتلي ركب ليدات والي اعرفو ان في لمبة فيها 20 ليد وفيا مثلا فيها 30 مش عارف اجيب اية وتعمل كام؟؟؟؟
وبالنسبة للفلاتر واي زيوت تانية ف العربية او سيور مثلا بتتبدل كل قد اية ؟؟؟؟
انا طبعا بسئل على الاسعار لاني جديد في مصر ومش عايز حد يضحك عليا
وسؤال اخير بنزين 80 غلط على العربية ؟؟
انا اسف اني مطول عليك بس بجد دي فرصة نستفيد من خبرة حضرتك
بجد يا د/ مصطفى انت ملكش احل افدتني جامد جدا
Merci Beaucoup
ومعلش هتقل عليك في سؤالين كدا عشان انا جديد هنا في مصر لاني مولود برا
ولا يهمـــــــــــك
كنت عايز اعرف سعر التربيط على العفشة والترصيص؟؟؟
ولما اغير الزيت الراجل ياخد مصنعية قد اية ؟؟؟
وظبط الفرامل الي قولت علية يكلف كام بردو ؟؟؟؟
وتزويد شحن التكييف يكلف كام؟؟ ولو جبة الفريون من عندي ؟
بص ياباشا....موضوع الاسعار ده بيتفاوت من واحد لواحد ومن بلد لبلد ومن عربية لعربية وقدرتك عالفصال... بس هاقول لك على اسعار اللي باتعامل معاهم
مثلا انا النهاردة مربط عفشة ومركب كاوتشات كوبلن ب 30 جنيه
الترصيص من 4 الى 7 جنيه للعجلة
غيار الزيت بكتيره 5 جنيه
ظبط الفرامل او الرجلشة من 10 ل 20
التكييف ماقدرش افيدك فيه بس بطريقة الموضوع اللي كاتبه متكلف 50 جنيه بالعدة تقريبا على ما اذكر
ولو مسافر مسافة 200 كيلو مثلا و خدت الطريق كلو على 120 على الخامس في غلط على العربية؟؟؟
اللي يحدد الحرارة وحالة العربية والطريق
مثلا انا رحت الزعفرانه ودي حوالي 350 كيلو
فعملت ريست مرة واحدة ربع ساعة وعشان حتى انت ترتاح شوية وتمشي رجلك عشان مترهقش او تصاب بالدوالي
بس يستحسن في رأيي الشخصي انك تخليك على 100 عشان الاقتصاد فالوقود والثبات والامان
ولازم طبعا يكون كاوتشك كويس وضغطه مظبوط عشان تتجنب الحوادث
حاجة اخييرة وانا مشغل التكييف لما بقف مثلا نازل اشتري حاجة بلاقي العربية بترعش على خفيف كدا والا ار بي ام بيطلع وينزل مبيعديش ال 2 يعني ولو لمست دواسة البنزين زودت سنة خفيفة اوي بتروح الرعشة اية الحل؟؟؟؟؟؟؟؟؟
السؤال هو الانتظار شغال وللا لأ.....او هل ده بيحصل وانت فيه حاجة تانية شغاله وللا لأ
ممكن يكون فيه خرطوم مفكوك من الكربيراتير....مش عارف الصراحة
:Zb_sor1[1]:
بس انا لسه مركب لعربيتي ار بي ام امبارح (مكنش فيها) واللي ملاحظه ان السلانسية على 800 لو سخنة او 1500 لو بتسخن
لو التكييف شغال وهي سخنة السلانسيه بيكون جنب 1000
وبالنسبة لكشافات انا عايز اقوي نورها شوية ناس قالتلي ركب ليدات والي اعرفو ان في لمبة فيها 20 ليد وفيا مثلا فيها 30 مش عارف اجيب اية وتعمل كام؟؟؟؟
قصدك الورانية؟؟ دي انت تجيب لها لمبات هالوجين الماني 2 بول الواحدة بتعمل من 2 الى 3 جنيه...ودي هتنور كويس وخصوصا لو الستارة اللي حوالين النمر فيها فوانيس ستوب هيبقى عندك 4 زي الفل
وبالنسبة للفلاتر واي زيوت تانية ف العربية او سيور مثلا بتتبدل كل قد اية ؟؟؟؟
وده كمان رأي شخصي....أنا باعمل صيانة كل 10000 ومحتواها كالتالي
غيار زيت المحرك....موبيل وان ب215 جنيه 4 لتر
فلتر زيت المحرك....باجيب نوع اسمه VIC ياباني علبته اخضر زيتي من 20 الى 25 جنيه عشان يستحمل انه يقعد العشر الاف كيلو
سير الدينامو....وده من 15 الى 20 جنيه ....كوري
طقم بوجيهات.....باجيب دينسو ياباني 28 جنيه
فلتر بنزين ب 10 جنيه
رجلشة الفرامل وصنفرة التيل وفحص الطنابير بالنظر
ظبط الكربيراتير والكهربا
من الحاجات المهمة جدا انك تبدل الاطارات....تبدل الشمال واليمين مع بعض او اللي قدام مع اللي ورا....عشان التآكل يبقى منتظم
كل ده باعمله ب 40 جنيه مصنعيه و5 للصبيان
فلتر الهوا يتغير كل 20 الف ولازم تنضفه بالهوا المضغوط مرة كل شهر بالكتير فالبنزينة بنص جنيه
سير الكاتينة ب 65 جنيه ويتغير من 30000 الى 40000كيلو وفيه منه الماني وياباني وده لااااااااااااازم من محل ثقة
زيت الفتيس كل 50000 كيلو
انا طبعا بسئل على الاسعار لاني جديد في مصر ومش عايز حد يضحك عليا
وسؤال اخير بنزين 80 غلط على العربية ؟؟
انا ماشي بالعربية 30000 كيلو في 10 شهور ببنزين 80
اهم حاجة ان الكهربا والكربيراتير والبوجيهات كويسة وتخللي بالك في السواقة انك متخليهاش تصقف....يعني لو لقيتها بتكركر تروح على طول ساند بسنة دبرياج وهو لو انت مش متعود عليه هيضايقك حبة مع التكييف
التصقيف او الكركرة هي مشكلة ال 80
وعلى فكرة انا عندي ال 90 و 92 العربية بتاكلهم يعني تكلفة من كل ناحية
انا اسف اني مطول عليك بس بجد دي فرصة نستفيد من خبرة حضرتك
ولا يهمك يابرنس واي توضيح مطلوب اسأل ومتتكسفش
كفيت ووفيت
وبجد اي كلمة مش ممكن تعبر على شكري ليك ربنا يخليك لينا .......
ممتاز د. مصطفي
طبعا الدكتور مصطفى ما شاء الله جاوب لك على كل حاجه ربنا يبارك له .. أنا عاوز أقول لك حاجه بالنسبه للتخميس بالسويفت .. العربيه أصلا عفشتها ضعيفه .. و الكبالن بتاعتها بتبوظ بسرعه .. جرب كده انزل بيها وكالة البلح او التوفيقيه هتلاقى الناس وانت داخل بتقول لك "كبالن يا بيه؟" .. و كمان حاول ما تاخدش بيها ملفات بسرعه و متكسرش الدركسيون للاخر و انت بتاخد الملف.
السلام عليكم
حد يعرف يا جماعة ثمن عداد rpm
أو مكان لاصلاحه
شكرا
أنا جبت لوحة عدادات كاملة من شارع حسين بيه فالمنصورة وركبتها بنفسي في اقل من ربع ساعة
وقبلها كنت مظبط قراية ارقام العداد عشان انا منتظم فالصيانة ودي بإيدي برضه وخدت نص ساعة
اول كلام كان 180 جنيه وبعد مناهدة خلصت على 130 جنيه وعالتجربة فهات لك لوحة كاملة استعمال احسن
السلام عليكم
انا سعيد بنشاط رابطة السويفت وخاصة د مصطفى
احب استشير حضراتكم فى سويفت 93 مجددة بالكامل متور استيراد مثبت فى الرخصة بدون تكييف توجد مرمة صغيرة بالحوض بدون رش الحوض
مطلوب 23 الف كويس ولا اشوف حاجة دواخل فابريكة احسن
هو بيتفك عادي بس عاوز حرص شديد جدا عشان متكسرش الكلبسات اولا...وثانيا عشان الخلفية السودة لما بتتبصم من اليد صعب تنضفها
بس السؤال هل انت قصدك تركبه بره لوحة العدادات....زي اللي بييجي من عند بتوع الاكسسوار؟؟؟وللا قصدك تبدل البايظ بس
انت الاول اما بتطلع الشاشه ( اللي هي اللوحة ) هتلاقي الوش الشفاف متثبت بكلبسات من فوق ومن تحت...هتضغط عليهم بالراحة جدا لحد ما هتلاقي الوش الازاز اتفك ويطلع معاه البلاستيك الاسود اللي بتشوفه حوالين العداد...وهتلاقي العدادات ثابتة في الجزء الخلفي جنب بعضها....لتنضيفها هتعوز تنفخ بالراحة عليها او بفرشة بوية جديدة وناعمة وعرضها 1 بوصه بالكتير.....المهم هتلاقي ورا عداد ال ار بي ام 3 مسامير فكهم بالراحة هتلاقي العداد طلع في ايدك....وانت بتركب تاني ركب كويس عشان دول اللي موصلين الكهربا للعداد وفي نفس الوقت مثبتينه
لفك الشاشة....هتعوز صليبة عجل وهتعوز مفك صليبة قصير وهتعوز زرادية او بنسة
لو عاوز الطريقة ابقى قول لو انت مش عارف
علشان كدة بفكر أغيره بنفسى .. لأن أحيانا تلاقى صنايعية يفكوا ويركبوا الحاجة وعندهم لا مبالاه :star1:
أقصد تبديل البايظ بس
بصراحة أنا اتلخبطت يا ريت لو ممكن توضح الطريقة أكتر :majd(4):
معلش يا ابو السماسيم....انا آسف
أنا عندي الشاشة القديمة اللي مفيهاش RPM وهي نفسها في كل حاجة
اديني يومين او 3 على يوم الثلاثاء بالكتير قوي لو مفيش مانع عشان انا مشغول
وان شاء الله هاحاول ارفعها لك بالصور
لو مستعجل هاشرحها لك النهاردة بالليل لو عاوز بس من غير صور
تختار ايه؟؟
Regards
من فضلكم هوايات التكييف بتتباع فين وبكام؟ الريش بتاعت واحدة مش بتثبت
أنا كنت سألت عليهم فى شارع أحمد حلمى خلف محطة القطر على طول عند الناس بتوع السوزوكى
أنا جبت الهواية اللى فى الجنب ب 30 جنيه !! بس عرفت بعد كده انى لو كنت فاصلت كنت جيبتها بأقل من كده
أما الهواية اللى فى النص مش فاكر كان سعرها كام بس أنا فاكر كان معدى 130 جنيه !! برضه قبل الفصال علشان كده لم أشتريها ولزقت الريش اللى موجودة عندى وخلاص
Thanks semsem basha